**ക്യാൻസറും Human papilloma വൈറസും പ്രതിരോധവും**

**ക്യാൻസറും Human papilloma വൈറസും പ്രതിരോധവും**

*ലോകത്തു അഞ്ചാമതായി ഏറ്റവുമധികം കണ്ടുവരുന്ന ക്യാൻസറാണ് സർവിക്കൽ(cervical) ക്യാൻസർ.സ്‌ത്രീകളിൽ രണ്ടാമതായി ഏറ്റവും അധികം കാണപ്പെടുന്ന കാൻസറാണ് സർവിക്കൽ കാൻസർ.

*ഗാർഭാശയമുഖത്തിന്റെ ക്യാൻസറിനാണ് സർവിക്കൽ കാൻസർ എന്ന് പറയുന്നത്.

*ലോകത്തു പ്രതിവർഷം 3 ലക്ഷം സ്ത്രീകൾ സർവിക്കൽ കാൻസർ വന്നു മരിക്കുന്നു.5 ലക്ഷം പുതിയ കാൻസർ കേസുകൾ റിപ്പോർട്ട് ചെയ്യപെടുന്നു.

*ഇന്ത്യയിൽ ബ്രേസ്റ്റ് കാൻസർ കഴിഞ്ഞാൽ സ്ത്രീകളിൽ ഏറ്റവുമധികമായി കണ്ടുവരുന്ന കാൻസറാണ് സർവിക്കൽ കാൻസർ.

*ഹ്യൂമൻ പാപിലോമ വൈറസ് (HPV) 77 % സർവിക്കൽ കാൻസറിനും കാരണമാകുന്നു.ലൈംഗിക ബന്ധത്തിലൂടെയാണ് ഈ വൈറസ് പകരുന്നത്.

*80% സ്ത്രീകളിലും 50 വയസ്സാകുമ്പോൾ ഹ്യൂമൻ പാപിലോമ വൈറസ് അണുബാധ ഉണ്ടാകാം എന്നു പറയപ്പെടുന്നു.

*70% സർവിക്കൽ കാൻസർ HPV 16 ,HPV 18 എന്നയിനം വൈറസ് മൂലം ഉണ്ടാകുന്നു.
HPV6,HPV 11 എന്നയിനം വൈറസ് 90% genital warts ഉണ്ടാകുവാൻ കാരണമാകുന്നു.

*കാൻസർ ഉണ്ടാകുന്ന HPV വൈറസുകൾ സർവിക്കൽ കാൻസർ കൂടാതെ മലദ്വാരത്തിലും, വായിലും,തൊണ്ടയിലും, പുരുഷലിംഗത്തിലും, യോനിയിലെ ക്യാൻസറിന് കാരണമായേക്കാം.

*Pap smear എന്ന വളരെ എളുപ്പത്തിൽ ചെയ്യാവുന്ന ടെസ്റ്റിലൂടെ നിങ്ങളുടെ ഗർഭാശയമുഖത്തെ(cervix) കോശങ്ങൾക്കു എന്തെങ്കിലും മാറ്റമുണ്ടോ , കാൻസർ ഉണ്ടോ എന്നൊക്കെ അറിയുവാൻ സാധിക്കും. സ്ത്രീകൾ എല്ലാവരും ചെയ്യേണ്ട ഒരു ടെസ്റ്റാണ് pap smear.21 വയസ്സ് മുതലെങ്കിലും ഈ ടെസ്റ്റ് ചെയ്യണമെന്നാണ് പറയുന്നത്. 3 വർഷമെങ്കിലും കൂടുമ്പോൾ pap smear ചെയ്യുക.

**ആന്റി HPV വാക്‌സിൻ(പ്രതിരോധ കുത്തിവെപ്പ്)**

*ഇന്ത്യയിൽ പ്രധാനമായും 2 തരം കുത്തിവെപ്പ് HPV വൈറസ് പ്രതിരോധത്തിന് ലഭ്യമാണ്.

*Gardasil,cervarix എന്ന കുത്തിവെപ്പുകൾ വളരെ ഫലപ്രദമാണ് cervical cancer വരാതെയിരിക്കുവാൻ.cervical കാൻസർ ഉള്ളവർ ഈ കുത്തിവെപ്പ് എടുത്തിട്ട് പ്രയോജനമില്ല.പക്ഷെ ക്യാൻസർ വരാതെയിരിക്കുവാൻ ഇതു വളരെ സഹായിക്കും.

*0,2,6 മാസം ഇടവേളകളിൽ 3 കുത്തിവെപ്പായിട്ടാണ് ഇവ എടുക്കുന്നത്.9 വയസ്സ് മുതൽ 18 വയസ്സ് വരെയുള്ളവരിലാണ് പ്രധാനമായും കുത്തിവെപ്പ് എടുക്കുന്നത്.26 വയസ്സ് വരെ കുത്തിവെപ്പ് എടുക്കാവുന്നതാണ്.
ഇപ്പോൾ സർക്കാർ ആശുപത്രികളിൽ ഈ കുത്തിവെപ്പ് ലഭ്യമല്ല.

*വില വളരെ കൂടുതലാണ്.

*ഡൽഹി ഗവണ്മെന്റ് 2016 മുതൽ സൗജന്യമായി 13 വയസുള്ള പെൺകുട്ടികൾക്ക് വാക്‌സിൻ കൊടുത്തു വരുന്നു.അങ്ങനെ കൊടുക്കുന്ന ഇന്ത്യയിലെ ആദ്യത്തെ സംസ്ഥാനമാണ് ഡൽഹി.വില വളരെ കൂടുതലാണ് ഈ കുത്തുവയ്പിന്.അതുകൊണ്ടു തന്നെ സ്വകാര്യ ആശുപത്രികളിൽ നിന്നും ഈ കുത്തിവെയ്പ്പെടുക്കുവാൻ സാധാരണകാരായ സ്ത്രീകൾക്ക് സാധ്യമല്ല.വില 2800-3300 രൂപ വരെയാണ്. മറ്റു സംസ്ഥാനങ്ങളും ഉടനെ ഈ കുത്തിവെപ്പ് സൗജന്യമായി നൽകുമെന്നു കരുതാം.സർവിക്കൽ ക്യാൻസറിന് ഇത്രയും ഫലപ്രദമായ ഒരു കുത്തിവെയ്പ് തീർച്ചയായും ജനങ്ങളിൽ എത്തേണ്ടതാണ്.
Dr Shinu Syamalan