അടുത്ത ഒരു തലമുറയ്ക്ക് ഇവിടെ ജീവിക്കണം

ചെറിയ മുറ്റവും വലിയ വീടും എന്ന സങ്കൽപ്പത്തിലേയ്ക്ക് മനുഷ്യൻ വളർന്നപ്പോൾ ഇല്ലാതാകുന്ന ഒന്നാണ് പച്ചപ്പ്.
വർഷത്തിൽ ഒരിക്കൽ ഹൈറേഞ്ചിലേയ്ക്കുള്ള യാത്രകൾ ആകും അധികം വൈകാതെ പച്ചപ്പ് നമ്മുക്ക് കാട്ടി തരുക. മുറ്റത്ത് ഇല കൊഴിയുക, മനോഹരമായ വീടിന്റെ മനോഹാരിത നഷ്ടപെടൽ തുടങ്ങിയവ മുറ്റത്തെ മരം മുറിക്കാനുള്ള കാരണങ്ങളാണ്. പക്ഷെ മനോഹരമായ വീട്ടിന് അലങ്കാരമായ് നാം ജീവിക്കണമെങ്കിൽ ശുദ്ധവായു വേണം.
ഈ ശുദ്ധവായു ലഭിക്കുന്നതിന് മുഖ്യ പങ്ക് വഹിക്കുന്നത് മരങ്ങൾ ആണ് എന്ന് നാം അറിയണം.

എന്തും ഏതും വില കൊടുത്ത് വാങ്ങുന്ന അവസ്ഥയിൽ എത്തിയ നാം ഈയൊരു ചെറിയ കണക്ക് തിരിച്ചറിയണം.

ശരാശരി ഒരു മനുഷ്യൻ പ്രതിദിനം മൂന്ന് സിലിണ്ടറിനു തുല്യമായ ഓക്സിജൻ ശ്വസിക്കുന്നുണ്ട്. എങ്കിലെ അവന്റെ ജീവൻ നിലനിൽക്കൂ.
ഒരു സിലിണ്ടർ ഓക്സിജന് 700 രുപ വച്ച് കണക്കാക്കിയാൽ ഈ വകയിൽ പ്രതിദിനം 2100 രുപ ചിലവ് വരും.
അതായത് 365 ദിവസം ഉള്ള ഒരു വർഷം തള്ളി തീക്കാൻ ഏകദേശം 766000 രുപ .
ശരാശരി 65 വർഷം ജീവിക്കണമെങ്കിൽ 5 കോടി രൂപയുടെ ഓക്സിജൻ ഇക്കണക്കിൽ വേണം.
അതാണ് വൃക്ഷങ്ങൾ നമ്മുക്ക് സൗജന്യമായി തരുന്നത്.

ഈ കണക്ക് ബോധ്യപെടുത്തും നമ്മുടെ ജീവൻ നിലനിൽക്കാൻ വൃക്ഷങ്ങളുടെ പങ്ക്.
ഒന്ന് തീരുമാനിക്കണം നാം, നട്ടില്ലെങ്കിലും ഞാനായിട്ട് വൃക്ഷങ്ങൾ നശിപ്പിക്കില്ല. അടുത്ത ഒരു തലമുറയ്ക്ക് ഇവിടെ ജീവിക്കണം.

By ഷാജു തൃശ്ശോക്കാരൻ.