നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

പൊൻപ്രഭാതം!

Image may contain: Rajesh Damodaran, smiling, closeup


--------------------------®
എത്തിനോക്കുന്നു,യിതാ-
പൊൻ പ്രഭാകിരണങ്ങൾ
തൂമഞ്ഞിൻ പുതപ്പുകൾ -
ക്കിടയിൽക്കൂടി മെല്ലെ!
ഓരോരോ മലയിലും,
ഓരോരോ നദിയിലും
വൈഡൂര്യത്തിളക്കങ്ങൾ
വജ്രമോതിരം പോലെ!
മഞ്ഞിലത്തുമ്പിൽ നിന്നു-
മൂറുന്ന കണങ്ങളെ-
ന്നാത്മാവിലുതിർക്കുന്നൊ-
രാശ്ചര്യതീർത്ഥം പോലെ!
ദൂരെയാസമതല -
തീരത്തേക്കൊഴുകുന്ന
വെള്ളിയരിഞ്ഞാണത്തിൻ
തുമ്പങ്ങുമലയ്ക്കുള്ളിൽ!
കേൾക്കുവാനെന്താ,രസം
കാട്ടുചോലക്കുണുങ്ങ-
ലോർക്കുവാൻ, കൊലുസ്സി-
ന്റെയിക്കിളിച്ചിരി പോലെ!
കാടിന്റെ നിഗൂഢതയ്-
ക്കുള്ളിൽ നിന്നുണരുന്ന
വന്യമാം സ്വരത്തിനും
കാതോർത്താലതിഭംഗി!
ചേലെഴും കിളികൾതൻ
കളകൂജനങ്ങളിൽ
കാടാകെയുണരുമ്പോ-
ളൈശ്വര്യമിപ്രഭാതം!
നിധികാക്കും പോലെയാ-
വിന്ധ്യപർവ്വതങ്ങളീ-
സംസ്കൃതി സൂക്ഷിയ്ക്കയാ-
ണത്യന്തം ഗമയോടെ!
എത്രസുന്ദരങ്ങളീ-
ക്കാഴ്ച്ചകളോരോന്നുമെ-
ന്നുൾത്തടം, കവരുവാ-
നെത്തുന്നു നിരപോലെ!
ആശയുമാവേശവും
നിറയ്ക്കാനുതകുന്നൊ-
രിത്തരം പ്രഭാതത്തിൻ
സ:ത്ത ഞാൻ മൊത്തീടട്ടെ!
© രാജേഷ് ദാമോദരൻ

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot