ചേർച്ച, (മിനിക്കഥ,)

=====

''അയാളുടെ പേരുളള ആരെങ്കിലും , വിവാഹിതരായോ
എന്നറിയാൻ പത്രം നോക്കുന്ന പതിവുണ്ട് അയാൾക്ക്,

പത്രത്തിൽ വരുന്ന വാർത്തകളിലും മറ്റും തന്റെ പേരുളള ആരെങ്കിലും ഉണ്ടോ എന്ന് നോക്കുവാൻ വലിയ ആകാംക്ഷയാണ് അയാൾക്ക്,

കഴിഞ്ഞ ദിവസം കണ്ട വൈവാഹിക ഫോട്ടോ യിലെ വരൻ അയാളുടെ പേരുളളവനായിരുന്നു,

, പക്ഷേ
ചെക്കൻ അത്ര പോരാ, പെണ്ണ് സുന്ദരിയായിരുന്നു,
അയാൾക്ക് നല്ല വിഷമം വന്നു,

തനിക്ക് കിട്ടീലല്ലേ ഈ പെണ്ണിനെ എന്ന് അയാൾ ചിന്തിച്ചു,

തന്റെ പാസ്പോർട്ട് സൈസ് ഫോട്ടോ എടുത്ത് ആ പെണ്ണിന്റെ ഫോട്ടോയ്ക്കൊപ്പം വച്ചു ഒത്തു നോക്കി,

ഇതു കണ്ടു കൊണ്ട് വന്ന ഭാര്യ ചോദിച്ചു,

''എങ്ങനെ രണ്ടാളും ചേരുമോ, ?

'അയാൾ ഒന്നും മിണ്ടിയില്ല,

അവൾ അകത്തേക്ക് പോയി
അലമാരയ്ക്കുളളിൽ സൂക്ഷിച്ച പഴയ ഒരു
,പത്രത്തിൽ നിന്ന് വെട്ടിയെടുത്ത പെണ്ണിന്റെ ഫോട്ടോ കാണിച്ചിട്ട് പറഞ്ഞു,

ഇത് നോക്കു, !

'ആ ഫോട്ടോയും, അയാളുടെ ഫോട്ടോയും തമ്മിൽ വച്ചു നോക്കി,

' ഇല്ല ഒട്ടും ചേരില്ല, ഏതാ ഈ കറുത്ത് മെലിഞ്ഞ നരുന്ത് പെണ്ണ്, ?!

''പ്രീഡിഗ്രിക്ക് ജില്ലയിൽ ഏറ്റവും കൂടുതൽ മാർക്ക് വാങ്ങിയ കുട്ടി,
ഒരദ്ധ്യാപകനെ വിവാഹം കഴിക്കാനായിരുന്നു ആഗ്രഹം,
പക്ഷേ ,

അപകടത്തിൽ പെട്ട് വലതു കാൽ നഷ്ടപ്പെട്ട പഠിക്കാത്ത ഒരുവനോട് ആ കുട്ടിക്കു തോന്നിയ ദയ കാരണം
അവളുടെ ആഗ്രഹങ്ങളെല്ലാം ഉപേക്ഷിച്ചവൾ,
ചേർച്ചയില്ലാത്ത ജോഡിയാകാൻ സ്വയം ജീവിതം സമർപ്പിച്ചവൾ,!

നിറഞ്ഞ കണ്ണുമായി അവളെഴുന്നേറ്റു,

കുറ്റബോധത്തോടെ,
ഇടതു കാൽ,
സ്റ്റെക്ച്ചറിലൂന്നി അയാളും, എഴുന്നേറ്റു, !!

===========
ഷൗക്കത്ത് മൈതീൻ ,