പ്രതികാരം

പ്രതികാരം

ട്രെയിനിന്റെ ശബ്ദം കാതിൽ നിന്നും അകന്നു പോയിട്ടും കുറച്ചു നേരം അവിടെ തന്നെ നിന്നതിനുശേഷമാണ് അയാൾ പുറത്തേക്ക് നടന്നത്

റയിൽവേ സ്റ്റേഷനിൽ നിന്ന് കുറച്ചു മാറിനിർത്തിയിട്ടിരിക്കുന്ന കാറിനടുത്തേക്കുനടക്കുമ്പോൾ ഓർത്തത് അവളെ കുറിച്ചായിരുന്നു

ലേഖ നായർ തന്റെ ജീവിതത്തിലെ ആദ്യത്തെ പെണ്ണോന്നുമല്ലാ അവൾ എന്നാലും കഴിഞ്ഞ ഒരാഴ്ച്ചകൊണ്ട് ഒരു പ്രത്യക അടുപ്പം തോന്നിയിരിക്കുന്നു അവളോട്

ഒരു പെണ്ണിനോട് ഇഷ്ടം തോന്നിയാൽ അവളെ വശീകരിച്ചു കിടപ്പറയിലെത്തിക്കുക എന്നതാണ് തന്റെയൊരുരീതി പണം കൊടുത്തു വാങ്ങുന്ന സ്ത്രി ശരിരങ്ങളെക്കാൾ താൻ ഇഷ്ട്ടപെടുന്നത് സ്നേഹം മോഹിച്ചെത്തുന്നവരേയായിരുന്നു

സത്യത്തിൽ ഇവളെ വളയ്ക്കുവാൻ തനിക്ക് അധികമൊന്നും ബുദ്ധിമുട്ടെണ്ടി വന്നിട്ടില്ല എന്നതാണ് സത്യം

രണ്ടാഴ്ച്ച മുൻപ് ടൗണിലെ തന്റെ ഉടമസ്ഥതയിലുള്ള ഷോപ്പിൽ വെച്ചാണ് ആദ്യമായി കാണുന്നത് പിന്നിട് ഷോപ്പിലെ നിത്യസന്ദർഷകയായപ്പോൾ പരിചയപ്പെടുകയായിരുന്നു

മുംബയിൽ സ്ഥിരതാമസമാക്കിയ മലയാളി കുടുംബത്തിലെ ഇളമുറക്കാരി വിൽപ്പന കഴിഞ്ഞ കുടുംബ സ്വത്തിന്റെ റജിസ്ട്രെഷനും മറ്റുമായി വന്നതാണ് ഒരാഴ്ചനാട്ടിലുണ്ടാകും എന്നു പറഞ്ഞാണ് പരിചയപ്പെട്ടത്

എന്തങ്കിലും ആവശ്യത്തിനായി എന്നും ഷോപ്പിൽ വന്നിരുന്ന അവളുമായി അടുപ്പം സ്ഥാപിക്കൽ തന്നെ സംബദ്ധിച്ചിടത്തോളം ബുദ്ധിമുട്ടുള്ള കാര്യമായിരുന്നില്ല..

വന്നകാര്യങ്ങളെല്ലാം കഴിഞ്ഞ് നാളെ ഞാൻ പോകും എന്ന് അവൾ പറഞ്ഞപ്പോഴാണ് ഒരാഴ്ച്ച എന്റെ കൂടെ താമസിച്ചിട്ട് പോയാൽ പോരേയെന്ന് ആദ്യം തമാശയിലും പിന്നിട് കാര്യത്തിലുമായി താൻ ചോദിച്ചത് ' ആദ്യം സമ്മതിച്ചിലെങ്കിലും പിന്നിട്ട് തന്റെ നിര്‍ബ്ബന്ധത്തിന് അവൾ വഴങ്ങി

അങ്ങയോണ് ഈ ക്ഷേത്രനഗരിയിലേക്ക് അവളുമായി യാത്ര വരുന്നത്
"ഭക്തിയുടെ മറവുണ്ടെങ്കിൽ അവിഹിതങ്ങൾക്കും ഒരു പവിത്രത കൈവരും മറ്റുള്ളവരുടെ കണ്ണിൽ "

ഹോട്ടലിലെ റും വേക്കറ്റ് ചെയ്തിട്ടില്ല ഇന്നുകൂടി ഇവിടെ ചിലവഴിച്ച് നാളെ പോകാം മദ്യലഹരിയിൽ ഒറ്റക്കൊരു ദിവസം ഒരു ലാർജ് ഒറ്റവലിക്ക് കഴിച്ച് അടുത്തത് നിറക്കുമ്പോഴാണ് ടിപ്പോയിൽ മുകളിൽ പേപ്പർ വെയ്റ്റ് വെച്ചു ഒരു നീളൻ കടലാസ് ശ്രദ്ധയിൽ പെട്ടത് അവൾ വെച്ചിട്ട് പോയതാണെന്ന് തോന്നുന്നു ഒരെഴുത്ത്

കിച്ചുവേട്ടന് നിങ്ങളെ അങ്ങനേ വിളിക്കാനാണ് എനിക്കിഷ്ട്ടം കാരണം അങ്ങനേ വിളിക്കുന്നത് കേൾക്കാനാണിഷ്ട്ടം എന്ന് നിങ്ങൾ തന്നെയാണ് എന്നോട് പറഞ്ഞിട്ടുള്ളത്

ഇപ്പോഴും നിങ്ങൾക്ക് എന്നെ മനസ്സിലായിട്ടില്ല അല്ലേ നിങ്ങളുടെ ജീവിതത്തിലെ ഒരു പാട് സ്ത്രികളിൽ ഒരാൾ മാത്രമായിരുന്നല്ലോ ഞാന്‍ പക്ഷേ എന്റെ ജീവിതത്തിൽ ഞാൻ സ്നേഹിച്ച ഒരേയോരു പുരുഷനാണ് നിങ്ങൾ

ഇപ്പോഴും നിങ്ങൾക്കെന്നെ മനസിലായില്ലെങ്കില്‍ ഞാൻ പറയാം
ഞാൻ ശ്രീലേഖ നിങ്ങളുടെ ഗ്രാമത്തിൽ ചായക്കട നടത്തിയിരുന്ന ശ്രീധരൻ നായരുടെ മൂന്ന് പെൺമക്കളിൽ രണ്ടാമത്തവൾ 10)൦ ക്ലാസ് കഴിഞ്ഞ് പ്രീഡിഗ്രിക്ക് പഠിക്കാൻ പോകുമ്പോഴാണ് ഞാൻ നിങ്ങളെ ആദ്യമായി കാണുന്നത് അതിനും മുൻപ് നിങ്ങൾ എന്നെ കണ്ടിട്ടുണ്ടെന്നും എന്നെ കാണാൻ വേണ്ടി മാത്രം എന്റെ വീടിനു മുന്നിലുടെ പോകാറുണ്ടെന്നും പറഞ്ഞത് വിശ്വസിച്ചതായിരുന്നു എനിക്ക് പറ്റിയ ആദ്യത്തെ തെറ്റ്

പിന്നീട് നിങ്ങളുടെ അഭിനയത്തില്‍ വിശ്വസിച്ച് ആദ്യം മനസും പിന്നിട് ശരീരവും നിങ്ങൾക്ക് വിട്ടു തന്നതും നിങ്ങളിൽ നിന്ന് ഗർഭിണിയായതും തെറ്റ്

ചേച്ചിയുടെ വിവാഹത്തലേന്ന് അവളുടെ ആഭരണങ്ങളുമായി നിങ്ങളുടെ കൂടെ ഒളിച്ചോടിയ ആ ദിവസം ട്രെയിനിൽ വെച്ച് ഒരു പാട് ദിവസത്തെ ഉറക്കക്ഷീണം നിങ്ങളുടെ തോളിൽ ചാരിവെച്ചു ഉറങ്ങിയതായിരുന്നു ഏറ്റവും വലിയ തെറ്റ്

ഉറക്കം കഴിഞ്ഞ് എഴുന്നേറ്റപ്പോൾ ഞാൻ ചാരിയിരുന്നത് ഒരു മറാത്തി സ്ത്രീയുടെ തോളിലായിരുന്നു ആഭരണങ്ങളടങ്ങിയ ബാഗുമായി നിങ്ങൾ എവിടെയോ അപ്രത്യക്ഷമായി കഴിഞ്ഞിരുന്നു

പിന്നിട് ആ മറാത്തിക്കാരി കാണിച്ച വഴികളിലൂടെയായിരുന്നു എന്റെ യാത്ര ഒരു പാട് പുരുഷൻമാരുടെ കൂടെ പോയി അവരാരും നിങ്ങളെ പോലെ അഭിനയിച്ചുമില്ല അവരല്ലാവരും എനിക്ക് പണം തന്നു ആ പണം കൊണ്ട് ഞാൻ മൂലം നശിച്ച എന്റെ കുടുംബത്തെ രക്ഷപെടുത്താൻ എനിക്ക് സാധിച്ചു

ഓരോ ആണിന്റെ കൂടെ പോകുമ്പോഴും നിങ്ങളോട് എങ്ങനെ പ്രതികാരം ചെയ്യണം എന്നതായിരുന്നു എന്റെ ചിന്ത നിങ്ങൾ എന്നോട് ചെയ്തതുപോലെ സ്നേഹം കൊണ്ടു തന്നെ നിങ്ങളെയും തകർക്കണം അതായിരുന്നു എന്റെ ചിന്ത മുഴുവൻ

അങ്ങനേയിരിക്കുമ്പോഴാണ് എനിക്ക് ഇടക്കിടെ പനി വന്നുകൊണ്ടിരുന്നത് ശരിരം മുഴുവൻ തടിപ്പുകൾ വന്നും പോയും കൊണ്ടിരിക്കുകയും ചെയ്തപ്പോഴാണ് ഞാൻ ഒരു സ്പെഷലിസ്റ്റിനെ സമീപിക്കുന്നത് എല്ലാ ടെസ്റ്റുകളും നടത്തിയിട്ടും ഭേദമില്ലാതെ വന്നപ്പോഴാണ് Dr എന്നോട് "എലിസ " ടെസ്റ്റിനേ കുറിച്ച് പറയുന്നത്

റിസൾട്ട് കിട്ടി അത് ശരിയായിരുന്നു HIV posettiv നിങ്ങളോരു എയ്ഡ്സ് രോഗിയാണ് അത് വരേ അനുഭാവത്തോടു കൂടി എന്നോട് സംസാരിച്ചിരുന്ന Dr അവജ്ഞയോടുകൂടിയാണ് എന്നോട് പറഞ്ഞത് ഇനി ഏതാനും വർഷങ്ങൾ മാത്രം അതിനുള്ളിൽ എപ്പോൾ വേണമെങ്കിലും മരണം സംഭവിക്കാം

എന്നെ സംബദ്ധിച്ച് നിങ്ങളോടുത്തുള്ള മുംബെ യാത്രയുടെ പകുതിയിൽ വച്ച് തന്നെ എന്റെ മരണം സംഭവിച്ചിരുന്നു പിന്നിടുള്ളത് ഗതികിട്ടാത്ത ആത്മാവിന്റെ അലച്ചിൽ മാത്രമായിരുന്നു അതവസാനിപ്പിക്കുന്നതിനു മുൻപ് നിങ്ങളോട് സ്നേഹത്തോടെ പ്രതികാരം ചെയ്യാൻ കിട്ടിയ ഒരവസരം മാത്രമാണ് എനിക്ക് ഈ രോഗം

അതിനു മാത്രമാണ് ഞാൻ നിങ്ങളെ തേടി വന്നത് അല്ലാതെ നിങ്ങൾ വിചാരിക്കുന്നത് പോലെ നിങ്ങളുടെ സൗന്ദര്യവും എന്നെ ചതിച്ചുണ്ടാക്കിയ സമ്പത്തും കണ്ട് മയങ്ങിവീണതല്ല

എയ്ഡ്‌സ് രോഗിയുമായി ഒരു തവണ ശാരീരിക ബന്ധത്തിൽ എർപ്പട്ടാൽ തന്നെ പങ്കാളിക്ക് രോഗം പകരുമെന്നാണ് Dr എന്നോട് പറഞ്ഞത് കഴിഞ്ഞ ഒരാഴ്ചക്കുള്ളിൽ ഒരുപാട് തവണ നിങ്ങൾ എന്നിൽ കാമസംതൃപ്തി നടത്തി കഴിഞ്ഞു ഇപ്പോൾ നിങ്ങൾ ഒരു എയ്ഡ്സ് രോഗിയാണ് ഇതിനേക്കാൾ വലിയ ഒരു പ്രതികാരം നിങ്ങളോട് എനിക്ക് ചെയ്യാൻ കഴിയില്ല എന്ന വിശ്വസത്തോടെ നിർത്തുന്നു.
ശ്രീലേഖ

സുധീർ പി എസ് ആർ