പ്രിയപത്നി

എട്ടും പൊട്ടും തിരിയാത്ത പ്രായത്തിലാണ് അവളെന്റെ പ്രിയ പത്നിയായത്.കതിർമണ്ഡപത്തിൽ താലിക്കായി തലകുനിക്കാൻ പറഞ്ഞതോടെ കുട്ടികളെപ്പോലെ അവൾ ചിരിച്ചു കാണിച്ചത്...

ഈശ്വരാ..പണി പാളിയല്ലോ എന്ന് മനസിൽ ഞാൻ മനസ്സിൽ ചിന്തിച്ചപ്പോഴേക്കും എന്റെ അനിയത്തിക്കുട്ടി അവളുടെ കഴുത്ത് താഴ്ത്തിപ്പിടിച്ചു തന്നത്..

വെപ്രാളാപ്പെട്ട് ഞാനവളുടെ കഴുത്തിൽ താലി ചാർത്തിയതും അബദ്ധത്തിൽ കുരുക്ക് മുറികിപ്പോയി അവൾക്ക് ശ്വാസം മുട്ടിയത്...

ശ്വാസം മുട്ടി നാക്കവൾ പുറത്തേക്ക് നീട്ടിയതും പെണ്ണിന്റെ അച്ഛൻ എവിടെ നിന്നോ ഒരുകത്തിയുമായി പാഞ്ഞെത്തി താലി അറത്തു മുറിച്ചു...

എല്ലാവരും 'എന്നാ ഒടുക്കത്തെ കെട്ടാടാന്ന്' കുറ്റപ്പെടുത്തുന്ന പോലെയെന്നെ നോക്കിയതും ചമ്മിയടപ്പ് തെറിച്ച് ഞാനൊരു പരുവമായി...

ഒറ്റപ്പൂരാടവും എന്റെ നാളും കൂടി ചേരാത്തതിനു ഇരട്ടത്താലി കെട്ടണമെന്ന് ജ്യോത്സ്യർ പറഞ്ഞിരുന്നെങ്കിലും അതിനെയെല്ലാം പുച്ഛിച്ചാണ് ഞാൻ അങ്കത്തിനിറങ്ങിയത്...

ജ്യോത്സ്യർ പറഞ്ഞത് അച്ചട്ടായതിനാൽ വീണ്ടുമൊരു താലികെട്ടുകൂടി നടത്തണമെന്ന് എല്ലാവരും ആവശ്യപ്പെട്ടു.അമ്മയെ തല്ലിയാലും രണ്ടുപക്ഷം എന്നത് പോലെ ആളുകൾ തമ്മിൽ രണ്ടു ചേരിയായി വാഗ്വാദത്തിൽ ഏർപ്പെട്ടു...

ഒടുവിൽ കാരണവന്മാരുടെ ധാരണപ്രകാരം ഒത്തുതീർപ്പ് ചർച്ചയിൽ വീണ്ടും താലികെട്ടണമെന്ന് പറഞ്ഞത്...

ഇനി ചേട്ടൻ ഒരുകെട്ട് കെട്ടിയാൽ മതി ബാക്കി ഞാൻ ചെയ്തോളാമെന്ന് അനിയത്തി മുൻ കൂട്ടി പറഞ്ഞു..

വീണ്ടും ഞാൻ താലി ഉയർത്തിയതും പൊട്ടിപ്പെണ്ണ് ഭയന്നലറിക്കൂവി...
"അയ്യോ ഇയാൾ എന്നെ കൊല്ലാൻ പോകുന്നേ" എന്ന് അലറി വിളിച്ചു അവളെഴുന്നേറ്റോടിയത് കണ്ട് എന്റെ ബാല്യം പകച്ചു പോയി...

പെണ്ണിന്റെ വീട്ടുകാർ പിടിച്ചു കെട്ടി അവളെ കൂടെയിരുത്തിച്ചു.ഒരുവിധം താലികെട്ട് ഒപ്പിച്ചെടുത്തു.പരസ്പരം മാല ചാർത്താൻ പൂജാരി പറഞ്ഞെങ്കിലും അവൾ മാല എന്റെ കഴുത്ത് ലക്ഷ്യമാക്കി എറിഞ്ഞു തന്നു....

പെണ്ണിനെ കുറ്റം പറഞ്ഞിട്ടെന്ത് കാര്യം കുഴപ്പമെല്ലാം എന്റെ കയ്യിലാണല്ലൊ..ചടങ്ങുകൾ പൂർത്തിയാക്കി ഫോട്ടോ വീഡിയോസിനെല്ലാം ചേർന്ന് നിൽക്കണ്ടവൾ തെല്ലകലം പാലിച്ചു നിന്നു...

ഗൾഫിലായത് കാരണം വീട്ടുകാർ തന്നെയാണ് പെണ്ണ് കണ്ടു ഉറപ്പിച്ചതെല്ലാം.ലീവ് കിട്ടി ഞാൻ നാട്ടിലെത്തിയത് വിവാഹത്തിന്റെ തലേദിവസവും...

പലപ്പോഴും പെണ്ണിനോട് ഫോണിൽ വിളിച്ച് സൊള്ളാമെന്ന് കരുതിയെങ്കിലും നാണമാണെന്ന് പറഞ്ഞു അതിവിദഗ്ധമായി അവളൊഴിഞ്ഞുമാറിയിരുന്നു..

കല്യാണ മണ്ഡപത്തിൽ പെണ്ണിനെ കണ്ടതും എന്റെ കിളിപോയി..ഫോട്ടോയിൽ കണ്ടപ്പോൾ അടിപൊളിയെന്ന് കരുതിയവൾ നീർക്കോലി.ഞാനാണെങ്കിൽ ഗുണ്ടും...

എന്റെ വീട്ടുകാർ എവിടെ നോക്കിയാണ് പെണ്ണിനെ കണ്ട് ഇഷ്ടപ്പെട്ട് ഉറപ്പിച്ചതെന്ന് ഞാൻ ചിന്തിച്ചെങ്കിലും എനിക്ക് തൃപ്തികരമായ ഉത്തരം കണ്ടെത്താൻ കഴിഞ്ഞില്ല...

വീട്ടിലെത്തി ഒരുവിധം റെസ്റ്റെടുക്കാമെന്ന് കരുതിയെങ്കിലും ഒരുരക്ഷയുമില്ല തിരക്കോട് തിരക്ക്.ഗൾഫിൽ നിന്ന് വന്നതിന്റെയും വിവാഹത്തിന്റെ തിരക്ക് കാരണവും ഞാനൊരു പരുവമായി...

കല്യാണച്ചെലവെന്ന് പറഞ്ഞു കൂട്ടുകാർ വട്ടം കൂടിയെങ്കിലും ആ ചടങ്ങ് അനിയനെ ഏൽപ്പിച്ചു ഞാൻ ആശ്വാസം കൊണ്ടു...

ഇന്നു മുതൽ കൂട്ടു കിടക്കാൻ ഒരാൾ ഉണ്ടെന്നുള്ളത് നല്ല കാര്യമെങ്കിലും ഉറക്കത്തിൽ കെട്ടിപ്പിടുത്തം എനിക്ക് അലർജിയാണ്...

തിരക്കുകളിൽ നിന്നൊഴിവായി മണിയറയിൽ ഞാൻ പ്രവേശിച്ചതും' പെണ്ണ് കിടന്ന് ഉറക്കമായത് കണ്ട് ഞാൻ ശരിക്കും ഞെട്ടിപ്പോയി.. അടിപൊളി.. ഇതെന്ത് സാധനമെന്ന് വിചാരിച്ച് കട്ടിലിന്റെ ഒരുമൂലക്ക് ഞാൻ ചുരുണ്ടുകൂടി...

വേനൽക്കാല മഴയിൽ ഇടിമിന്നൽ ഗർജിച്ചതും നീർക്കോലി അലറി വിളിച്ചു ഉറമ്പടക്കം എന്നെ കെട്ടിപ്പിടിച്ചു.ഉറക്കത്തിലെ കെട്ടിപ്പിടുത്തം അലർജിയായതും മറ്റൊന്നും ചിന്തിക്കാതെ ഞാൻ അവളെ കുടഞ്ഞെറിഞ്ഞു..ആ ശക്തിയിൽ നടുവടിച്ച് കട്ടിലിൽ നിന്ന് ഞാൻ താഴേക്ക് വീണു...

അറിയാതെ ഞാൻ വിളിച്ചു കൂവിയെങ്കിലും എന്നെക്കാൾ ശബ്ദത്തിൽ അവൾ കാറിത്തുടങ്ങി..ഞങ്ങളുടെ അലർച്ചകൾ വീട്ടിൽ പ്രതിധ്വനിച്ചതും വീടും നാടും ഉണർന്നു...

കല്യാണ ചെറുക്കനു ആക്രാന്തം കൂടിയത് കാരണം പെണ്ണ് തൊഴിച്ച് തെറുപ്പിച്ചെന്ന് പരദൂക്ഷണക്കാർ പറഞ്ഞു പരത്തി.ആകപ്പാടെ നാണം കെട്ടതോടെ രണ്ടു ദിവസം ഞാൻ മുറിക്കുള്ളിൽ കഴിച്ചു കൂട്ടി. പുറത്ത് ഇറങ്ങുന്നത് രാത്രിയിലുമാക്കി....

അതുകൊണ്ട് രണ്ടു ദിവസം അവളെ ശരിക്കും മനസ്സിലാക്കാൻ സാധിച്ചു.. കൂട്ടിനു ഭാര്യയും ഉണ്ടായിരുന്നതിനാൽ...

ആണും പെണ്ണുമായി വീട്ടുകാർക്ക് ഒരൊറ്റ സന്തതിയായതിനാൽ സ്നേഹിച്ചും ലാളിച്ചുമാണ് വളർത്തിയത്. പറയത്തക്ക കൂട്ടുകാരുമില്ല...

അവളെ ശരിക്ക് മനസിലാക്കിയപ്പോൾ ഒരുകാര്യം എനിക്ക് വ്യക്തമായി...

ഫസ്റ്റ്നൈറ്റ് ശരിക്കും നടക്കണമെങ്കിൽ പെണ്ണിനു നല്ല ചീക്തസയും കൗൺസിലിംഗും ആവശ്യമാണെന്ന്...

വിവാഹം കഴിഞ്ഞാലും സെക്സ് പാപമാണെന്ന് അവൾ വിശ്വസിക്കുന്നു. കാരണം പറഞ്ഞത് കേട്ടാണ് ഞാൻ ഞെട്ടിയത്....

"കുഞ്ഞും നാൾ മുതൽ ഒരുബന്ധുവളെ കുറച്ചു കാലം പീഡിപ്പിച്ചിരുന്നു.തിരിച്ചറിവ് ആയത് മുതൽ അത് തെറ്റാണെന്ന പാപചിന്ത അവളിൽ വളർന്നു ശക്തമായി...

അവളെ ഡോക്ടറുടെ നിർദ്ദേശാനുസരണം പരിചരിച്ച് നല്ല കൗൺസിലിംഗും നടത്തിച്ച് ക്ഷമയോടെ ഞാൻ കാത്തിരുന്നു...

ക്ഷമയുടെ പൂർണ്ണ ഫലമായി ഈശ്വരൻ എനിക്ക് വലിയ ആഗ്രഹമായിരുന്ന ട്വിൻസിനെ നൽകി അനുഗ്രഹിക്കുകയും ചെയ്തു...

NB:- പെൺകുഞ്ഞുങ്ങൾക്ക് വീട്ടുകാർ പറഞ്ഞു കൊടുക്കണ്ട കാര്യങ്ങൾ പറഞ്ഞു കൊടുത്തു തന്നെ വളർത്തണം

(Copyright protect)

A story by സുധീ മുട്ടം