==================
ഇരുൾ നിറഞ്ഞൊരെൻ ജീവനിൽ
അരുൾ ഒളിയായ് വന്നു നീ ...
കരൾ പകുത്തു നല്കിയെന്നുടെ
കദനമേറ്റു വാങ്ങി നീ !!!
അരുൾ ഒളിയായ് വന്നു നീ ...
കരൾ പകുത്തു നല്കിയെന്നുടെ
കദനമേറ്റു വാങ്ങി നീ !!!
നിറനിലാവു പോലെൻ നിശകളിൽ
നിലാവൊളി നിറച്ചു നീ..
നിനവുകളെ തഴുകിയെന്നുടെ
നിണമതിൽ കലർന്നു നീ !!!
നിലാവൊളി നിറച്ചു നീ..
നിനവുകളെ തഴുകിയെന്നുടെ
നിണമതിൽ കലർന്നു നീ !!!
വഴി മറന്നൊരെൻ വീഥിയിൽ
വഴിതുണയായ് വന്നു നീ...
മൊഴി മറന്നു വാഴ്ന്നൊരെന്നുടെ
മിഴിയഴകായ് മാറി നീ !!!
വഴിതുണയായ് വന്നു നീ...
മൊഴി മറന്നു വാഴ്ന്നൊരെന്നുടെ
മിഴിയഴകായ് മാറി നീ !!!
പതിയെ വന്നെൻ പ്രാണനിൽ
പ്രണയമായ് പടർന്നു നീ...
പരിഭവങ്ങൾ പറയാതെന്നുടെ
പ്രാണനിൽ കലർന്നു നീ !!
പ്രണയമായ് പടർന്നു നീ...
പരിഭവങ്ങൾ പറയാതെന്നുടെ
പ്രാണനിൽ കലർന്നു നീ !!
തെളിയാത്തൊരെൻ തൂലികയിൽ
തെളിയുന്നൊരു നിറമായ് നീ ...
ഒളിയേകും താരമായെന്നുടെ
മന വാനിൽ തെളിഞ്ഞു നീ !!!
തെളിയുന്നൊരു നിറമായ് നീ ...
ഒളിയേകും താരമായെന്നുടെ
മന വാനിൽ തെളിഞ്ഞു നീ !!!
എഴുതുവാൻ മറന്നൊരെൻ വിരലിൽ
കവിതയായ് പിറന്നു നീ ...
പരിണയിച്ച പ്രിയതമനെന്നുടെ
പ്രപഞ്ചമായ് മാറി നീ !!!
കവിതയായ് പിറന്നു നീ ...
പരിണയിച്ച പ്രിയതമനെന്നുടെ
പ്രപഞ്ചമായ് മാറി നീ !!!
***സൗമ്യ സച്ചിൻ ***
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക