മഴപ്പെണ്ണ്.....

മഴപ്പെണ്ണ്.....

കാർമേഘം മൂടിയതെന്തിനെന്നോ
മഴയായ് പെയ്തെന്നെ നനച്ചിടാനോ....?

കാട്ടാറിൻ തീരത്തു കാത്തിരിക്കാം
കാമിനിയായെന്നെ പുൽകിടാമോ.....?

പാദസരങ്ങൾ കിലുക്കിടാം ഞാൻ
ആ താളത്തിൽ നീയൊന്നു പെയ്തിടാമോ.....?

ചന്തത്തിൽ ചെന്തെങ്ങിൽ ചാരിനിൽക്കാം
നിൻ ചന്ദന തേൻകുടം ചൊരിഞ്ഞിടാമോ......?

നിൻ കുളിരിൽ നനഞ്ഞൊരു പാട്ടുമൂളാം
മറുപാട്ടിൻ ശ്രുതിയൊന്നു മീട്ടിടാമോ....?

മണ്ണിലലിയാൻ കൊതിക്കും പെണ്ണേ
എന്നിലലിയാൻ കൊതിയില്ലയോ.....?

ഉണ്ണികൃഷ്ണൻ തച്ചമ്പാറ