"അവിലോസുണ്ട !!!"

"അവിലോസുണ്ട !!!"

"ഹലോ , കാൻ ഐ സ്പീക് റ്റു മിസ്റ്റർ ജിതേഷ് ?"

"യെസ് സ്പീകിംഗ് "

"ഐ ആം മിസ്റ്റർ എക്സ് ഫാദർ ഇൻ ലോ ഓഫ് യുവർ ഫ്രെണ്ട് വൈ "

"അങ്കിൾ ആണോ ? അവൻ പറഞ്ഞിരുന്നു നിങ്ങൾ വിളിക്കുമെന്ന് , പിന്നെ എന്തൊക്കെയുണ്ട് അങ്കിളേ വിശേഷങ്ങൾ ?"

"ഐ ആം ഫൈൻ ജിതേഷ് ഹൌ ഡു യു ഡു ?

"സുഖം തന്നെ , അങ്കിൾ കൊച്ചിയിൽ നിന്നല്ലേ വിളിക്കുന്നത് മലയാളത്തിൽ പറഞ്ഞോളു !"

"ആക്ച്വലി ഐ വാണ്ട് റ്റു നോ ഹൌ ലോങ്ങ് യു വിൽ ബി ഹിയർ ? വെൻ ആർ യു ഗോയിംഗ് ബാക്ക് റ്റു മെൽബൺ ?"

( ചൊറ ഇംഗ്ലിഷ് വിടുന്ന ലക്ഷണം കാണുന്നില്ല , ഞാനാണെങ്കിൽ മലയാളം മീഡിയവും !! )

"ഒന്നര മാസത്തെ ലീവ് ഉണ്ടായിരുന്നു , കഴിയാറായി അടുത്ത ആഴ്ച തിരിച്ചു പോകും . താങ്കൾ മലയാളത്തിൽ തന്നെ പറഞ്ഞോളു "

"നോ ,നോ ഐ ആം ഓക്കേ ജിതേഷ് , ഐ വാണ്ട് റ്റു ആസ്ക് യു എ ഫേവർ .."

"അല്ല നിങ്ങളുടെ കാര്യമല്ല എനിക്ക് മലയാളമാണ് നല്ലവണ്ണം വഴങ്ങുക എന്നാണു ഞാൻ ഉദ്ദെശിച്ചതു , പറയു എന്താണ് ചെയ്യേണ്ടത് ?"

"ഇഫ് യു ഡോണ്ട് ഹാവ് മച് ലഗൈജ് , കാൻ യു ടേക്ക് എ സ്മാൾ പാകെറ്റ് ഫോർ മൈ ഡോടർ ?"

( എന്റെ ക്ഷമ പാതാളം വരെ ആയി തുടങ്ങി )

"എന്താ സാധനം ?"

"മൈ ഡോടർ ലവ്സ് ദിസ് വെരി മച്ച് , ഇറ്റ് ഈസ് വെരി ടൈസ്റ്റി , ദാറ്റ് റൌണ്ട് ആൻഡ് സ്വീറ്റ് തിങ്ങ് .....ആക്ച്വലി വാട്ട് ഈസ് ദാറ്റ് കോള്ഡ് ...(മൌനം ഡിക്ഷ്ണറി തപ്പുകയാണെന്നു തോന്നുന്നു ) ആക്ച്വലി ദാറ്റ് ഈസ് യു നോ ദിസ് അവിലോസുണ്ട അതാണു ...!"

ഭാഗ്യം അവിലോസുണ്ടയുടെ ഇംഗ്ലിഷ് അയാൾക്ക് അറിയാത്തത് അല്ലെങ്കിൽ ഞാൻ പെട്ടെനെ..

"ഓക്കേ കുഴപ്പമില്ല നല്ല വണ്ണം പാക് ചെയ്താൽ മതി "

" ആക്ച്വലി ഐ വാണ്ട് ടോ മൈക്ക് ഷുവർ യു ഡോണ്ട് ഹാവ് എനി...

ഞാൻ ഇടയിൽ ചാടി ക്കയറി പറഞ്ഞു

ഇനി ഒരക്ഷരം ഇംഗ്ലിഷ് പറഞ്ഞാൽ , അവിടെ വന്നു ആ അവിലോസുണ്ട തന്റെ വായിലിട്ടു കഴുത്തിനു ഞാൻ ഒരു പിടി പിടിക്കും" , അടുത്ത ആഴ്ച മുതൽ വിദേശി സായിപ്പിന്റെ ഇംഗ്ലിഷ് എങ്ങിനെ താങ്ങുമെന്ന് വിഷമിചിരിക്കുമ്പൊഴാ ഈ സ്വദേശി സായിപ്പിന്റെ ഒരു അവിഞ്ഞ ഇംഗ്ലിഷ് , ഒന്ന് ഫോൺ വെച്ച് പോ മാഷെ ....."!!

ജിതേഷ് പോയിലൂർ