Slider

അന്ധത

0
Image may contain: 1 person, closeup

" ഇതൊരു കഥയല്ല ഇതിന്റെ അവസാന ഭാഗം ഒഴികെ ബാക്കിയെല്ലാം നടന്ന സംഭവമാണ് തികച്ചും ഒറ്റപ്പെട്ട സംഭവമാണെങ്കിലും ജാതി മത ഭേദമന്യേ ഇങ്ങനെ നടക്കുന്നു കമന്റ് ബോക്സ് നോക്കുക അത് വേറൊന്ന് "
അന്ധത
********
തന്റെ മകളുടെ കല്യാണത്തിന് ക്ഷണിക്കാനാണ് അയാൾ അയാളുടെ അകന്ന ബന്ധുവായ ആളുടെ വീട്ടിലേക്ക് പോയത് , വീടിന്റെ വാതിലുകൾ അടഞ്ഞ് കിടക്കുന്നത് കണ്ട് അയാൾ കാളിങ്ങ് ബെല്ലടിച്ചു നോക്കി പക്ഷെ ആരും വാതിൽ തുറന്നില്ല അടുക്കള ഭാഗത്ത് പോയി കൊട്ടി വിളിച്ചു എന്നിട്ടും വാതിലുകൾ തുറന്നില്ല
ഇത്തിരി തുറന്നു വെച്ച ജനാല കണ്ട് അതിലൂടെ അകത്ത് നോക്കിയ അയാൾക്ക് ചെറിയ ദുർഗ്ഗന്ധം ശ്വസിക്കാൻ ഇടയായി ഒപ്പം ആളനക്കം കേൾക്കാനും
ആ വീട്ടിനു ചുറ്റും താമസിക്കുന്ന അയൽക്കാരോട് വിവരം തിരക്കി അപ്പോൾ അവർ പറഞ്ഞു ഇവിടെ താമസിക്കുന്നവരിൽ ആരെയും രണ്ട് മൂന്നു മാസമായി പുറത്ത് അധികമൊന്നും കാണാറില്ല
സംശയം തോന്നിയ അയാൾ ഉടൻ പോലീസിനെ വിവരം അറിയിച്ചു പോലീസും നാട്ടുകാരുമെത്തി വീടിന്റെ അടഞ്ഞ് കിടന്ന വാതിൽ പൊളിച്ച് അകത്ത് കടന്നപ്പോൾ കണ്ടത് ഞെട്ടിപ്പിക്കുന്ന കാഴ്ച്ചയാണ്
മാസങ്ങൾ പഴകി ദ്രവിച്ച മൃത ശരീരം ആ മൃതദേഹം കിടത്തിയിരിക്കുന്ന കട്ടിലിന്റെ അരികിൽ ക്ഷീണിച്ച് അവശരായ രണ്ട് പേർ
അവരോട് കാര്യം തിരക്കി
ഇത്രയും നാളായിട്ട് മരിച്ചു ദ്രവിച്ചുകൊണ്ടിരിക്കുന്ന ഇയാളുടെ ഭൗതിക ശരീരം മറവ് ചെയ്യാതെ നിങ്ങൾ മയ്യിത്തിനെയും നോക്കി അരികിൽ കാവലിരിക്കുകയായിരുന്നൊ ?
അത് ഞങ്ങളുടെ ശൈഖ് പറഞ്ഞിരുന്നു പേടിക്കേണ്ട ആള് ശരിക്കും മരിച്ചിട്ടില്ല ഇപ്പോൾ അങ്ങനെ തോന്നിയാലും പിന്നീട് ജീവൻ വെക്കും നിങ്ങൾ നോക്കി കാത്തിരിക്കൂ എന്ന് ഞങ്ങളുടെ ശൈഖ് വലിയ ദിവ്യ ശക്തിയുള്ള ആളാ പറഞ്ഞാൽ പറഞ്ഞത് പോലെ നടക്കും ഒട്ടേറെ അത്ഭുതങ്ങൾ കിട്ടിയിട്ടുണ്ട്
ഏതാ നിങ്ങളുടെ ശൈഖ് , അയാൾ ഇപ്പോൾ എവിടെയുണ്ട് ... ?
ശൈഖ് ഇന്ന സ്ഥലത്ത് കാണുന്ന ആ വലിയൊരു കൊട്ടാരം പോലൊരു വീടില്ലെ അവിടെ കാണും
പോലീസ്‌ ആ വ്യാജസിദ്ധൻ താമസിക്കുന്ന ഇടത്തേക്ക് അയാളെയും തേടി പോയി അപ്പോൾ അവിടെയും വലിയൊരു ആൾക്കൂട്ടം കണ്ടു
അന്വേഷിച്ചപ്പോൾ അവർ പറഞ്ഞു ഇന്ന് അല്പം മുമ്പ് ഞങ്ങളുടെ ശൈഖ് ദൂരെ യാത്ര കഴിഞ്ഞു വരുന്ന വഴി ഒരു ആക്സിഡെന്റ് ഉണ്ടായി അതിൽ ഞങ്ങളുടെ ശൈഖ് മരണപ്പെട്ടതായാണ് അറിയാൻ കഴിഞ്ഞത് അതിനാൽ ആ പുണ്യ ശരീരം കാണാനാ ഞങ്ങൾ എല്ലാവരും വിതുമ്പുന്ന മനസ്സുമായ് കാത്തിരിക്കുന്നത്
അവരുടെ വാക്കുകൾ കേട്ട ആ പോലീസ് ഓഫീസർ അന്ധത ബാധിച്ച ഗുരു ശിഷ്യന്മാരോട് എന്ത് പറയണമെന്ന് അറിയാതെ അവരെ ഓർത്ത് ലജ്ജയോടെ മുഖം താഴ്ത്തി .
സിദ്ദീഖ്‌ വേലിക്കോത്ത്
0

No comments

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

both, mystorymag

DON'T MISS

Nature, Health, Fitness
© all rights reserved
made with by templateszoo