ഒരു ബസ് യാത്ര

നല്ല തിരക്കുള്ള ഒരു സമയത്താണ് ഞാൻ ആ ബസിൽ കയറിയത്.....രാവിലെ ആയതിനാൽ ജോലിക്കു പോകുന്നവരും സ്കൂൾ കുട്ടികളും ഒക്കെയായി ധാരാളം യാത്രക്കാർ... എന്റെ അടുത്ത സ്റ്റോപ്പിൽ നിന്നും കൈക്കുഞ്ഞുമായി ഒരു ചേച്ചി കയറി..... ഇരിക്കുന്ന യാത്രക്കാർ അവരെ കണ്ടതായി ഭാവിക്കുന്നില്ല. ....ഇപ്പോൾ ചില ബസുകളിൽ 'അമ്മയും കുഞ്ഞും 'എന്നെഴുതി ഒരു സീറ്റ് മാറ്റി വയ്ക്കാറുണ്ട്...ഇതിൽ അങ്ങിനെയുമില്ല. അവസാനം ഓരോ സീറ്റും അവർമാറി മാറി നോക്കിയപ്പോൾ ഒരു കുട്ടി ഗത്യന്തരമില്ലാതെ മാറി കൊടുത്തു....ബസ് കുറച്ചു ദൂരം കൂടി മുന്നോട്ടു പോയപ്പോൾ അടുത്ത സ്റ്റോപ്പിൽ നിന്നും കയറിയത് അന്ധത ബാധിച്ച ഒരു വ്യദ്ധനും കൂടെ ഏകദേശം പതിനാലു വയസ്സുള്ള ഒരു പയ്യനുമായിരുന്നു. ...വൃദ്ധൻ പിടിച്ചു കയറുന്നതിനു മുമ്പേ ബസ് വിട്ടു..... ഒരു വിധം ഞാൻ പിടിച്ചു കയറ്റി. ...വ്യദ്ധനെ ആരും കണ്ടതായി ഭാവിച്ചില്ല. അന്ധർക്കുള്ള സീറ്റ് നോക്കിയപ്പോൾ ഏറ്റവും പുറകിലെ സീറ്റുകൾ ക്കു മുമ്പായി 'അന്ധൻ ' എന്നെഴുതിയിരിക്കുന്നതു കണ്ടു. പക്ഷേ താഴെ സീറ്റില്ല. ....ഒരു പക്ഷേ അത് ഇളക്കി മാറ്റി കളഞ്ഞതാകാം. ...കണ്ട ക്ടറെ വിളിച്ചു ചോദിച്ചപ്പോൾ വ്യകതമായി മറുപടി പറയാതെ ഒരു കൊച്ചു കുട്ടിയെ സിറ്റിൽ നിന്നും മാറ്റി അവിടെ ഇരുത്തി.... വ്യദ്ധന്റെ കൂടെ ഉള്ള കുട്ടിയോട് ചോദിച്ചപ്പോൾ കണ്ണാശുപത്രിയിലേക്കാണ് പോകുന്നതെന്ന് മനസ്സിലായി..... വ്യദ്ധന്റെ മക്കളെല്ലാം ജോലിക്കു പോയി. അതിനാൽ പകരക്കാരനായി ഒമ്പതാം ക്ലാസ്സിൽ പഠിക്കുന്ന കുട്ടിയെ യാ ണ്പറഞ്ഞു വിട്ടിരിക്കുന്നത്... യൗവനതു ടിപ്പിൽ നമ്മൾ ആരും അറിയുന്നില്ല.... ഭീതിജനകമായ വാർദ്ധക്യം മുന്നിലുണ്ടെന്ന്.... കുറച്ചു കഴിഞ്ഞപ്പോ ഴാ ണ് ഗർഭിണിയായ ഒരു സ്ത്രീകയറിയത്..... സീറ്റിന്റെ അരികിലിരുന്ന സ്ത്രീ മാറികൊടുക്കാതിരുന്നതിനാൽ, ഉള്ളിലിരുന്ന പ്രായമായ ഒരുസ്ത്രീ മാറികൊടുത്തു..... കൂടെയിരുന്ന സ്ത്രീ ഉള്ളിലോട്ടു നീങ്ങിയിരിക്കാതെ നിറവയറുള്ള സ്ത്രീയെ സീറ്റുകൾക്കിടയിലൂടെ ഉള്ളിലേക്ക് കടത്തി വിടാൻ നോക്കിക്കൊണ്ടേയിരുന്നു..... അവസാനം അവരുടെ മർക്കടമുഷ്ടിക്കു മേൽ യാത്രക്കാർ ഇടപെട്ട് സൈഡിൽ തന്നെ ഇരുത്തേണ്ടി വന്നു..... ഒരു സ്ത്രീക്കു സ്വാഭാവികമായും ഒരു ഗർഭിണിയോട് തോന്നേണ്ട ദയ, കരുണ, സഹാനുഭൂതി എന്നിവ ഇല്ലാതെ വരുന്ന അവസ്ഥ..... എന്റെ സ്റ്റോപ്പ് എത്തിയതിനാൽ ഇറങ്ങേണ്ടി വന്നു. അല്ലെങ്കിൽ ഇനിയും പല കാഴചകളും കണ്ണിലുടക്കിയേനേ..... ~ ~ ~ 

ഹരിമേനോൻ ~ ~ ~