തെറ്റിയോടിയ സെക്കന്റ് സൂചി

ചക്രവാളസീമക്കുമപ്പുറമോർത്തു ഞാൻ
ചിത്രശിലകളിൽ കോറിയനിൻ വാക്കും- 

വരികളുമെത്ര സുന്ദരമെൻ ഹൃദയച്ചാർ-
ത്തിനാലൊത്തുകൂപ്പിയവന്ദനമെൻ കവീ.

ലഹരി കൊത്തിപ്പറന്നോരു വരിയിലെൻ
കരളു കൊത്തിപ്പറിക്കുന്ന നൊമ്പരത്തി-
രയിളക്കവും, മിഴി നനഞ്ഞൊഴുകുന്ന പ്ര-
ണയതീവ്രതച്ചുഴികളുമറിഞ്ഞു ഞാൻ.

ചില്ലുപാത്രം തുറന്നുഞാൻനിന്നിൽനി
ന്നൊരു കവിൾരക്തംമൊത്തിക്കുടിക്കവെ
എങ്ങുമെത്തിയില്ലെന്നോർത്തൊരിക്കലും
നിന്നു കേഴാത്തൊരുവചന സൂചി നീ...

തെരുവിലാണു നിൻ വാസമീപ്രകൃതിയെ-
യണു വിടാതെ പുലർത്തിയ വൈശിഷ്ട്യ-
കഥനമോർത്തു നിറഞ്ഞുപോയ് മിഴിക-
ളെൻ, മരണനേരവും അയ്യപ്പനായ്ത്തന്നെ.

തീറുവാങ്ങിയില്ലൊരു വിധിയുമൊന്നിനും
പാത വെട്ടിത്തെളിച്ചു നീ കാവ്യസുധ മേ-
ൽവിലാസം കുറിച്ചില്ലയെങ്ങുമേ.. പാത-
യോരത്ത്, സ്വയമുരുകി യാത്രയായ്.....

വാർത്ത നൽകിയ അമ്പരപ്പോടെ ഞാ-
നോർത്തുപോയ് അന്നതയ്യപ്പനാവല്ലേ..! 

നേർത്തനൊമ്പരക്കൂട്ടിലുറങ്ങുന്ന 

ദീപ്തമോർമ്മകളയ്യപ്പനെയോർത്ത്....!
ഇന്നും.....
നേർത്തനൊമ്പരക്കൂട്ടിലുറങ്ങുന്ന 

ദീപ്തമോർമ്മകൾ അയ്യപ്പനെയോർത്ത്....!

© രാജേഷ്.ഡി