ധൈര്യശാലി_വാസു.

#ധൈര്യശാലി_വാസു.
=================

ഭാസ്ക്കരേട്ടൻ പീടികത്തിണ്ണയിൽ തലചുറ്റി വീണു, നാട്ടുകാർ ഭാസ്ക്കരേട്ടനെയുടൻ ആശുപത്രിയിലെത്തിച്ചു.., വിവരമറിഞ്ഞ് വാർഡ് മെമ്പർ 'ധൈര്യശാലിവാസു' ഓടിയെത്തി.., അത്യഹിതവിഭാഗത്തിനു മുന്നിൽ ഉലാത്തുന്നവരുടെ കൂട്ടത്തിൽ വാസുവും പങ്കുചേർന്നു..,
അൽപസമയത്തിനകം അത്യഹിതവിഭാഗത്തിന്റെ വാതിൽതുറന്ന് ഒരു തല പുറത്തേക്ക് നീണ്ടു,

"ഭാസ്ക്കരേട്ടന്റെ കൂടെ വന്നവർ......?"

വാസുവും നാട്ടുകാരും രണ്ടടി മുന്നോട്ട് വെച്ചു,

"കൂട്ടത്തിൽ ധൈര്യമുള്ള ഒരാൾ വരൂ.. "

നെഴ്സിന്റെ വാക്കുകേട്ട് ഭാസ്ക്കരേട്ടനെ കാണാൻ തുനിഞ്ഞ മകൻ മണിയെ തള്ളിമാറ്റി ധൈര്യശാലി വാസു തള്ളിക്കയറി, അതുകണ്ട നാട്ടുകാർ മൊത്തം തലയിൽ കൈവെച്ചു സ്തംഭിച്ചു നിന്നു..!

നിമിഷങ്ങൾക്കകം അത്യഹിതവിഭാഗത്തിൽ നിന്ന് വീൽചെയറിൽ വാസുവിനേയും തള്ളിക്കൊണ്ടൊരാൾ പുറത്തേക്ക് വന്നശേഷം മറ്റുള്ളവരോടായി.....,

"അൽപം ധൈര്യമുള്ള ഒരാളോടല്ലേ കയറാൻ പറഞ്ഞത്.., അയാളെ കണ്ടതും ഇങ്ങേരു തല കറങ്ങി വീണു..! ഇയാളെ പിടിച്ച് ആ കസേരയിലോട്ടിരുത്തൂ....,"

എല്ലാവരുംകൂടി താങ്ങിപ്പിടിച്ച് വാസുവിനെ കസേരയിലിരുത്തി,
സമയം വീണ്ടും കടന്നു പോയിക്കൊണ്ടിരുന്നു,
തലകറക്കവും പേടിയുമൊക്കെ മാറിയ വാസു മെല്ലെ എഴുന്നേറ്റ് വീണ്ടും ഉലാത്താൻ തുടങ്ങി..,

പെട്ടെന്നാണ് ഏതോ ആക്സിഡന്റ് കേസ് കൊണ്ടുവന്നത്.., എല്ലാവരുടെയും ശ്രദ്ധ ചോരയൊലിക്കുന്ന ആ ചെറുപ്പക്കാരിലേക്കായതും "ടപ്പേ..." എന്നൊരു ശബ്ദം.!!
തിരിഞ്ഞു നോക്കിയപ്പോൾ ദാ കിടക്കുന്നു വാസു!! ചോര കണ്ട് ബോധം കെട്ടു വീണതാണ്...!!
എല്ലാവരും കൂടി വാസുവിനെ താങ്ങിപ്പിടിച്ച് വീണ്ടും അത്യഹിത വിഭാഗത്തിലേക്കു തന്നേ...................,

✍മുനീർ ചൂരപ്പുലാക്കൽ,
രണ്ടത്താണി.
18-07-2017.