അസ്തമനം

പാപ്പച്ചൻ വീടിൻെറ സിററ്ഒൗട്ടിൽ കുനിഞ്ഞിരുന്ന് കിതച്ചു .
മനസ്സ് തളർന്ന അയാൾക്ക് ശരീരം കുഴഞ്ഞു പോകുന്ന പോലെ തോന്നി.
വളരെ മോഹിച്ച് പണി തീർത്ത വീട്ടിൽ നിന്ന്
നാളെ ഇറങ്ങണം.
വീടിൻേറ മുകപ്പുകളിൽ പുശിയ ചായം
നരച്ചിരിക്കുന്നു .മുററത്തെ കാർപ്പററ് ഗ്രാസിൽ പാഴ് പുല്ലുകൾ വളർന്ന് വികൃതമായിരിക്കന്നു.
പൂക്കൾ കൊഴിഞ്ഞ ചെടികൾ കരിയാൻ
തുടങ്ങിയിരിക്കുന്നു .
അൾസേഷൻ നായ വളർന്ന കൂട്ടിൽ തുരപ്പനെലികൾ കൂട് കൂട്ടിയിരിക്കുന്നു.
കാർപ്പോർച്ചിൽ കാററ് പോയി ,
തുരുമ്പെടുത്ത സെെക്കിൾ ......

സ്വപ്നങ്ങൾ വിടരാനും കരിയാനും തുടങ്ങിയത് എത്ര വേഗത്തിലായിരുന്നു .
മൂന്ന് ഏക്കർ പറമ്പും പത്ത് ഏക്കർ പാടവും,
തോമാച്ചൻ സമ്പാദിച്ചു.അതിനൊക്കെ അവകാശിയായി ഒരേ ഒരു മകൻ -പാപ്പച്ചൻ .

അമ്പത് കൊല്ലം മുമ്പ് പാപ്പച്ചൻ ജനിക്കുമ്പോൾ സമൃതിയുടെ ഉത്സവ ദിനങ്ങളായിരുന്നു വീട്ടിൽ .
പറമ്പും പാടവും നിറയെ പണിക്കാർ.
അവരോടൊപ്പം പണിയുന്ന തോമാച്ചൻ .
ഒററ മുണ്ടെടുത്ത് പാട വരമ്പിലിരുന്ന് കഞ്ഞി
കുടിക്കുന്ന അപ്പൻെറ ചിത്രം ഇന്നും പാപ്പച്ചൻെറ മനസ്സിലുണ്ട് .
കൊയ്ത്ത് കാലത്ത് കളം നിറച്ച് നെല്ല്,
അത് മലപോലെ കൂടി കിടക്കും.
പറമ്പ് നിറയെ മരങ്ങൾ,പ്ലാവും മാവും,ജാതിയും .....ഒരഞ്ച് തലമുറക്ക്
ജീവിക്കാനുളള സമ്പത്ത്.

അതിരു വിടാത്ത ആശകൾ.
ലളിതമായ ജീവിതം .
അദ്ധ്വാനത്തിലായിരുന്നു തോമാച്ചൻെറ ആശ്വാസം .

തോമാച്ചൻ പാടത്ത് പണതപ്പോൾ ,പാപ്പച്ചൻ പട്ടണത്തിൽ പോയി പഠിച്ചു .
മകനെ സ്നേഹിക്കുന്നത് പോലെ തോമാച്ചൻ നാല് ഏറ് കാളകളെയും സ്നേഹിച്ചു.
സന്ധ്യകളിൽ വയൽ വരമ്പുകളിൽ
നെൽ ചെടികളോട് കിന്നാരം പറഞ്ഞു നടന്നു.
മണ്ണിൻെറ മണവും കാററിൻെറ സുഗന്ധവും
അറിഞ്ഞ തലമുറ.

എത്ര പെട്ടന്നാണ് കാലത്തിന് മാററം വന്നത്

തോമാച്ചൻ മരിച്ചപ്പോൾ എല്ലാ സ്വത്തിനും
അവകാശി പാപ്പച്ചൻ മാത്രം !
പത്താം തരം തോററു നിൽക്കുന്ന പാപ്പച്ചന്
പാടത്തിൻെറ വരമ്പ് പോലും അറിയാമായിരുന്നില്ല.

കൃഷി നഷ്‌ടത്തിലാണന്ന് ആളുകൾ പറയാൻ
തുടങ്ങിയ കാലം .ട്രാക്ടറും ട്രില്ലറും പാടത്തിറങ്ങി.പാപ്പച്ചൻ കാളകളെ വിററു
കാശാക്കി .പണികൂലിയും പതമ്പും കൂടി.
കൃഷി നഷ്ടത്തിലായപ്പോൾ നിലം തരിശിട്ടു

പാപ്പച്ചന് ഒരു പാട് സമയം ബാക്കി വന്നു .
സമയം കളയാൻ അയാൾ പട്ടണത്തിലേക്ക്
പോയി .അവിടെ പുതിയ പരിചയകാരുണ്ടായി.
ബാറുകളിലെ അരണ്ട വെളിച്ചത്തിൽ
വലിയ ചർച്ചകൾ നടന്നു.ലഹരി കൂടിയപ്പോൾ
ചർച്ചകൾക്ക് തീർപ്പ് വന്നു .

'കൃഷി പരമ നഷ്ടം '

അതിന് പുതിയ വഴികളും കണ്ടുപിടിച്ചു .

'പാടം വിററ് പണം പലിശക്ക് കൊടുക്കുക '

പാപ്പച്ചന് ഒരു വഴി തുറന്നു കിട്ടുകയായിരുന്നു

അയാൾ അഞ്ചേക്കർ പാടം വിററു. പട്ടണത്തിൽ പലിശക്ക് കൊടുത്തു .
ലക്ഷത്തിന് നാലായിരവും അയ്യായിരവും
പലിശ കിട്ടി.
പണത്തിന് ആവശ്യക്കാർ കൂടി വന്നു .
പാപ്പച്ചൻ പിന്നെ മടിച്ച് നിന്നില്ല.
കൃഷി നിലമെല്ലാം വിററു പണമാക്കി .

പലിശ മനഃകണക്കിൽ ഒതുങ്ങാതെ വന്നു .
പണത്തിന് കണക്കുണ്ടാക്കാം.പട്ടണത്തിൽ
വിലാസമുണ്ടാക്കാം .
സ്വന്തമായി ഫെെനാൻസ് സ്ഥാപനം തുടങ്ങുക.ആഫീസും ജോലികാരുമാകുമ്പോൾ അന്തസ്സും കൂടും
അയാളുടെ ചിന്തക്ക് ചന്തമേറി വന്നു .

പട്ടണത്തിൽ പകിടി കൊടുത്ത് മുറി യെടുത്തു.ലക്ഷങ്ങൾ മുടക്കി മോടി പിടിപ്പിച്ചു

'' ആശ ഫെെനാൻസ് ''

സ്ഥാപനത്തിന് പൊന്നോമനയുടെ പേരിട്ടു
സ്വന്തം പണത്തിന് പുറമേ നിക്ഷേപങ്ങൾ
വാങ്ങി .അതിന് വലിയ പലിശ വാഗ്ദാനം
ചെയ്തു.

പാപ്പച്ചൻെറ കെെകളിലുടെ കോടികൾ
മറിയാൻ തുടങ്ങി .

പട്ടണത്തിൽ നിന്ന് ഗ്രാമത്തിൽ വന്ന്
പോകുന്നത് പാപ്പച്ചന് അസൗകര്യമായി തോന്നി .

തൻേറ അപ്പച്ചൻ വീട്ടിയിലും തേക്കിലും
പണിത വീട് വിററു .പട്ടണത്തിൽ പൊന്നും
വില കൊടുത്ത് സ്ഥലം വാങ്ങി .അവിടെ
തൻേറ സ്വപ്നത്തിൽ രൂപം കൊണ്ട
കൊട്ടാരം കെട്ടി .

വീടിൻേറ പണി തീർന്നപ്പോൾ അയാൾ
കിതക്കാൻ തുടങ്ങി

പുതിയ നിക്ഷേപങ്ങൾക്ക് പലിശ നിരക്ക് കൂട്ടി .
നിക്ഷേപം തന്നവർ കൃത്യമായി വന്ന് പലിശ
വാങ്ങിപോയി.
കടം വാങ്ങിയവരുടെ തിരിച്ച് അടവ് കുറഞ്ഞു വന്നു .

പാപ്പച്ചൻെറ മനസ്സിൽ എപ്പോഴും ലാഭത്തിൻെറ കോളങ്ങൾ മാത്രമെ
ഉണ്ടായിരുന്നുളളു .കണക്ക് പുസ്തകത്തിൽ
നഷ്ടത്തിൻെറ സംഖ്യകൾ വളർന്നു വന്നു .

വീട് പണി പൂർത്തിയായി .പുര താമസം
പട്ടണത്തിൽ വാർത്തയായി.
വഴിയിൽ ഗതാഗത സ്തംഭനമുണ്ടായി.
പുതിയ വീട്ടിലേക്ക് ഫർണീച്ചർ വിദേശത്ത്
നിന്നു വന്നു .മിന്നുന്ന ഗ്രേനെെററ് .യന്ത്രങ്ങൾ
മുരളുന്ന അടുക്കള .അൾസേഷൻ നായ
അലറുന്ന നായ് കൂട് .പച്ചപ്പ് നിറഞ്ഞ ലോൺ
ലക്ഷങ്ങൾ മുടക്കിയ ഗാർഡൻ.......

ആളുകൾ അത്ഭുതം പൂണ്ട് തല കുലുക്കി .

പുത്തൻ പുരയുടെ മട്ടുപ്പാവിൽ ഉദയ സൂര്യൻ
തിളങ്ങി നിന്നു .
ഏതാനും മാസങ്ങൾ മാത്രം ?

ഉച്ച വെയിലിൽ ..തളിരിട്ട ഇലകൾ കൊഴിഞ്ഞു വീണു..... പാപ്പച്ചൻെറ ആശകൾ
മങ്ങി.മദ്യത്തിൽ മറക്കാൻ ശ്രമിച്ചു...

സന്ധ്യാക്ക് തൊട്ടു പിറകേ ഇരുട്ട് കയറി വന്നു

ആശ ഫെെനാൻസിൽ നിന്നും ആളുകൾ
മുതലും പലിശയും കിട്ടാതെ മടങ്ങാൻ തുടങ്ങി .
ആ വാർത്ത ചാനലുകളിൽ ഫ്ലാഷ് ന്യുസ്സായി.

നിക്ഷേപകർ ഓടി കൂടി .
ഓഫീസിലെ കറങ്ങുന്ന കസേരയിൽ പാപ്പച്ചൻ തലകറങ്ങി വീണു .
ആളുകൾ ഫർണീച്ചറും കമ്പ്യുട്ടറും എടുത്ത്
കൊണ്ട്പോയി .
ഒന്നും കിട്ടാത്തവർ ചില്ലുകൾ തല്ലിയുടച്ചു .

താൻ സ്വപ്നം കണ്ടു പണി തീർത്ത വീട് ......

പണം തന്നവർക്ക് മുന്നിൽ ഒന്നും മാററി
വക്കാനില്ല.

വീട് വിററു .കടം വീട്ടാൻ....

നാളെ ഈ വീട് ഒഴിയണം
താമസിച്ച് കൊതി തീരും മുമ്പേ .....

തീരാത്ത കടവും....
കയറി കിടക്കാൻ ഇടവുമില്ലാതെ.........?

.......മാത്യു കവലക്കാട്ട് ......