ഫെയ്സ്ബുക്ക്

വല്ലപ്പോഴും മാത്രം ഫെയ്സ് ബുക്കിൽ കയറുന്ന ഞാൻ

എന്റെ അക്കൗണ്ട് ആരെങ്കിലും ഹാക്ക് ചെയ്തോ എന്നറിയണം

അതുകൊണ്ട് ഇടക്കിടെ കയറുന്നത്

സത്യം പറഞ്ഞാൽ എന്റെ കെട്ടിയോനു ഇതത്ര ഇഷ്ടമല്ല

പക്ഷേ അങ്ങേർക്ക് രാപ്പകൽ കുത്തിയിരുന്ന് ഫെയ്സ് ബുക്ക് നോക്കുന്നതിനു കുഴപ്പമില്ല

ഈ അടുത്തിടെ മൂപ്പർ ഒന്ന് വീണു കാലുളുക്കി

രണ്ടാഴ്ചത്തെ റെസ്റ്റ് ഡോക്ടർ നിർദ്ദേശിച്ചു

എന്റെ കെട്ടിയോൻ അത് മൂന്നാഴ്ചയാക്കി

കിട്ടയ സമയം കൊണ്ട് ഫെയ്സ് ബുക്കിൽ അർമാദിച്ചു നടന്നു

പാവം ഞാൻ ഒറ്റക്ക് വീട്ടിലെ പണി ചെയ്തു നടുമൊത്തം വേദനയായി

പാവം ഞാൻ എന്ത് ചെയ്യാൻ

അങ്ങേർക്ക് വയ്യാത്തത് കൊണ്ട് വീട്ടിലെ പണി ചെയ്യിക്കാൻ പറ്റില്ല

ഇങ്ങേരു എന്താ രാത്രിയിൽ ഉറക്കം ഇല്ലാതെ കുത്തിയിരിക്കുന്നെ

ഒരുറക്കം കഴിഞ്ഞ് ഞാൻ സമയം നോക്കി

വെളുപ്പിനെ 3 മണി

ഇങ്ങേരു വല്ല പെണ്ണുങ്ങളുമായി ചാറ്റ് ചെയ്യുകയാണോ

എന്നിൽ സംശയം വളർന്നു

ഞാൻ പതിയെ തല എത്തിച്ചു നോക്കി

അങ്ങേരു സ്വന്തമായി എഴുതിയ കവിതക്കും കഥക്കും കിട്ടിയ ലൈക്കും കമന്റും നോക്കി പുളകിതനായി ഇരിക്കുക ആണ്

ചില കമന്റുകൾ വായിച്ചു മറുപടി കൊടുക്കുന്നു

എന്നിട്ട് പകലു മുഴവൻ ഉറക്കം

ഞാൻ അടിമയെ പോലെ അടുക്കളയിൽ കിടന്ന് കഷ്ടപ്പെടുന്നു

ഇത് നിർത്തലാക്കാൻ എന്താ വഴി

ഞാൻ തലയൊന്നു പുകച്ചു

നോ ഐഡിയാ

എനിക്കാണെങ്കിൽ ശരിക്കും ദേഷ്യവും വന്നു

"ഹേ മനുഷ്യാ നിങ്ങൾ ഉറങ്ങുന്നില്ലെ

നീ ഉറങ്ങിക്കോ...കൃത്യമായി മറുപടിയും വന്നു

ടീ ഞാൻ എഴുതി കുറെ കഷ്ടപ്പെട്ടതസ്..എന്റെ രചനകൾ ഇപ്പോഴാ ഒന്ന് ശ്രദ്ധിക്കപ്പെട്ടത്

രചന..കുന്തം...ഒരു വീക്കിലി പോലും വായിക്കാത്ത ആൾ എന്ത് രചിക്കാനാ

എങ്ങനെയൊക്കയോ തട്ടീം മുട്ടീം പഠിച്ച് ഒരു സർക്കാരു ജോലി നേടി

ഞാൻ ഒരിക്കൽ ചോദിച്ചു

ഫെയ്സ് ബുക്കിൽ കൊടുക്കുന്ന ശ്രദ്ധയുടെ ഒരംശം നിങ്ങൾ പഠിത്തത്തിൽ കാണിച്ചിരുന്നെങ്കിൽ ഇപ്പോൾ വല്യ ജോലി കിട്ടുമായിരുന്നില്ലേ

" നീയാദ്യം അക്ഷരം മുഴുവൻ പഠിക്ക്...പണ്ട് തന്ന ലവ് ലെറ്റർ മുഴവൻ അക്ഷരത്തെറ്റ് ആയിരുന്നു

ഞാനാകെ ചമ്മിപ്പോയി

എന്തായാലും ഇതിനൊരു അവസാനം വേണം

ഞാൻ ഫോൺ തട്ടി തെറിപ്പിച്ചു

അതിയാൻ ഒന്ന് വട്ടം കറങ്ങിയതേ എനിക്ക് ഓർമ്മയുളളൂ

ബോധം വരുമ്പോൾ ഞാൻ ഹോസ്പിറ്റലിൽ

പല്ല് രണ്ടെണ്ണം പോയീന്നു തോന്നുന്നു

ഞാൻ വേദന അടിച്ചമർത്തി കിടന്നപ്പോൾ അങ്ങേരു വീണ്ടും ഫെയ്സ് ബുക്കിൽ തന്നെ കുത്തിയിരിക്കുന്നു

അടിയുടെ വേദന കാരണം ഞാൻ മൂപ്പരെ നോക്കാതെ പല്ലിറുമ്മി കിടന്നു

ഇനി പ്രതികരിച്ചാൽ ഉളള പല്ല് കൂടി പോയാൽ എന്റെ സൗന്ദര്യത്തിനു കോട്ടം തട്ടുമെന്ന് എനിക്ക് തോന്നിയതു കൊണ്ട് മിണ്ടാതെ കിടന്നു"

#അഞ്ജലിസുധി