ചില പെണ്ണുങ്ങളോട് എനിക്ക് വല്യ ബഹുമാനമാണ്
ഒറ്റയ്ക്ക് ഉലകം ചുറ്റുന്നവരോട്,
ഒറ്റപ്പെട്ടുപോയാലും സ്വയം ജ്വലിച്ചു നിൽക്കുന്നവരോട്,
പറയാനുള്ളത് ഉറക്കെ മനോഹരമായ ഭാഷയിൽ പറയുന്നവരോട്
ഭംഗിയുള്ള വാക്കുകൾ കൊണ്ട് വിസ്മയിപ്പിക്കുന്നവരോട്
കാലിൽ ചിലങ്ക കെട്ടിയാടുമ്പോൾ സ്വയം മറക്കുന്നവരോട്
സ്വപ്നങ്ങളുടെ പുറകേ പോകുന്നവരോട്.
ജീവിതം സ്നേഹത്തോടെ ജീവിച്ചു തീർക്കുന്നവരോട്
തന്റെ കടമകൾ ഏറ്റവും ഭംഗിയായി നിറവേറ്റുന്നവരോട്
എന്നാൽ-
ചില പെണ്ണുങ്ങളോട്
ചിലത് പറയാനുണ്ട്
ചില പെണ്ണുങ്ങളോട്
ചിലത് പറയാനുണ്ട്
മിണ്ടാട്ടം മുട്ടി നിൽക്കുന്നവരോട്,
ചവിട്ടിത്തേക്കാൻ മുതുക് കാട്ടിക്കൊടുക്കുന്നവരോട്,
ഉരുകി ഇല്ലാതെയായാലും മുനിഞ്ഞു കത്താൻ ശ്രമിക്കുന്നവരോട്,
രാവെളുക്കുവോളം ഉറങ്ങാതിരുന്നും,
പകലന്തിയോളം പണിയെടുത്തും,
ഊട്ടിയുമുറക്കിയും സ്വയം ഉറങ്ങാൻ മറക്കുന്നവരോട്
വല്ലപ്പോഴും,
വല്ലപ്പോഴുമൊക്കെ
തലയുയർത്തണം
നടു നേരെയാക്കണം
ചുറ്റും ഒന്ന് നോക്കണം
സ്വയം പറയണം
ഞങ്ങൾ ജീവിച്ചിരിപ്പുണ്ടെന്ന്
വല്ലപ്പോഴുമൊക്കെ
തലയുയർത്തണം
നടു നേരെയാക്കണം
ചുറ്റും ഒന്ന് നോക്കണം
സ്വയം പറയണം
ഞങ്ങൾ ജീവിച്ചിരിപ്പുണ്ടെന്ന്
പത്തു രൂപയെങ്കിലും സ്വന്തം പഴ്സിൽ വെക്കണം
വല്ലതും വായിക്കണം
നല്ലത് ചിന്തിക്കണം
അവനവന് വേണ്ടി അൽപനേരം ജീവിക്കണം
അത്രമാത്രം.
നിജു ആൻ വേങ്കടത്ത് ഫിലിപ്പ്
Right niju.........
ReplyDeleteRight niju.........
ReplyDeletewell said...
ReplyDelete