''മഴക്കെടുതി

 
==========

പ്രണയ മണി തൂവൽ പൊഴിയും പവിഴ മഴ, ''

ആ പാട്ടും മൂളി അടുക്കളയിലേക്ക് വന്ന എന്നേൊട് ഭാര്യ കോപിച്ചു,

ഒന്ന് മുണ്ടാതിരി മനുഷ്യ, മഴ കാരണം മനുഷ്യൻ നട്ടം തിരിയുവാ, അപ്പോഴാ ഇങ്ങടെ പവിഴ മഴ, !''
പ്രണയ മഴയെല്ലാം,
പ്രളയ മഴയായി മാറീ, മുണ്ടരുത്, !

'' എടീ, പരശുരാമൻ മഴു എറിഞ്ഞുണ്ടാക്കിയ കേരളത്തെ,
ദൈവം മഴ കൊണ്ട് നശിപ്പിക്കുമോ, ?

''ദേ മഴക്കെടുതിക്കുളള അപേക്ഷ വില്ലേജാപ്പീസിൽ സ്വീകരിച്ചു തുടങ്ങി, പോയി ഓരെണ്ണം കൊടുത്തിട്, !

'അതിന് നമുക്കെന്ത് കെടുതിയാ ഉണ്ടായത്, ?

';അതുശരി, കോഴിക്കൂട്, ചെക്കന്റെ പന്ത്, നിങ്ങടെ തുള വീണ നാലഞ്ച് ഷെഡ്ഡി, എന്റെ വളളി പൊട്ടിയ ബ്രാ,
നാലഞ്ച് തവി, ഒരു മൊന്ത, ഇവയെല്ലാം വെളളത്തിലൂടെ ഒലിച്ചു പോയില്ലേ, !!

അത് എഫ് ബിയിലിട്ട് 500 ലൈക്കും കിട്ടിയ തെളിവുണ്ട് , അതിന്റെ കോപ്പി എടുത്ത് അപേക്ഷയോടൊപ്പം സർക്കാരിലേക്ക് അയക്ക് മനുഷ്യാ, !

'കഴിഞ്ഞ മഴക്കെടുതിയുടെ കാശ് ഇതേവരെ കിട്ടിയിട്ടില്ല, അപ്പഴാ, !

ദേ, നമ്മുടെ മെംമ്പറല്ലേ ആ പോകുന്നത്, ഭാര്യ വഴിയിലേക്ക് കൈചൂണ്ടി,

''ഹലോ, മെംമ്പറേ പൂയ്, ഒന്നിവിടെ വരു, ! ഞാൻ മെംമ്പറേ കൈ കൊട്ടി വിളിച്ചു, !

കുട മടക്കി മെംമ്പർ വീട്ടിലേക്ക് കയറി, !

'എന്നാ മഴയാ അല്ലേ, പലയിടത്തും ഉരുൾ പൊട്ടി,, ആറാം വാർഡിൽ വൻ നാശം,

മെംമ്പർ ആകുലതയോടെ പറഞ്ഞു,

''ആറാം വാർഡിൽ എന്താ സംഭവിച്ചത്, ?

''എന്റെ പുരയിടത്തിൽ വെളളം കേറി,!

'ഭാഗ്യം, മെംമ്പറിന് പുതിയ വീട് പണിയാനുളള യോഗം തെളിഞ്ഞു, !

'ങാ, ശരിയാ തോട്ടിലൂടെ പത്തമ്പത് കോഴി കുഞ്ഞുങ്ങൾ ഒഴുകി പോകുന്നതു കണ്ടപ്പോൾ മനസിലായി മെംമ്പറുടെ വീട്ടിൽ വെളളം കേറീന്ന്, നാട്ടുകാർക്ക് കൊടുക്കാൻ പഞ്ചായത്തിൽ കോഴിക്കുഞ്ഞുങ്ങൾ എത്തീട്ടുണ്ടെന്ന് പറയുന്നതു കേട്ടു,

ഭാര്യയാണ് അത് പറഞ്ഞത്,

''കൈയ്യിലിരുന്ന ഡയറി കൊണ്ട് മെംമ്പർ മുഖം മറച്ചു,

''മെംമ്പറെ , അംഗൻ വാടി ടീച്ചർ സുമതീടെ വീട്ടിലും വെളളം കേറി അല്ലേ, ?

''ആരു പറഞ്ഞു, ?

';തോട്ടിലൂടെ പയറും, അരിയും, എണ്ണയുമെല്ലാം ഒഴുകി വരുന്നതു കണ്ടു, !

''മെംമ്പറെ ഒരു സംശയം, ഇത്രേം മഴ പെയ്തിട്ട് '' മുല്ലപ്പെരിയാറി''നെ പറ്റി ആരും ഒരക്ഷരം പോലും മിണ്ടുന്നില്ലല്ലോ, അതെന്താ ?
അവിടുത്തെ ചോർച്ചയെല്ലാം അടഞ്ഞോ, ?

'മുല്ലപ്പൂമൊമ്പൊടി ഏറ്റു കിടക്കും
ഇടുക്കിക്കുമുണ്ട് സൗരഭ്യം, പത്രക്കാരുടേയും, ചാനലുകാരുടേയും ഇത്തവണത്തെ ''ഇര'' ഇടുക്കി ഡാം ആണ്, ഞങ്ങൾ ഇരയോടൊപ്പം, !
'
'അല്ല മെംമ്പറെ സ്കൂളുകൾക്ക് ഇന്നും അവധിയാണോ, ?

''പിന്നല്ലാതെ, കഴിഞ്ഞ ദിവസം ഞാൻ സ്കൂളിൽ ചെന്നപ്പോൾ രസകരമായ ഒരു കാഴ്ച കണ്ടു കേട്ടോ, !

''അതെന്താ, ?

'കഞ്ഞിപ്പുരയിൽ വെളളം കേറി,
അത് കാണാൻ ചെന്ന ഞാൻ കണ്ട കാഴ്ച ഹൊ, !

''എന്താ കണ്ടത് മെംമ്പറെ ,?

''എടോ, കഞ്ഞിവയ്ക്കാൻ വരുന്ന വിലാസിനിയില്ലേ, അവളെ ,നമ്മുടെ പ്യൂൺ നീന്തൽ പഠിപ്പിക്കുവാ, !!
എന്നെ കണ്ടതേ വിലാസിനി ഒരു മുങ്ങൽ, സാമ്പാറ് ചെമ്പിനകത്തേക്ക്, !

''പിന്നെങ്ങനെയാണ് വിലാസിനിയെ പൊക്കിയത്, ?

'ഫയർഫോഴ്സിനെ വിളിച്ചു വരുത്തി രക്ഷിച്ചു, !

'പോലിസിനെ വിവരമറിയിച്ചില്ലേ ?

'അവിടെ അതിലും വലിയ സംഭവം, !

''അതെന്താ, ?

''ജയിലിൽ വെളളം കേറി , രണ്ട് പ്രതികൾ മുങ്ങി ,!

';അയ്യോ, എന്നിട്ട് പിടിച്ചില്ലേ, ?

''ഭാഗ്യത്തിന് , പോലിസ്സ്റ്റേഷന്റെ മുറ്റത്ത് എസ് ഐ വലവീശുകയായിരുന്നു മീൻ പിടിക്കാൻ, അവന്മാര് ആ വലയിൽ കുടുങ്ങി, ! അങ്ങനെ ചരിത്രത്തിലാദ്യമായിട്ട് പോലീസിന്റെ വലയിൽ രണ്ട് പ്രതികൾ കുടുങ്ങി, !

അതിരിക്കട്ടെ , എന്നെ എന്നാത്തിനാ വിളിച്ചു വരുത്തീത്, ?

''മഴക്കെടുതിയുടെ അപേക്ഷാഫോം ഓരെണ്ണം വേണം, !

''മഴ മൂലം തനിക്കെന്ത് നഷ്ടമാണ് വന്നത്, ?

'അതുശരി, എന്റെ ബിസിനസിനെ ബാധിച്ചില്ലേ,

'എന്താ തന്റെ ബിസിനസ്, ?

'മീൻ കച്ചോടം,!!
മഴ മൂലം എല്ലാ വീട്ടിലും വെളളം കേറീലേ, ആളുകൾ മുറ്റത്തിരുന്ന് വല വീശലും, ചൂണ്ടയിടലുമല്ലേ, ഞങ്ങൾ മത്സ്യ വ്യാപാരികൾ ധർമ്മസങ്കടത്തിലാണ്, !

';അതു കൊണ്ട് വിഷമില്ലാത്ത മീൻ കഴിക്കാൻ പറ്റി ജനത്തിന്, അതിരിക്കട്ടെ ഈ അപേക്ഷ എവിടെ കൊടുക്കാനാ,, ?

'വില്ലേജാപ്പീസിൽ,

''ഞാൻ പഞ്ചായത്തിലേക്ക് ചെല്ലട്ടെ, അവിടെ കളക്ടർ വന്നിട്ടുണ്ട്, !

';അപേക്ഷ നേരിട്ട് കൈപ്പറ്റാനായിരിക്കും, !

''മെംമ്പർ മുറ്റത്തേക്കിറങ്ങി, കൂട നിവർത്തി കൊണ്ട് പറഞ്ഞു,

''അപേക്ഷ കൈപ്പറ്റാനല്ല, വില്ലേജാപ്പീസിരുന്ന സ്ഥലം കണ്ടുപിടിക്കാൻ ,

എടോ, വില്ലേജ് ആപ്പീസ് മൊത്തം വെളളത്തിനടിയിലായെടോ,
ആദ്യം വില്ലേജ് ആപ്പീസ് വെളളത്തീന്ന് പൊക്കിയെടുക്കട്ടെ, എന്നിട്ടാകാം
മഴക്കെടുതിയുടെ അപേക്ഷ സ്വീകരിക്കൽ, !! തന്നയുമല്ല ഉടനെ ഒരു പിരിവുണ്ട് സഹകരിക്കണം, ''

''എന്തോ പിരിവാ, ?

''വില്ലേജാപ്പീസ് പുതുക്കി പണിയാൻ,
എടോ,
വില്ലേജാപ്പീസുണ്ടെങ്കിലല്ലേ നമുക്ക് ദുരിതാശ്വാസം കിട്ടു, !

''വില്ലേജാപ്പീസ് പണിയേണ്ടത് സർക്കാരിന്റെ ചുമതലയല്ലേ, ?

''അതിന് സർക്കാരെവിടെ, ? നിയമ സഭയും വെളളത്തിൽ മുങ്ങിയാൽ ഇവിടെ എന്ത് സർക്കാര്,
മഴക്കെന്ത് രാഷ്ട്രീയം,
പ്രളയത്തിനെന്ത് മതം, !
മെംമ്പർക്കെന്ത് പഞ്ചായത്ത്, !!

മെംമ്പർ മഴത്തുളളികൾക്കിടയിലൂടെ വഴിയിലേക്ക്,

മഴയോ മഴ പൂമഴ
പുതുമഴ മാനം നിറയെ
പൊന്മഴ,===

റേഡിയോയിൽ നിന്ന് ചലച്ചിത്ര ഗാനമെഴുകി പുറത്ത് മഴയുടെ ദുരന്തത്തിലേക്കലിഞ്ഞു, !!
==========
'ഷൗക്കത്ത് മൈതീൻ ,