എന്റെ വാനമ്പാടിയോട്

..........................................

മിഴിനീരു മൂടി മറയുന്ന കാഴ്ച്ചയിൽ
ചിരി തൂകി നിൽക്കുന്നു പിന്നെയും നീ
കാതോർത്തു നിന്നു ഞാനേറെ നേരം
കേട്ടില്ല ഞാൻ നിന്റെ പിൻവിളികൾ
നോക്കിയിരുന്നൂ ഏറെ ദൂരം
എന്നിട്ടും വന്നില്ല നീയെന്റെ പാതകളിൽ
കൺചിമ്മി നിന്നുപോയ് നിന്നോർമ്മകളിൽ
ഇല്ല നീ തൊട്ടില്ലെൻ കൈ വിരലിൽ
പാട്ടായ് പാടാൻ ശ്രമിച്ചപ്പോഴും
വന്നില്ല നീയെന്റെ ചുണ്ടിണയിൽ
പക്ഷിയായ് പാറി വന്നെത്തിയില്ല
എന്നെ നീ പാടിയുണർത്തിയില്ല
അകലെ നീ എങ്കിലുമലയുന്നു ഞാൻ
വെറുതെയീ വിജനമാം വീഥികളിൽ
വഴിതെറ്റി വന്നൊരു വാനമ്പാടീ
ഒരു മോഹന സ്വപ്നമായ് വന്നീടുമോ
വെറുതെയെങ്കിലുമെന്നോർമ്മകളിൽ
ഒരു കവിതയായ് നീയിന്നു പെയ്തീടുമോ?