ഉറക്കമില്ലാത്ത ഭാര്യ

ഉറക്കമില്ലാത്ത ഭാര്യ
*********************
"ഹാലോ.. അബ്ദുൾ.. വിനിലാണ് വിളിക്കുന്നത്...ഒന്നു കാണണമായിരുന്നു..കാര്യങ്ങൾ നേരിട്ടുപറയാം.."

വിനിൽ!!

അവൻ "അബ്ദുൾ" എന്നാ എന്നെ വിളിക്കുന്നത് ഓഫീസിലെ ഫിലിപ്പൈൻസ് വിളിക്കുന്നതുകേട്ട് ശീലിച്ചതാ.

എന്റെ കൂടെപഠിച്ചതാ...! പഠിക്കുമ്പോൾ കളികൂടിപ്പോയതാണെന്നു എല്ലാവരും പറയും റിസൾട്ടുവന്നപ്പോൾ അതുശരിയായിരുന്നെന്നു മനസ്സിലായി

ഇപ്പോൾ എന്റെ ഓഫീസിൽ അസിസ്റ്റന്റായി ജോലിചെയ്യുന്നു "ഓഫീസ് ബോയി" കൂട്ടുകാരോട് ഓഫീസ് അസിസ്റ്റന്റ് എന്നെപറയൂ..

അവൻ ഇവിടെ എത്താൻ എന്റെ ശ്രമമായിരുന്നെന്നുപറഞ്ഞാൽ അഹങ്കാരമായി തോന്നുന്നതുകൊണ്ടാ അതൊന്നും ആരോടും പറയാതിരുന്നത്
അവന്റെ 'അമ്മ കരഞ്ഞുപറഞ്ഞപ്പോൾ ഞാനത് ഏറ്റടുക്കുകയായിരുന്നു

അരമണിക്കൂറിനുള്ളിൽ അവനെത്തി അമ്മക്കുസുഖമില്ലെന്നും അത്യാവശ്യമായി അഞ്ഞൂറ് ദിർഹം വേണമെന്നും പറഞ്ഞപ്പോൾ എനിക്കു മറുത്തൊന്നും പറയാൻ തോന്നിയില്ല

ഞാൻ കരുതിവെച്ചിരുന്ന കാഷിൽനിന്നും അഞ്ഞൂർദിർഹം അവനുനീട്ടി അതുവാങ്ങുമ്പോൾ അവന്റെ മുഖത്തെ സന്തോഷം ഒന്നുകാണേണ്ട കാഴ്ച തന്നെയായിരുന്നു.

പ്രയാസം അനുഭവിക്കുന്ന ഒരാളെ സഹായിക്കാൻ കഴിഞ്ഞ സന്തോഷത്തിലായിരുന്നു ഞാൻ
****
പതിവില്ലാതെ വിനിലിന്റെ വീട്ടിൽനിന്നുള്ള മിസ്സ്ഡ്കാൾ കണ്ടപ്പോൾ നെഞ്ചൊന്നു പിടച്ചു
അവന്റെ അമ്മക്കെന്തങ്കിലും..!? അങ്ങിനെയൊന്നും ഉണ്ടാവരുതേ എന്നുപ്രാർത്ഥിച്ചുകൊണ്ട് ഉടനെത്തന്നെ തിരിച്ചുവിളിച്ചു.

അവന്റെ ഭാര്യയാണ് ഫോണെടുത്തത്
"വിനിലിനു കുറേനേരമായിവിളിച്ചുകൊണ്ടിരിക്കുന്നെന്നും അവൻ ഫോണെടുക്കുന്നില്ലന്നും മോൾ അവനോട് സംസാരിക്കാൻ വാശിപിടിക്കയാണെന്നും പറഞ്ഞപ്പോൾ ആശ്വാസമായി അതെ അമ്മക്കൊന്നും പറ്റിയിട്ടില്ല

എങ്കിലും ചോദിച്ചു "അമ്മയെവിടെ"
"അമ്മ ഉറക്കായി" ഒറ്റവാക്കിൽ അവൾ പറഞ്ഞുനിർത്തി.

"എനിക്കറിയാം കൃത്യസമയത്ത് ഉറങ്ങുകയും ഉണരുകയും ചെയ്യുന്നത് അമ്മയുടെ ശീലമാണെന്നു വിനിൽ പറയാറുണ്ട്"
"എങ്കിലും വെറുതെ ചോദിച്ചതാ" ഞാൻ ജാള്യത മറച്ചു.

"വിനിലിനെ ഞാനൊന്നു അന്വേഷിക്കാം എന്നിട്ടു തിരിച്ചു വിളിക്കാം"

ഫോൺ കട്ടുചെയ്തു "അമ്മക്കു അസുഖമൊന്നുമില് ല പിന്നെ എന്തിനാണ് കള്ളംപറഞ്ഞു അവൻ കാശുവാങ്ങിയത്

ഒന്നു അന്വേഷിച്ചുനോക്കാം തുടർച്ചയായി റിങ്ങുചെയ്തിട്ടും അവൻ ഫോണെടുക്കുന്നില്ല നേരിട്ട് ചെന്നുനോക്കാം

ഫ്ളാറ്റിൽനിന്നും ഇറങ്ങി കാറെടുത്ത അവൻ പതിവായി പോകുന്നിടത്തെല്ലാം ഒന്നു കറങ്ങി എവിടെയും കാണുന്നില്ല

തിരക്കുള്ള റോഡിൽനിന്നും പാർക്കിങ്ങിനായുള്ള ഏരിയയിൽ കയറ്റി കാറു പാർക്കുചെയ്തു.

അവന്റെ വീട്ടിൽ എന്തു വിളിച്ചുപറയുമെന്നാലോചിക്കുമ്പോളാണ്
അവൻ തൊട്ടടുത്തുള്ള ബിൽഡിങ്ങിനു താഴെനിൽക്കുന്നതു കണ്ടത് കൂടെ സാരിയുടുത്ത തടിച്ച ഉയരം തോന്നിക്കുന്ന ഒരുസ്ത്രീയും.

കുറച്ചുകഴിഞ്ഞപ്പോൾ അവർ രണ്ടുപേരും ബില്ഡിങ്ങിന്റെ പ്രധാന കൗണ്ടറിലേക്ക്‌കയറിപോകുന്നതു കാണാമായിരുന്നു.

അവൻ വരുന്നതുവരെ കാത്തുനിൽക്കാൻ തീരുമാനിച്ചു. ഒരുമണിക്കൂറായി അവന്റെ ഒരുവിവരവുമില്ല കുറച്ചുകൂടെ കാത്തിരിക്കാം
അടുത്തുള്ള ബഖാല(ഗ്രോസറി)യിൽകയറി ഒരു ചിപ്സുപേക്കും തണുത്ത ജൂസും വാങ്ങി കാറിലിരുന്ന് നുണഞ്ഞുകൊണ്ടിരിക്കെ അവനും അവളും ഇറങ്ങിവരുന്നത് ശ്രദ്ധയിൽ പെട്ടത്.

അവർ നടന്നു എന്റെ കാറിനരികിലെത്തി.
ഭാഗ്യത്തിന് എന്റെ കാർ തിരിച്ചറിഞ്ഞിട്ടില്ല എന്തൊക്കെയോ പറയുന്നു ഫോൺനമ്പർ കൈമാറുന്നു.

കാറിന്റെ മറവിൽ ഒരിക്കൽകൂടി കെട്ടിപ്പിടിച്ചു നില്കുന്നത് നോക്കിനിൽക്കെ വീണ്ടും അവന്റെ വീട്ടിൽനിന്നും ഫോൺകോൾ.

എന്തുപറയണമെന്നറിയാതെ പകച്ചുനിന്ന നിമിഷം. ഫോൺ കട്ടുചെയ്തു തിരിച്ചുവിളിച്ചു

"ഹലോ....ഞാൻ വിനിലിനെ അന്വേഷിച്ചു അവൻ രാത്രി ഡൂട്ടിയിലാണ് ഫോൺ റൂമിൽ മറന്നതുകൊണ്ടാ നിങ്ങൾ വിളിച്ചത് അറിയാതിരുന്നത് അവൻ വന്നാൽ തിരിച്ചുവിളിക്കാൻ പറയാം"

ഗൾഫുകാരന്റെ ഭാര്യയുടെ ശരീരത്തിലൂടെ ചൂഴ്ന്നിറങ്ങുന്ന കഴുകക്കണ്ണുകളെ അവഗണിച്ചും കുടുംബത്തിലെ പ്രയാസങ്ങൾ സഹിച്ചും ഭർത്താവിന്റെ സാമീപ്യം കൊതിച്ചു ഉറക്കം വരാതെ തിരിഞ്ഞും മറിഞ്ഞും കിടക്കുന്ന ആ സഹോദരിയോട്‌ മറ്റൊന്നും പറയാൻ എനിക്കു വാക്കുകൾ കിട്ടിയില്ല.!

അബ്ദുൾ ഗഫൂർ