കോപ്പിയടി

പേര് വായിച്ചത് കൊണ്ട് ആദ്യമേ പറയട്ടെ ഇത് ആരുടെയും കോപ്പി അടിച്ചതല്ല കെട്ടോ....

ഏഴാം ക്ലാസ്സില്‍ പഠിക്കുന്ന കാലം,

സത്യൻ മാഷ് എന്നു കേൾക്കുമ്പഴേ സ്കൂളിലെ കുട്ടികളുടെ മുട്ടു വിറച്ചിരുന്നു....

നിർഭാഗ്യമെന്നു പറയട്ടെ ചെന്നു പെട്ടത് സത്യൻ മാഷിന്റെ ഏഴ് എ ക്ലാസ്സിലായിരുന്നു ..."

മാഷ് പഠിപ്പിക്കുന്നതോ വെള്ളക്കാരന്റെ ഇംഗ്ലീഷും ..,

സായിപ്പൻമാരുടെ ഭാഷയായത് കൊണ്ട് ബാക്ക് ബെഞ്ചിലിരിക്കുന്ന ഞങ്ങള്‍ക്ക് ഇംഗ്ലീഷ് എന്നു കേൾക്കുമ്പഴേ കലിപ്പായിരുന്നു....😀

ചെറുപ്പത്തിലേ കരാട്ടയായത്കൊണ്ട്
എന്നും സത്യൻമാഷിന്റെ ചൂരൽ പ്രയോഗങ്ങൾ
ഞങ്ങള്‍ കൈകൊണ്ടോ ചന്തികൊണ്ടോ ബ്ലോക്ക് ചെയ്യുന്നത് ക്ലാസ്സിലെ പഠിപ്പിസ്റ്റുകൾക്ക് രസക്കാഴച്ചയായിരുന്നു...

പരീക്ഷ അടുത്തു !

എല്ലാരും നല്ല വായനയിലാണ്,,!

ബാക്ക് ബെഞ്ചില്‍ ഞങ്ങള്‍ അഞ്ചു പേരുണ്ടായത് കൊണ്ട് കള്ളനും പോലീസും കളിക്കാന്‍ ഒരു നോട്ട്ബുക്ക് തന്നെ വിനയൻ മാറ്റിവെച്ചിരുന്നു ...."

എന്റെ ഉറ്റ ചെങ്ങാതിയാ വിനയൻ !!

പേരില്‍ മാത്രമെ വിനയമൊള്ളു ആളു മഹാ വെടക്കാ.... !!

സത്യൻമാഷ് ചോദ്യം ചോദിച്ചാല്‍ ആദ്യം ബാക്ക് ബെഞ്ചില്‍ നിന്നും തുടങ്ങും,,,,

ചോദ്യോത്തര സെക്ഷൻ തുടങ്ങിയാൽ കയ്യും കാലുമൊക്കെ റഡിയാക്കി ഒരു ഇരുത്തമുണ്ട് വിനയന് ,, !

ഇരിപ്പൊക്കെ കണ്ടാല്‍ തോന്നും ഇപ്പോ
എണീറ്റു ഉത്തരം പറയുമെന്ന്...

നിവർന്നിരുന്ന് എന്നെ ഒന്നു നോക്കും,,,
അർഷൂ .....
തലയാട്ടിക്കൊണ്ട് എന്താ ? എന്നൊരു ചോദ്യം ,,

ഞാന്‍ നല്ല പഠിത്തക്കാരനായത് കൊണ്ട് എല്ലാത്തിനും ഉത്തരം പറഞ്ഞു കൊടുക്കാറുണ്ട്...,

"അറിയില്ല" എന്ന്

ഹാവു ....

എന്റെ ഉത്തരം കേട്ടാൽ അവനും പിന്നെ നല്ല സന്തോഷത്തിലാവും..,

മാഷിനും അറിയാം ഞങ്ങള്‍ ഉത്തരം പറയില്ല എന്ന് .."

എന്നാലും ഒരു നല്ല കാര്യം തുടങ്ങുമ്പോള്‍ ഐശ്വര്യമുള്ള ഭാഗത്തുനിന്ന് വേണ്ടേ തുടങ്ങാൻ

അതുകൊണ്ടാ ഞങ്ങളിൽ നിന്ന് തന്നെ തുടങ്ങുന്നത്...!!😀

അങ്ങനെ പരീക്ഷയൊക്കെക്കഴിഞ്ഞു !

ഇംഗ്ലീഷ് ആയത് കൊണ്ട് ചോദ്യത്തിന്റെ ആദ്യത്തെ വാക്ക് ഒഴിവാക്കി ബാക്കി എഴുതിയാൽ മാർക്കുകിട്ടുമെന്ന് ഒരു വിദ്വാൻ പറഞ്ഞു തന്നിരുന്നു

എല്ലാ ചോദ്യത്തിനും ഞാന്‍ ഉത്തരമെഴുതിയിട്ടുണ്ട്,

എന്റെ നോക്കി വിനയനും....,,,"""

സ്കൂള്‍ തുറന്നു !!

അന്ന് പുതിയ ഒരു കളിയുമായിട്ടാണ് വിനയൻ വരുന്നത്,,*

കള്ളനും പോലീസും കളിച്ച് തോറ്റു മടുത്തെത്രെ അവന്‍

പുതിയ കളി രീതികളൊക്കെ പഠിപ്പിച്ചു തന്നു "കോഴിതല"

ഒാരോ അക്ഷരങ്ങള്‍ ഒരോ തുണ്ട് പേപ്പറില്‍ എഴുതി കൈമാറ്റം ചെയ്യലാണത്രേ പുതിയ കളിയുടെ രീതി ...,

ഫസ്റ്റ് ഒത്തു കിട്ടുന്നവർ വിജയിക്കും എന്നാണ് പറഞ്ഞത് ...

അവന്റെ അടുത്ത വീട്ടിലെ സുമതിച്ചേച്ചി പറഞ്ഞു കൊടുക്കുന്ന കളിയാണത്രെ ഇതെല്ലാം

കളി തുടങ്ങി....,,

അപ്പഴും തോൽവി അവനു ‍ തന്നെയായിരുന്നു "!

കളിയുടെ ഇടയിലാണ് സത്യൻ മാഷിന്റെ വരവ് ...,

വിനയന്റെ "കോഴിത്തല " വായിലേക്കിട്ടു
എന്റെത് പോക്കറ്റിലും ഒളിപ്പിച്ചു ....
മറ്റവരൊക്കെ എവിടെയൊക്കെയോ ഒളിപ്പിച്ചു ..."

പരീക്ഷ പേപ്പറും മാഷിന്റെ കയ്യിലുണ്ട്...

ബ്ലോക്ക് ചെയ്യാനുള്ള കയ്യും ചന്തിയുമൊക്കെ റഡിയാക്കി ഞങ്ങള്‍ അഞ്ചു പേരും ഇരുന്നു

പഠിപ്പിസ്റ്റുകളൊക്കെ പെരുന്നാള് വന്നപോലെ ഞങ്ങളെ നോക്കി ചിരിക്കുന്നു ,

"അർഷോ ഫുൾ മാർക്കുകിട്ടോ "?

വിനയൻ പതിയെ ചോദിച്ചു

"ഉം"" ഫുൾ എഴുതീക്കുണു.... ഞാന്‍ മറുപടി കൊടുത്തു

""അപ്പോ എനിക്കും ഉണ്ടാകും " നിന്റെ പേപ്പര്‍ വാങ്ങീട്ടല്ലെ ഞാനും എഴുതിയെ ..."

"" ഉം " മിണ്ടാതിരിക്ക്...!

ഞാനവനോട് പറഞ്ഞു

ഒാരോർത്തരെ പേര് വിളിക്കാൻ തുടങ്ങി ....
നല്ല മാർക്കുള്ളവർക്ക് അവസാനമാണ് സത്യൻ മാഷ് പേപ്പർ കൊടുക്കാറ് ...

എന്റെ പേരൊന്നും ആദ്യം വിളിക്കുന്നില്ല
മനസ്സില്‍ ലഡുവും ജിലേബിയുമൊക്കെ പൊട്ടി ...

ആദ്യമാദ്യം കൊടുക്കുന്നവർക്കൊക്കെ അഞ്ച് , എട്ട് മാർക്കൊക്കെയുള്ളൂ.... അങ്ങനെ ക്ളാസ് ലീഡറിന്റെ പേരും വിളിച്ചു ... എപ്പഴും അവനാണ് കൂടുതല്‍ മാർക്കു കിട്ടാറ്

അതിനു ശേഷം എന്റെ പേരും ...

" അർഷദ്"

പടച്ചോനെ പറഞ്ഞമാ തിരി എനിക്കാണോ കൂടുതല്‍ മാർക്ക് ...,

എല്ലാരും എന്നെ തിരിഞ്ഞു നോക്കുന്നു

എനിക്കെന്തോപോലെ,,,,,,,!

ഞാൻ ചെന്ന് പേപ്പറ് വാങ്ങി ....,
മാഷ് മാർക്കൊന്നും പറഞ്ഞില്ല ...

അർഷാദിവിടെ നിക്കു,,,,,,

പേപ്പറ് വാങ്ങി തിരിച്ചു പോന്നപ്പോ എന്നെ അവിടെ പിടിച്ചു നിര്‍ത്തി ...

"ഇനി ആർക്കെങ്കിലും പേപ്പര്‍ കിട്ടാനുണ്ടോ...?

സത്യൻ മാഷിന്റെ ചോദ്യം ,,,

""എനിക്ക് കിട്ടിയിട്ടില്ല സാറെ "

ബാക്ക് ബെഞ്ചില്‍ നിന്നും വിനയന്റെ ശബ്ദം

എന്ന സാറിന്റെ കുട്ടി ഇങ്ങു വന്നേ....

സത്യൻ മാഷിന്റെ വിളികേട്ട് ഞാനടക്കം എല്ലാവരും ചിരിച്ചു ....😀😀

വിനയൻ പതുക്കെ വന്നു

നീ പരീക്ഷ എഴുതിയിട്ടുണ്ടോ... ?

മാഷിന്റെ ചോദ്യം

ഉണ്ട് സാറെ .... !

ഇതാണോ നിന്റെ പേപ്പര്‍ . ?

വിനയന്റെ മറുപടി കേട്ട് മാഷിന്റെ അടുത്ത ചോദ്യം

അവൻ പേപ്പറൊന്നുനോക്കി അവന്‍ എഴുതിയത് തന്നെ ...

ഉം " ഇതുതന്നെയാണ് സാറെ ...

നീയ്യാ പേരൊന്നു വായിച്ചേ....?

കുറച്ച് ഗൗരവത്തിലായിരുന്നു മാഷ് അത് വായിക്കാന്‍ പറഞ്ഞത്

അവന്‍ വായിച്ചു
"അർഷദ്"

ങേ... ഞാനൊന്നു ഞെട്ടി

എല്ലാവരും ഉറക്കെ ചിരിച്ചു ...!

ഇത് അർഷദിന്റെ പേപ്പറല്ലേ ?

മാഷ് ചൂരലും കയ്യില്‍ പിടിച്ചായിരുന്നു ചോദ്യം ...

അല്ല ഇതെന്റെ പേപ്പറാ സാറേ....

കൊടുത്തു ചൂരലു കൊണ്ടൊന്ന് "

അടി കിട്ടുന്ന സമയത്ത് അവന്റെ ചില ആക്ഷൻ കാണാന്‍ നല്ല രസായിരുന്നു...
പല്ലിയുടെ വാല് മുറിഞ്ഞ പോലെ....!!!!!

അത്ര പേടിയാ അവന് അടി !

ഇതെന്താടാ നിന്റെ പരസ്യോ.....

ഒരുകള്ളിയൊക്കെയിട്ട് ചുറ്റും പൂക്കളെൊക്കെ വരച്ച് പേപ്പറിന്റെ പുറകിൽ "വിനയൻ " എന്ന് കുറച്ച് കട്ടിയിൽ എഴുതി വച്ചതും ചൂണ്ടിക്കാട്ടി യായിരുന്നു മാഷിന്റെ ചോദ്യം ....

കൂടെ ചൂരലിന്റെ പ്രയോഗവും

നോക്കി എഴുതാൻ പേപ്പറ് കൊടുത്തതിന്
എനിക്കും ഒരു വിഹിതം തരാന്‍ മാഷ് മറന്നില്ല

ഒന്നല്ല ഒരൊന്നൊന്നര വിഹിതമായിരുന്നു അത്....!!!

കിട്ടിയ അടിയെല്ലാം എന്നത്തേയും പോലെ പുറംകൊണ്ട് ബ്ലോക്ക് ചെയ്തു,,,,!

മനസ്സില്‍ പൊട്ടിയ ലഡുവും ജിലേബിയുമൊക്കെ ഒരു നീറ്റലായി ഒരാഴ്ച യോളം കൂടെയുണ്ടായിരുന്നു....!!!

കിട്ടുന്നതെല്ലാം അപ്പഴേ മറന്ന് പഴയ കളിയും പുതിയ കളിയുമായി ..... ഞങ്ങള്‍
തുടര്‍ന്നു .....!!!

മറ്റൊരു
പരീക്ഷക്കായ് കാത്തിരുന്നുകൊണ്ട് ,

By: അർഷദ് കരുവാരകുണ്ട്