രക്തസാക്ഷി

രക്തസാക്ഷി
.........................

പ്രിയ'രക്തസാക്ഷീ ഓർക്കുന്നുവോ

ആർക്കോ വേണ്ടി ചിന്തിയ
നിൻ രക്തത്തെ
ആർക്കോ വേണ്ടി ചേർന്ന്
വിളിച്ച മുദ്രാവാക്യത്തെ
ആർക്കോ വേണ്ടി ചേർന്ന്
പൊരുതിയ സമരമുഖത്തെ

പ്രിയ രക്തസാക്ഷീ ഓർക്കുന്നുവോ

നീ താണ്ടിയ പാതകളെ
ചോര ചിന്തിയ പാതകളെ
ഉയിരുചിന്തിയ പാതകളെ
പക പോക്കിയ പാതകളെ

പ്രിയ രക്ത സാക്ഷീ ഓർക്കുന്നുവോ

നീ അരിഞ്ഞു വീഴ്ത്തിയ മുഖങ്ങളെ
ആരാന്റെ ചോര ചിന്തിയ മുഖങ്ങളെ
ഉറ്റവരുടെ ഉച്ചത്തിലുള്ള വിലാപങ്ങളെ
തീപ്പൊരി പ്രസംഗം നടത്തിയ തെരുവുകളെ

പ്രിയ രക്ത സാക്ഷീ ആർക്കു വേണ്ടി

പഴയ പട മുഖത്തെ സ്മരണകളിലെ
കടലാസു പുലികൾക്ക് വേണ്ടി
മാടമ്പിമാർക്ക് വേണ്ടി
ഇന്നിന്റെ നേതാക്കൾക്ക് വേണ്ടി

വെറുമൊരു പടയാളി നീ
കടലാസു പുലികളുടെ പടയാളി
വെറുമൊരു അനുഭാവി നീ
കടലാസു പുലികളുടെ അനുഭാവി

ഒടുവിൽ തിരിഞ്ഞു കൊത്തപ്പെട്ട പടയാളീ

നിന്നിൽ അവർ ബാക്കി വച്ചത് ?
വെട്ടിനുറുക്കിയ ശരീരത്തിൽ ബാക്കി വച്ചത് ?
ചുരുട്ടിയ മുഷ്ടിക്കുള്ളിൽ ഭദ്രമായ
നിൻ ഇടത് ചൂണ്ടുവിരൽ മാത്രം

ഓർക്കുക നിൻ ഇടത് ചൂണ്ടുവിരൽ മാത്രം

മിഥുൻ