മയിൽപ്പീലി..

മയിൽപ്പീലി..
~~~~~~~~~

മനസ്സിന്റെ മണിച്ചെപ്പിനുളളിൽ
മാനം കാണാതെ
ഞാൻ കാത്തുവെച്ച
ഒരു മയിപ്പീലിത്തുണ്ടുണ്ട്.....

യുഗങ്ങൾക്ക് മുൻപ്
അനശ്വരമായ ഒരു പ്രണയത്തിന്
സാക്ഷിയായതിനാലാവണം
ഞാൻ നിന്നെ കാത്തു വെച്ചത്..

കണ്ണന്റെ നൊമ്പരമറിഞ്ഞ നിനക്ക്
പ്രണയം കൊണ്ട് നീറുന്ന
മനസ്സിനെ മറ്റാരേക്കാളും
വായിക്കാനാകും...

പുസ്തകത്താളുകൾക്കിടയിൽ
നിന്നോടൊപ്പം
വർഷങ്ങളായി ഞാൻ കാത്തുവെച്ച,
എന്റെ പ്രിയന്റെ
കൈയെഴുത്തു പതിഞ്ഞ
താളുകളിൽ നിന്ന്..
നിനക്ക്
മറ്റൊരു അനശ്വര പ്രണയത്തിന്
സാക്ഷിയാകാം...

ആ വരികൾക്കിടയിലുണ്ട്....
അവന്റെ പ്രണയം.....
മുഴുവനായും....

വർഷങ്ങൾക്കിപ്പുറം,
നീയാ വരികൾക്കിടയിൽ
പുസ്തകത്താളുകൾക്കു നടുവിൽ
മയങ്ങുമ്പോൾ...
പൂത്തുതളിർത്ത
കാതരമാമെൻ പ്രണയത്തിൻ മാറിൽ
തലചായ്ച്
ഞാൻ യാത്ര തുടരുകയാണ്...
ജീവിതമാകുന്ന യാത്ര...

സമർപ്പണം:

പ്രണയത്തെ നീറുന്ന വേദനയായി
എന്നിലവശേഷിപ്പിക്കാതെ
കൂടെ കൂട്ടിയ കമലനയനന്...

കടപ്പാട്:

എന്റെ പ്രണയം ഒരു
യാഥാർഥ്യമാക്കിയ
അച്ഛനമ്മമാരോട്.

പ്രണയത്തെ വിജയകരമായി ജീവിതത്തിലേയ്ക്കെത്തിക്കാൻ
കൂടെ നിന്ന കൂട്ടുകാരോട്.....

വീണ ബിനൂപ്.