അറിവ്

For more: Visit http://www.nallezhuth.com

ആകാശ മേലേയ്ക്കച്ഛനു -
രിഞ്ഞിട്ടു പോയ
പട്ടിണിക്കുത്തരം തിരഞ്ഞപ്പോളന്നെന്റെ
പുസ്തക സഞ്ചിയ്ക്കുടുപ്പണിയിച്ചീ
മാറാല....

മൂട് കീറിയ നിക്കറൊരലങ്കാരമായത്
മൂസാക്കാന്റെ ചായക്കടയിൽ
എച്ചിൽ പാത്രമെടുക്കണ ജോലി
തരപ്പെട്ടപ്പോൾ മാത്രം

വേലിയ്ക്കലെ മുരടനക്കവും
എത്തിനോട്ടവും
ഉമ്മറ വാതിലിൽ തൊട്ടപ്പോഴാണ്
ഒരു കൊച്ചുപിച്ചാത്തി ചങ്ങാതിയായത്

സദാചാരപ്പോലീസുകാർക്കിടയിൽ
സമുദായ മേലാളന്മാരുടെ
വെള്ളക്കുപ്പായമൊരു
മറയെന്നറിഞ്ഞപ്പോഴാണ്
മനുഷ്യനായ് മാറാൻ തുടങ്ങിയത്

കാരണവരെന്ന് മീശ പിരിച്ച്
കയറിയിറങ്ങിയവർ
കൈയ്യിലെ ചില്ലറത്തുട്ടിനെ
സംരക്ഷിക്കാൻ
ഈ വഴി മറന്നപ്പോഴാണ്
ബന് ധുത്വങ്ങളെ മനസ്സ്
പടിയടച്ച് പിണ്ഡം വെച്ചത് !!

ഗോപകുമാർ കൈമൾ