വരൂ

വരൂ, നമുക്കീ കല്പടവിലിരിക്കാം

പുഴയിലെ ഓളങ്ങളിൽ നോക്കി

ചെറുതായൊന്ന് മഴനനഞ്ഞ്

പ്രണയത്തെ ക്കുറിച്ചു പാടാം.

വരൂ, നമുക്കീ ജനലഴികളിൽ ചാരി നിന്ന്

ആകാശം നോക്കി കാണാം.

പിന്നെ, ആ ഒറ്റ നക്ഷത്രത്തെ നോക്കി

ഏകാന്തതയെ ക്കുറിച്ചു പാടാം.

വരൂ, നമുക്കീ ഇലപൊഴിച്ചു നിൽക്കുന്ന

മരത്തിന്റെ ചുവട്ടിലിരിക്കാം.

വല്ലാതെ ഒറ്റപ്പെട്ടു പോകുന്ന നിമിഷങ്ങളിൽ

മോഹഭംഗത്തെ ക്കുറിച്ചു പാടാം.

വരൂ, നമുക്കീ ചെമ്മൺ പാതയിലൂടെ

നടന്നു പോകാം.

വഴിയവസാനിക്കുമ്പോൾ രണ്ടായി പിരിഞ്ഞ്

വിരഹത്തെക്കുറിച്ചു പാടാം.