SI സുഗുണനും സത്യവ്രതകളും :

SI സുഗുണനും സത്യവ്രതകളും :
------------------------------------------------------------------------ "കിർർർ കിര്ര്ര്ര്ര്ര് .."
SI സുഗുണൻ ഞെട്ടിയുണർന്നു .അലാറം ഓഫ് ചെയ്യാനായി കൈപൊക്കി പരതിയപ്പോൾ കൈതട്ടി ടൈം പീസ് താഴെവീണു മൂന്നുകഷണമായി .കൈകുത്തിയെഴുന്നേറ്റ് കട്ടിലിൽ ഇരുന്നു ,കണ്ണുതിരുമ്മി .ഇത്രപെട്ടെന്ന് നേരം വെളുത്തോ ...എത്ര ലേറ്റായിട്ടാണ് ഇന്നലെ വന്നുകിടന്നത് .എന്നും അടിക്കുന്നതിൽ കൂടുതൽ കള്ള് കുടിച്ചത് അയാളോർത്തു .
പേടിക്കേണ്ട ,കാശുമുടക്കി അയാള് കുടിക്കാറില്ല .വല്ലവന്റേം കാശിന് മാത്രമേ കഴിക്കൂ .

തലേന്നത്തെ കാര്യം ഓർത്തപ്പോൾ അയാൾക്ക് CI ഏമാനോട്‌ വല്ലാത്ത ദേഷ്യം തോന്നി .എന്നും ഓരോരോ "അലകുലുക്ക് " കേസുകളെ അയാൾ തന്നെ ഏൽപ്പിക്കാറുള്ളുവെന്ന് സുഗുണൻ ഓർത്തു .

ഇന്നലെ ഒരു പീഡനക്കേസ് .ഒറ്റക്ക് താമസിക്കുന്ന ഒരു വൃദ്ധയെ പാതിരാത്രി ആരോ പീഡിപ്പിച്ചത്രേ .കേട്ടപാതികേൾക്കാത്ത പാതി ആർഡർ വന്നു .സുഗുണൻ അന്വേഷിക്കണം .പോയി .പോകാതിരിക്കാൻ പറ്റുമോ ..അവിടെച്ചെന്ന് വൃദ്ധയെ വൈദ്യപരിശോധനക്ക് അയച്ചപ്പോഴല്ലേ രസം ,പീഡനം നടന്നിട്ടില്ലെന്ന് ഡാക്ടർ തലയിലടിച്ച് ആണയിട്ടു .പിന്നെ വീണ്ടും അന്വേഷിച്ചപ്പോഴാണ് കള്ളി വെളിച്ചത്ത് വന്നത് .പരാതിക്കാരിയും പ്രതിയും തമ്മിലുള്ള വഴിതർക്കമാണ് പീഡനം എന്നൊരു പരാതിയിലേക്ക് വൃദ്ധയെ നയിച്ചത്.പത്ത് കാശ് തടയുമെന്ന് വിചാരിച്ച് പോയ കേസ് അങ്ങനെ ഗോവിന്ദ ..!

കഴിഞ്ഞാഴ്ചയിലും ഇതുപോലൊരു കേസ് .ഒരു ബിസിനസ്കാരന്റെ ഭാര്യ.ഭർതൃപിതാവ് പീഡിപ്പിച്ചുവെന്നായിരുന്നു കേസ് .പതിവുപോലെ ലാത്തിയും ,തോക്കുമായിട്ട് ഓടിപ്പോയി ,അന്വേഷണത്തിന് .പ്രതി ഒരു പഴയ NRI ആണെന്ന് കേട്ടപ്പോൾ അന്വേഷണത്തിന് പോകാൻ അനിയന്ത്രിതമായ ഉത്സാഹം തോന്നി .അന്വേഷണത്തിന് പോകുന്ന വഴിയിൽ ,ജീപ്പ് നിർത്തി കുരിശടിയിൽ മൂന്ന് രൂപാ കാണിക്കയിട്ട് നല്ലപോലെ താണുതൊഴുതു പ്രാർത്ഥിച്ചു ,ഇന്നെങ്കിലും വല്ലോം തടയണെ . ...
നഹി ..നിരാശയായിരുന്നു ഫലം.ആസ്തമ പിടിച്ച് വലിച്ചു വലിച്ചു ശ്വാസം എടുക്കാൻ കഴിയാതെ കിടക്കുന്ന മെല്ലിച്ച ഒരു വൃദ്ധനായിരുന്നു പ്രതി .അയാളെക്കണ്ടതേ സകല പ്രതീക്ഷകളും മർഗ്ഗയാ ...പീഡിപ്പിക്കാൻ പോയിട്ട് ഒന്നു മൂത്രം ഒഴിക്കാൻ പോലും പരസഹായം വേണ്ടിവരുന്ന ഒരു സീനിയർ സിറ്റിസൺ .അവിടെയും വില്ലത്തി പരാതിക്കാരി തന്നെ .ആസ്തമക്കുള്ള മരുന്ന് കഴിക്കാൻ വെള്ളമെടുക്കാൻ നമ്മുടെ പഴയ NRI അടുക്കളയിൽ ചെന്നപ്പോൾ അവിടെ വീട്ടിലെ ഡ്രൈവറും പരാതിക്കാരിയും ------ ചെ ചെ ..ഓർക്കുമ്പോൾ തന്നെ നാണം വരുന്നു .ഡ്രൈവറെ കുനിച്ചുനിർത്തി നാലിടിയിടിച്ച് ആ നാണമങ്ങ് മാറ്റി .അവന്റെ പോക്കറ്റിൽ കയ്യിട്ടപ്പോൾ ഒരു കവർ കതിരവൻ ബീഡിയും ഏഴുരൂപയും മാത്രം .ഏഴെങ്കിൽ ഏഴ് ..ഏഴെടുത്ത് പോക്കറ്റിലിട്ടു ,കതിരവൻ ബീഡി ഡ്രൈവറുടെ അണ്ണാക്കിൽ തള്ളിക്കയറ്റി .തിരിച്ചുപോകുന്ന വഴിക്ക് കുരിശടിയിൽ നിൽക്കുന്ന പുണ്യാളനെ നോക്കി ചുണ്ടുകോട്ടി ചിരിച്ചു .

രണ്ട് ദിവസം കഴിഞ്ഞപ്പോൾ ദാ വരുന്നു,അടുത്ത പീഡനം.ഒരു വില്ലേജ് ആപ്പീസറുടെ സഹധർമ്മിണിയാണ് പരാതിക്കാരി .പരാതിക്കാരിയും ,കെട്ട്യോന്റെ മേലുദ്യോഗസ്ഥൻ താലൂക്ക് ആപ്പീസറും തമ്മിലുള്ള" ഫ്രണ്ട്ഷിപ് " ഒരുദിവസം വില്ലേജ് ആപ്പീസർ കയ്യോടെ പിടിച്ചപ്പോൾ ,പെണ്ണുംപിള്ള തലയിൽ കൈവച്ച് പറഞ്ഞു " ചേട്ടാ .എനിക്കീ താലൂക്കനേ അറിയത്തെ ഇല്ല ..അയാളെന്നെ പീഡിപ്പിച്ചതാ " താലൂക്ക് ആപ്പീസർ സ്വാധീനം ഉപയോഗിച്ച് തടിയൂരി .

ഫോൺ ബെല്ലടിച്ചപ്പോഴാണ് സുഗുണൻ സാർ ചിന്തയിൽനിന്നും ഞെട്ടിയുണർന്നത് .CI ആണ് .സുഗുണൻ ഉടുമുണ്ട് പോലും എടുത്തുടുക്കാതെ ചാടിയെഴുന്നേറ്റ് അറ്റൻഷനായി . "സുഗുണാ ...കാർത്തികപ്പള്ളിയിൽ ഒരു പീഡനം നടന്നിട്ടിട്ടുണ്ട് .പെട്ടെന്ന് അവിടം വരെയൊന്നു പോകണം .ചാർജ് തനിക്കാണ് " വല്യേമാനെ മനസ്സിൽ ശപിച്ചുകൊണ്ട് സുഗുണൻ ആർഡർ ഏറ്റെടുത്തു .ചായക്കാശ് എങ്കിലും കിട്ടുമോ ആവോ ..

വീട്ടിൽ നിന്നും ധൃതിയിൽ ഇറങ്ങുമ്പോൾ പിന്നിൽ നിന്നും ഭാര്യയുടെ കമന്റ് " നിങ്ങളിങ്ങനെ ലാത്തിയും തൂക്കിയിട്ടൊണ്ട് നടന്നോ ..ആമ്പിള്ളേര് കാശ് ഉണ്ടാക്കുന്നുണ്ട് .."
സുഗുണൻ മറുപടി പറയാതെ ജീപ്പിലേക്ക് കയറി .പീഡനങ്ങൾ അന്വേഷിക്കാൻ സുഗുണന്റെ ജീവിതം ഇനിയും ബാക്കി .
=======================================

By Binu K