ഫ്രണ്ട്ഷിപ്പ് ഡേ

--------------------------
ജീവിതത്തിൽ ആദ്യമായി എനിക്കൊരു ഫ്രണ്ട്ഷിപ്പ് ഡേ സമ്മാനം കിട്ടുന്നത് എന്റെ പത്തിനെട്ടാമത്തെ വയസ്സിലാണ്. ഫ്രണ്ട്ഷിപ്പ് ഡേ ഞായറാഴ്ച ആയതിനാൽ അതിന്റെ പിറ്റേന്നാണ് ഈ സമ്മാനം എനിക്ക് ലഭിച്ചത്. തികച്ചും അപ്രതീക്ഷിതമായി ഞാൻ ക്ലാസ്സിലേക്ക് ചെന്നു കയറിയ ഉടൻ എന്റെ ഉറ്റ സുഹൃത്ത് എന്റെ കൈകളിൽ ബലമായി പിടിച്ച് എന്റെ വലത് കൈയിൽ ആ ഫ്രണ്ട്ഷിപ്പ് ബാൻഡ് കെട്ടി തന്നു. നീല ചരടിന്റെ മദ്ധ്യത്തിലായി ആറ് വെള്ള ചതുരക്കട്ടകൾ ഉണ്ടായിരുന്നു. അതിൽ ഓരോന്നിലും 'F R I E N D' എന്ന് യഥാക്രമം ചുവന്ന അക്ഷരങ്ങളിൽ അടയാളപ്പെടുത്തിയിരുന്നു. അതെന്റെ കൈകളിൽ ചാർത്തി തരുമ്പോൾ ഞാൻ എന്റെ ഉറ്റ ചങ്ങാതിയെ ഇമവെട്ടാതെ നോക്കി നിന്നു. അവൻ കാണാതെ ഒരു തുള്ളി ആനന്ദാശ്രു എന്റെ കൺകോണിൽ ഞാൻ ഒളിപ്പിച്ചു.

വീണ്ടും ഒരു ഫ്രണ്ട്ഷിപ്പ് ഡേ കൂടി വരികയാണ്. അന്നത്തെ സുഹൃത്ത് ഇന്നും കൂടെയുണ്ട്. പന്ത്രണ്ട് വർഷങ്ങൾക്കിപ്പുറം ഒരുപക്ഷേ ആ സുഹൃത്ത് ഈ സമ്മാനത്തെപ്പറ്റി ഓർക്കുന്നുണ്ടാവില്ല. പക്ഷെ എന്നെ മാത്രം അദ്ദേഹം മറന്നിട്ടില്ല.

Samini Gireesh

Samini Girees😍