കാളു

ആ എഴുപതു വയസ്സുകാരിയെ
ഏഴു കൊല്ലകാലം കണ്ടവരില്ല !

ആ രക്ത ബന്ധത്തിൽ
ഒരു മനുഷ്യന്റെ
വേരുകളുടെ തേടൽ
കാളുത്തള്ള മരിച്ച വാർത്തയെ അറിയിച്ചു
അതും കാലങ്ങൾ പല കഴിഞ്ഞ് !

തള്ളയെ സ്നേഹിച്ചവരെത്തേടി
കൃതജ്ഞതയാൽ ആ മനുഷ്യൻ...
ഒരു വാക്കു നന്ദിയെങ്കിലും ചൊല്ലാൻ ...!

അവസാനമായി കഞ്ഞി കൊടുത്ത
കന്യാസ്ത്രിമാർ കനിവോടെ പറഞ്ഞു
" ഞങ്ങൾക്ക് എന്തിനു നന്ദി
കർത്താവ് അനുഗ്രഹിക്കട്ടെ,
പോയ്‌വരൂ "

അവസാനമായി മരുന്ന് കൊടുത്ത
വൈദ്യർ " ഓ.. അവരൊന്നും തരാനില്ല "

മണ്ണിനോ അന്ഗ്നിക്കോ ആർക്കെന്നറിയാതെ
ഇരുവർക്കും അർഹിച്ച നന്ദികൾ അർപ്പിച്ചു..

ആ മുത്തശ്ശി ജീവിച്ച സമൂഹക്കാരുടെ
മൗനം മാത്രം ആ മനുഷ്യനോടു ചോദിച്ചു
ആരാണാവോ ഈ
കാളുത്തള്ള !!!

- എൻ സുരേഷ്