അസ്തമിക്കുന്ന പ്രതീക്ഷകൾ

കരയാതെന്റെ മിഴികളെ,
കണ്ണീരു വീണെന്റെ കവിളിലൊരു ചാലായി
പടരുന്നു കരി നിഴലും,
കൺതടങ്ങലിലാകവേ.

പകൽമാഞ്ഞു, ഇരുൾ പുൽകി
സ്വപ്‌നങ്ങൾ മാഞ്ഞുപോയ് !
ഉരുകുന്ന വേനലിൽ, പ്രണയമാം പൊയ്കയും -
വറ്റിവരളുന്നു തീഷ്ണമായ്.

കനൽമൂടിയ കുന്നിന്റെ, മുകളിലായ്
വെന്തുഞാൻ തേങ്ങുന്നു.
അടരുന്നു മാംസവും ഇതളുകൾ പോലവേ !
കരിയുന്നു, പുകയുന്നു മോഹങ്ങൾ ചാമ്പലായ്.
ഒഴുകുന്നു, ജീവനും; നിലയില്ലാ കയത്തിലായ്.

മതിയായെന്റെ മോഹമേ, മതിയായെന്റെ സ്വപ്നമേ ;
അരുതരുത് വരരുത് ഇനിയെന്റെ ചാരത്തു,
കപട പ്രതീക്ഷതൻ പാൽപുഞ്ചിരിയുമായിനി.

ഇനിയെനിക്കില്ല, ത്രാണിയിനിയില്ലയൊട്ടുമേ ;
തളർന്നു പോയിന്നെന്റെ മനസ്സും ശരീരവും
ഒരുയർത്തെഴുനേൽപ്പിൻ, പിൻവിളിയില്ലാതെ..

By Dhanya Ajijesh