നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

ചാറ്റിങ് ആത്മഹത്യാ

Image may contain: 1 person

- അന്ന ബെന്നി
ചുമ്മാ ഫോണിൽ തോണ്ടി ഇരിക്കുമ്പോളാണ് അവന്റെ റിക്വസ്റ്റ് വരുന്നത്.
ഫേക്കാണെന്ന് ഒറ്റ നോട്ടത്തിൽ അറിയാം!.
എന്നിട്ടും അവൾ അവനെ ആഡ് ചെയ്തു...
ഉടനെ തന്നെ ഒരു... "ഹായ് " വന്നു.
"ഹലോ"
"ആരാണെന്ന് മനസ്സിലായോ...?"
"ഞാൻ തമിഴ് സിനിമ കാണാറുണ്ട്...
നടൻ വിജയ് അല്ലേ???"
"തമാശക്കാരി ആണല്ലേ?"
"ഇതിൽ എന്തായിത്ര തമാശ?"
"ഇതു താങ്കൾ പോക്കിരിയിൽ അഭിനയിച്ചപ്പോൾ എടുത്ത ഫോട്ടോ അല്ലേ??
ഞാൻ ടീവിയിൽ കുറേ പ്രാവശ്യം കണ്ട സിനിമയാണ്.
അല്ല മലയാളം ഒക്കെ അറിയുമോ??"
"അയ്യോ! ഞാൻ സിനിമാ നടനൊന്നുമല്ല...
പ്രൊഫൈൽ പിക് വിജയ്യുടെ ഇട്ടന്നേ ഉള്ളു"
"ആണോ??.... മനസിലായതേ ഇല്ല"
"ഇയാൾ എന്താ കിടക്കാത്തെ...?"
"ആരു പറഞ്ഞു ഞാൻ കിടന്നില്ലെന്ന് "
"കൊച്ചുകള്ളീ അപ്പോൾ കിടന്നോണ്ടാണല്ലേ ചാറ്റ്?"
"രാത്രി എന്നും ചാറ്റിങ് ആണോ ??"
"അതേ... എന്താ?"
"ആരോടാ ചാറ്റിങ് ?"
"മനുഷ്യരോട് "
"ആണിനോടാണോ പെണ്ണിനോടണോ എന്നാ ചോദിച്ചത് "
"രണ്ടും മനുഷ്യർ തന്നെ അല്ലേ ?"
"തുറന്നു ചോദിക്കുന്നത് കൊണ്ടു വിരോധം തോന്നരുത് ."
"ഇല്ല"
"സെക്സിനോട് താത്പര്യം ഉണ്ടോ...?"
"ഉണ്ട് "
"ശരിക്കും ഇയാള് ഒർജിനൽ ഗേൾ അല്ലേ...?"
"പ്രൊഫൈൽ നോക്കിയിട്ട് എന്താ തോന്നിയെ?"
"ഒർജിനൽ ആണെന്ന് ."
"പിന്നെന്താ സംശയം?"
"ഏയ് ഒന്നുമില്ല."
"ഒരു ഫോട്ടോ തരുമോ?"
"പ്രൊഫൈലിൽ ഉണ്ടല്ലോ"
"അതല്ല... ഇപ്പോളത്തെ കിടന്നു കൊണ്ടുള്ളത്"
"എന്തിനാ?"
"ഒന്നു കാണാൻ"
"നാളെ പത്രം നോക്കിയാൽ മതി"
"അതെന്താ"
"ഞാൻ മരിക്കാനായി കൈയിലെ ഞെരമ്പു മുറിച്ചിരിക്കുകയാണ്.. .. അപ്പോളാ താൻ വന്നത് "
"അയ്യോ! എന്തിനാ...?"
"മരിക്കാൻ തന്നെ "
"ചുമ്മാ പറയല്ലേ"
"അതു രാവിലെ അറിയാലോ"
"ശരിക്കും പറഞ്ഞതാണോ...?
ഒരു ജീവിതം അല്ലേ ഉള്ളു?
എന്തിനാ വെറുതെ നശിപ്പിക്കുന്നത്...?
ആത്മഹത്യാ ഭീരുക്കളല്ലേ ചെയ്യുന്നത്??
വേഗം വീട്ടുകാരെ വിളിക്കു ഹോസ്പിറ്റലിൽ പോകൂ...."
"ഇല്ല എനിക്ക് മരിക്കണം.... പിന്നെ ഒരു സന്തോഷം ഉണ്ട്....
തന്നെ പോലുള്ള ഒരു ഞരമ്പനെ കുടുക്കാനും പറ്റിയല്ലോ..."
"എന്ത്?.....ഞാനെങ്ങനെ കുടുങ്ങും....?
"ഞാൻ മരിച്ചാൽ എന്റെ ഫോൺ പോലീസ് ചെക്ക് ചെയ്യും
അതിൽ ലാസ്റ്റ്...... ഇത്രയും നേരം സംസാരിച്ചത് ആരോടാണെന്നും അവരറിയും.
അങ്ങനെ നാളെ മുതൽ തന്റെ ജീവിതവും മാറി മറിയും..."
"അയ്യോ ചതിക്കല്ലേ പെങ്ങളെ
എനിക്കു ഭാര്യേം രണ്ടു മക്കളും ഉണ്ട്.
അതിൽ ഒന്ന് പെൺകുട്ടിയും ആണ്.
അവർക്കു ഞാനല്ലാതെ മറ്റാരുമില്ല."
"ഇത്രയും കുടുംബ സ്നേഹം ഉള്ള ആളാണോ
രാത്രി ഫേക്ക് ഐഡിയും ആയി പെണ്ണുങ്ങളെ തേടി ഇറങ്ങുന്നത്.?"
"തെറ്റു പറ്റി പോയി
ഇനി ഒരിക്കലും ആവർത്തിക്കില്ല
ആരോടേലും പറഞ്ഞു വേഗം ഹോസ്പിറ്റലിൽ പോകുമോ??"
"ഇല്ല "
"എന്നാൽ എനിക്കും ആത്മഹത്യ മാത്രമെ വഴിയുള്ളൂ"
"ചെയ്‌തോളൂ"
"$@@£€<<@$$"
"ഹി...ഹി...
മരിക്കും മുൻപുള്ളതല്ലേ സാരമില്ല
നാളെ ഭാര്യയും മക്കളും എല്ലാം അറിയുമ്പോൾ... ഹി...ഹി..."
"നിനക്കു ശരിക്കും വട്ടാണല്ലേ??"
"അതെല്ലോ
നാട്ടുകാർക്കും വീട്ടുകാർക്കും മുന്നിൽ അവർ താൻ മൂലം നാണിച്ചു തല താഴ്ത്തും
ചിലപ്പോൾ അവരും ആത്മഹത്യ ചെയ്‌യുമായിരിക്കും..."
"എടി പിശാശേ..നിനക്ക് ഇതൊക്കെ ചെയ്താൽ എന്തു കിട്ടും?
നമ്മൾ തമ്മിൽ ഒരു പ്രശ്നങ്ങളും ഇല്ലാലോ
ഇന്ന് ഞാൻ റിക്വസ്റ്റ് അയച്ചിട്ടേ ഇല്ലെന്നു കരുതിക്കൂടെ"
"ഡി...
വീണാ....
വീണേ...
മിണ്ടു....
ഹേയ്
........."
10മിനിറ്റുകൾക്ക് ശേഷം
"ഹലോ വിജയ്.."
"നിനക്ക് ഒന്നും പറ്റി ഇല്ലല്ലോ...ലെ?"
"ഇല്ല.... പക്ഷേ ഈ കഴിഞ്ഞ പത്തു മിനിറ്റു കൊണ്ട് താൻ എല്ലാ ലോകവും കണ്ടെന്ന് എനിക്കറിയാം
താൻ ഇതുവരെ കാമം എന്ന വികാരം കൊണ്ട് സ്വർഗ്ഗം അല്ലേ കണ്ടിട്ടുള്ളു.
ഭയം എന്ന വികാരം കൊണ്ട് നരകം കാട്ടാനും ഞങ്ങൾ പെണ്ണുങ്ങൾക്കറിയാഡോ....
വീട്ടിലെ പണികളും ഓഫീസിലെ ടെൻഷൻസും കഴിഞ്ഞ് , പണ്ടു വല്ല സീരിയലും കണ്ടിരുന്ന ഞങ്ങളെ
വാർത്തയോ, സ്പോർട്സോ ഒന്നുമില്ലേൽ നാപ്ടോൾ ചാനൽ വച്ചിട്ടാണേലും എണ്ണീൽപ്പിച്ചു വിടും....
എന്നാൽ രാവിലെ മുതലുള്ള കാര്യങ്ങൾ ലഘുവായി വിവരിക്കാമെന്നോർത്താൽ ആ ഫോണിൽ നിന്നും തലയൊന്നുയർത്തിയാലല്ലേ വല്ലതും അങ്ങു കേൾക്കു
ബെഡ്‌റൂമിൽ എത്തിയാലും കാര്യങ്ങൾക്ക് വലിയ മാറ്റമൊന്നുമില്ല...
അങ്ങനെ ഇരിക്കുമ്പോളാകും ഞങ്ങൾക്കും ഒരു തോണ്ടൽ ഫോൺ കിട്ടുന്നത്.
കിട്ടിയാൽ ഉടനെ തന്നെ എഫ്ബിയിൽ ഒരു അക്കൗണ്ടങ്ങ് തുടങ്ങും. ആദ്യം തന്നെ ഒരു ഫാമിലി ഫോട്ടോ അങ്ങിടും. പിന്നെ മക്കളുടെ കഴിവുകൾ...കെട്ടിയോന്റെ സ്നേഹസമ്മാനങ്ങൾ അടുത്ത ബന്ധുകളുടെ കല്യാണം നൂല്കെട്ട് തുടങ്ങിയ ചടങ്ങുകൾ....(അതൊക്കെ ഇടുന്നതിനുമുണ്ട് കാരണങ്ങൾ....ഭർത്താവ് വാങ്ങി തന്ന പുതിയ സാരി...ആഭരണങ്ങള്... എല്ലാം എല്ലാരേം ഒന്നു കാണിക്കാം)
ഞങ്ങൾ സന്തോഷത്തോടെ തന്നെയാണ് കഴിയുന്നതെന്ന് കാട്ടാൻ പുറത്തു പോയി സാധനങ്ങൾ വാങ്ങുന്നത് മുതൽ ഇടയ്ക്കു വീണു കിട്ടുന്ന ട്രിപ്പുകളുടെ ഫോട്ടോസും ഇടും...
അതിന് കിട്ടുന്ന ഓരോ ലൈക്കും കമന്റും വലിയ ആവേശം തന്നെയാണ് തരുന്നത്.
പിന്നെ കുറച്ചു പാചക ഗ്രൂപ്പുകളും സാരി ചുരിദാർ അഭരണ ഗ്രൂപ്പുകൾ വേസ്റ്റ് സാധനങ്ങളിൽ നിന്നും വരെ കരകൗശല വസ്തുകളുടെ നിർമാണം വീഡിയോകൾ
അങ്ങനെ ഓരോ ദിവസം കഴിയും തോറും പുതിയ പുതിയ ഗ്രൂപ്പുകൾലും എല്ലാം ആണ് ഓരോ വീട്ടമ്മയുടെയും ഫേസ്ബുക് അക്കൗണ്ട്.
അതിനിടയിൽ ഇൻബോക്സിൽ മെസ്സേജ് വന്നു നിറയുന്നുണ്ടാകും.
ഭൂരിപക്ഷം പേരും അതൊന്നും തങ്ങളെ ബാധിക്കുന്ന കാര്യമായി പോലും കരുതിയിട്ടുണ്ടാവില്ല. ചിലരാവട്ടെ നന്നായി അറിയാവുന്നവർക്കു മാത്രം മറുപടി നൽകും...ചിലർ വിശേഷ ദിവസങ്ങളിൽ ആശംസകൾ അയക്കാനായി ഉപയോഗിക്കും...വളരെ കുറച്ചു പേർ എല്ലാത്തിനും മറുപടി
അയക്കും...
ഇവരാണ് താങ്കളെ പോലെ ഉള്ള കോഴികളുടെ ടാർഗറ്റ്....
അതിലും രണ്ടു വിഭാഗമുണ്ട്.
വേണ്ടിടത് ആളുകളെ നിർത്താൻ കഴിവുള്ളവരും.....പറ്റിക്കപ്പെടാൻ താൻ തയ്യാറാണെന്ന് പറയുന്നവരും!.
അവസാനം പറഞ്ഞവർ ചതികുഴികളിൽ വീണു കൊണ്ടേ ഇരിക്കും....
ഒരോ വിവാഹേതര ബന്ധങ്ങളും പെണ്ണിന്റെ കഴിവുകേടാണ്. തന്റെ ഭർത്താവിനേക്കാൾ മറ്റാർക്കും തന്നെ സ്നേഹിക്കാൻ കഴിയില്ലെന്നറിഞ്ഞിട്ടും സ്വയം വിഡ്ഢിയാകാനുള്ള ശ്രമം !!. അതുപോലെ തന്നെയാണ് ആണുങ്ങളുടെ വിവരക്കേടും.... തന്നെ എത്ര സ്നേഹിക്കുന്നെന്ന് പറയുന്നവളും തന്റെ ചന്തവും പൈസയും കുറയുമ്പോൾ ഇട്ടിട്ടു വേറെ ആളെ നോക്കുമെന്ന് അറിയാതെ ഉള്ള പടപുറപ്പാട്....
എല്ലാത്തിനും അവസാനം സ്വന്തം ഇണ മാത്രമേ കാണൂ.... ഏകാന്തതയിലും അവശതയിലും....
എനിക്കു ഉറക്കം വരുന്നു....വിജയ് ചേട്ടൻ പോയി കിടന്നുറങ്ങാൻ നോക്ക്...
ബൈ....."

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot