അപഥ സഞ്ചാരിണി.

നീണ്ട ഇടവേളകളിൽ
ഒരുപാടു കൊതിച്ചതാണവളെ,
അറിയാമായിരുന്നു എന്നെങ്കിലും
തേടി വരുമെന്ന് .
മന്ദമായാണ് ഞാൻ
അവളിലേക്ക് പ്രവേശിച്ചത്.
അതോ അവളെന്നിലേക്കോ ....
ആവേശമായിരുന്നു അവളെനിക്കെന്നും
എത്രയായിട്ടും കൊതി തീരുന്നില്ല ..

പക്ഷെ ചിലരുണ്ട്
എന്റെ വരവും കാത്തിരിക്കുന്ന
കാത്തിരുന്ന് ഉപ്പ് ചേർത്ത മോഹങ്ങൾ
പെയ്തൊഴിക്കുന്നവർ .

കൊതി തീർന്ന കണ്ണുകളുള്ള
തിളയ്ക്കുന്ന വെള്ളത്തിന്റെ
മോഹ സാക്ഷാത്കാരത്തിനായ് .
നിന്നെ വെറുത്തു പോയവർ.
കാരണം നീ നാശം പിടിച്ചവളാണ്
അപഥ സഞ്ചാരിണി
വഴിയും സമയവും തെറ്റിയവൾ
നീ ..അശ്രീകരം പിടിച്ചവൾ ..

By: Gopal Arangal