സാരി.(ചെറുകഥ)
................................
................................
അവള്‍ സാരി എടുത്ത് ഉടുക്കുന്നത് കണ്ട് ദിലീപ് കട്ടിലില്‍ കിടന്നു.
''ഗൗരീ.... നീ സാരി ഉടുക്കുന്നത് പോലെ ഇത്ര ഭംഗിയില്‍ ആരെയും ഞാന്‍ കണ്ടിട്ടില്ല..''
''ഇയാള്‍ അങ്ങിനെ വേറെ ഒരുത്തി സാരി എടുക്കുന്നത് നോക്കണ്ടാട്ടാ....''
അവള്‍ ശരീരത്തിന്റെ ഓരോ വടിവുകളിലും സാരി തലപ്പ് ചേര്‍ത്ത് വെച്ചു പിന്ന് കൊണ്ട് കുത്തി വെച്ചു.
''എത്ര പിന്നാണ് കുത്തുന്നത് നീ....ഒരു നൂറ് എണ്ണം എങ്കിലും ആയി കാണുമല്ലൊ....''
''മോന്‍ വേഗം പോകാന്‍ നോക്ക് ചേട്ടന്‍ ഇപ്പോള്‍ വരും...പത്ത് മണിക്കാണ് പരിവാടി. റെഡിയായി നില്‍ക്കാന്‍ പറഞ്ഞിട്ട് മണിക്കൂര്‍ ഒന്നായി.....അതിനെങ്ങനെയാ കൊതിയന്‍ വീടണ്ടെ.....''
''കെട്ട്യോന്‍ തുണിക്കട തുടങ്ങി ഉല്‍ഘാടിക്കാന്‍ പോകല്ലെ....നിന്നെ തന്നെ മോഡല്‍ ആക്കാന്‍ പറ''
അവള്‍ കണ്ണാടിയില്‍ നോക്കി മുഖത്ത് ക്രീം ഇട്ടു മീതെ പൗഡറും.....അവന്‍ അവളുടെ പുറകില്‍ വന്ന് വീണ്ടും കെട്ടി പിടിച്ചു.
''ഒന്ന് വിട്.....വേഗം പോയേ...വല്ല്യ കൂട്ട്കാരനാണ് ഒന്ന് സഹായിച്ച് കൂടെ ചേട്ടനെ..''
''അവന്‍ എന്നോട് നേരത്തെ എത്താന്‍ പറഞ്ഞതാ.....ഞാന്‍ നേരത്തെ പോയാല്‍ പിന്നെ ഇങ്ങനെ നിന്റെ അടുത്ത്.....നടക്കില്ലല്ലൊ ഗൗരി...''
''സമയം കുറെ ആയി വേഗം പോ മുത്തേ.....''
''ശരി നിന്നെ ടെന്‍ഷന്‍ അടിപ്പിക്കുന്നില്ല...ഞാന്‍ തെറിക്കട്ടെ....കെട്ട്യോനും കെട്ട്യോളും വാ....അവിടെ വെച്ച് കാണാം....''
ഗൗരിക്ക് തന്നെ കടും നീല നിറത്തിലുള്ള സാരി നല്‍കി അയാള്‍ തന്റെ കടയിലെ ആദ്യത്തെ കച്ചവടം ചെയ്തു.
രാത്രി ഗൗരിയും ഭര്‍ത്താവും വൈകിയാണ് വീട്ടിലേക്ക് എത്തിയത്.
''അങ്ങിനെ ഗള്‍ഫില്‍ ടെക്സ്റ്റൈല്‍സില്‍ പണിക്ക് നിന്ന് ഇപ്പോള്‍ നാട്ടില് ഒന്ന് സ്വന്തമായി തുടങ്ങാന്‍ പറ്റി അല്ലെ ഗൗരി..''
''മ്...മ്....ചേട്ടാ ഞാന്‍ മേല് കഴുകി വരാം.....''
ക്ഷീണം കൊണ്ട് അയാള്‍ കട്ടിലില്‍ കിടന്നു...
കൈ എന്തിലോ തടഞ്ഞു.....ആത്മസുഹൃത്ത് ദിലീപിന് നാട്ടില് വന്നപ്പോള്‍ സമ്മാനിച്ച റാഡൊ വാച്ച്....
അയാള്‍ രാവിലെ പോലീസ് സ്റ്റേഷനിലേക്ക് ഫോണ്‍ ചെയ്തു....
''സാര്‍ എന്റെ ഭാര്യ ആത്മഹത്യ ചെയ്തു''.....അയാള്‍ കണ്ണുകള്‍ ഉയര്‍ത്തി നോക്കി...
ഗൗരി ആ നീല സാരിയുടെ തുമ്പത്ത് കിടന്ന് മെല്ലെ ആടുന്നുണ്ടായിരുന്നു....
................
സിയാദ്
................
സിയാദ്
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക