ന്യൂജൻ അടിമകൾ .

ന്യൂജൻ അടിമകൾ ....

പറഞ്ഞു പറഞ്ഞു മടുത്തതും കേട്ടുകേട്ടു തഴമ്പിച്ചതും കൈകാര്യം ചെയ്ത് ദ്രവിച്ചതുമായ വാക്കുകളും വിഷയവും ഒക്കെയാണെക്കെങ്കിലും പറയാതിരിക്കാൻ വയ്യാത്തതുകൊണ്ട് ഒന്ന് പറഞ്ഞുകൊള്ളട്ടെ.....

മരുഭൂമിയിലെ ഒരു മരുപ്പച്ചപോലെയായിരുന്നു അവൾ എൻ്റെജീവിതത്തിലേയ്ക് കടന്നുവന്നത്... ഒരുനല്ല , ആത്മാർത്ഥതയുള്ള , സത്യസന്ധമായ , അസൂയയില്ലാത്ത എൻ്റെ ഇഷ്ടങ്ങളോട് ചേർന്നുപോകുന്ന ഒരു കൂട്ടുകാരിയായി .....എന്തോ ആദ്യകൂടികാഴ്ചയിൽ തന്നെ ഞങ്ങൾ ഒരേതൂവൽ പക്ഷികളാണെന്നു തോന്നിപോകുംവിധം....

അവളുടെ പെരുമാറ്റം ആരെയും ആകർഷിക്കുന്നതായിരുന്നു, MSc IT എന്ന അവളുടെ യോഗ്യതയോ , അച്ഛനമ്മമാരുടെ സമൂഹത്തിലെ ഉയർന്ന സ്ഥാനമാനങ്ങളോ, സാമ്പത്തീക സ്ഥിതിയോ ഒന്നും അവളെ ബാധിച്ചതായി ഒട്ടും തോന്നിക്കുകയേ ചെയ്യാത്തത്രയും എളിമയുള്ള ഒരു യുവതി ... അതായിരുന്നു എന്നെ അവളിലേക്ക്, അവളെ കൂട്ടുകാരിയാക്കാൻ എന്നെ ആകർഷിച്ച പ്രധാന കാരണം....

ഇനി വിഷയത്തിലേക്കു വരട്ടെ ....ഇവളെ നമുക്ക് പ്രിയ എന്ന് വിളിക്കാം ... കുഞ്ഞുങ്ങൾക്കും ഭർത്താവിനും വേണ്ടി വെറുമൊരു വീട്ടമ്മയായി ജീവിക്കുന്നു ... ജോലിക്കുപോയാൽ ഭർത്താവിനൊപ്പമോ ഒരുപക്ഷെ അതിൽകൂടുതലോ ശമ്പളം വാങ്ങാൻ യോഗ്യതയുള്ളവർ ....പക്ഷെ ഇപ്പോൾഅവൾ വെറുമൊരു വീട് വേലക്കാരി ... എല്ലാവര്ക്കും അറിയാമല്ലോഅതെന്താണെന്നു ....

ദേഹോപദ്രവം ഉൾപ്പെടെ വാക്കുകൾ കൊണ്ടും മറ്റുമുള്ള ഉപദ്രവങ്ങൾ .... ഞാൻ അന്തംവിട്ടിരുന്നു ... ഒരിക്കലും പ്രതീക്ഷികാത്തതായിരുന്നു അവളുടെ വിവരങ്ങൾ....വീട്ടുകാരോടുപോലും പങ്കുവെയ്കാതെ, ദൂരത്തിരിക്കുന്ന മാതാപിതാക്കളെ വിഷമിപ്പിക്കേണ്ട എന്ന് വിചാരിച്ചു എല്ലാം സഹിക്കുന്നവൾ .....

ഞാൻ എന്നിലേക്കൊന്നു നോക്കി ... എന്നെക്കൊണ്ടാവില്ല അവളെപോലെ വീട്ടിലിരിക്കാൻ എത്ര കോടിരൂപ താരമെന്നുപറഞ്ഞാലും .... അതേ, ജോലി എത്ര ബുദ്ധിമുട്ടുള്ളതായാലും അതിൽ നിന്നും കിട്ടുന്ന ശമ്പളത്തേക്കാൾ ഉപരിയായി നമ്മുടെ കഴിവുകൾക്കുകിട്ടുന്ന അംഗീകാരങ്ങളും സൗഹൃദങ്ങളും അതിലുപരി ഒരു വ്യക്തിയെന്നനിലയിലുള്ള നമ്മുടെ വളർച്ചയും ഒന്നും പൈസകൊടുത്തുവാങ്ങാൻ പറ്റുന്ന ഒന്നല്ലല്ലോ ....

ഇവിടെ എല്ലാകഴിവുകളും കുടുംബത്തിനായി സ്വയം മാറ്റിവെച്ചു ജീവിതം അർപ്പിക്കുന്ന എൻ്റെ കൂട്ടുകാരിയെപോലെയുള്ള എത്രപേർ...പ്രിയപ്പെട്ട ഭർത്താക്കന്മാരെ വല്ലപ്പോഴൊക്കെ അവരുടെ സ്ഥാനത്തുനിന്ന് ചിന്തിക്കുന്നത് നല്ലതാണു.... നന്നായിട്ടുള്ള ഒരു നോട്ടം, അംഗീകാരം ,സ്നേഹം ...ഒക്കെ ഏതൊരടിമയും പ്രതീക്ഷിക്കുന്നതാണ് ...അപ്പോൾ അവൾ നിങ്ങളുടെ ഭാര്യയാണെകിൽ ...... ഫേസ്ബുക്കിലെ 10000 കൂട്ടുകാർ നിങ്ങളുടെ ജീവിതാവസാനം കൂടെകാണുകയില്ല എന്ന വാസ്തവം വല്ലപ്പോഴും ഓർക്കുന്നത് നല്ലത്.....ഭക്ഷണവും വസ്ത്രവും മാത്രമല്ല ഈ ന്യൂജൻ അടിമകൾക്കുവേണ്ടത് എന്ന് മനസിലാക്കിയാൽ നന്ന് ...

"ബന്ധുരകാഞ്ചന കൂട്ടിലാണെകിലും ബന്ധനം ബന്ധനം തന്നെ പാരിൽ"........

ലിനി ജോസ്