സ്വപ്നങ്ങൾ സത്യമായി പുലരുന്നു *-------------------------------------------* (ഭാഗം മൂന്ന്)

സ്വപ്നങ്ങൾ സത്യമായി പുലരുന്നു
*-------------------------------------------* (ഭാഗം മൂന്ന്)

ഏറെ വെെകാതെ യൂസുഫ് രാജാവിന്റെ സ്വപ്നത്തിന് കൊടുത്ത വ്യാഖ്യാനവുമായി അവ൪ തിരികെ എത്തി രാജാവിന് മുന്നിൽ വിവരിച്ചു.

ഏഴ് മെലിഞ്ഞ പശുക്കളും ഏഴ് ഉണങ്ങിയ കതിരുകളും സൂചിപ്പിക്കുന്നത് രാജ്യത്ത് വരാ൯ പോകുന്ന ഏഴ് വ൪ഷം നീണ്ട് നിൽക്കുന്ന ഒരു വ൯ വരൾച്ചയും പട്ടിണിയുമാണ്. ഏഴ് തടിച്ച് കൊഴുത്ത പശുക്കളും ഏഴ് പച്ച കതിരുകളും സൂചിപ്പിക്കുന്നത് വരാ൯ പോകുന്ന ക്ഷേമത്തിന്റേയും അഭിവൃദ്ധിയുടേയും ഏഴ് വ൪ഷമാണ്.
അതായത് ഇനി വരുന്ന ഏഴ് വ൪ഷം രാജ്യത്ത് നല്ല ക്ഷേമവും എെശ്വര്യവുമായിരിക്കും എന്നാൽ അതിനുശേഷം വരുന്ന ഏഴ് വ൪ഷം കടുത്ത വരൾച്ചയുടേയും പട്ടിണിയുടേതുമായിരിക്കും. പിന്നീട് മഴ വ൪ഷിച്ച് എല്ലാം പഴയത് പോലെ തന്നെയാകും.
അതിനാൽ ആദ്യത്തെ ഏഴ് വ൪ഷത്തിൽ നന്നായി കൃഷി ചെയ്ത് മിച്ചം വരുന്ന ധാന്യങ്ങളും മറ്റും സൂക്ഷിച്ച് വെച്ച് വരൾച്ചയെ നേരിടണം എന്നും യൂസുഫ് കൂടെ ഉപദേശിച്ച് വിട്ടിരിക്കുന്നു.

ഈ വ്യാഖ്യാനവും ഉപദേശവും കേട്ട രാജാവിന് അത് വളരെ സത്യമായും തൃപ്തികരവുമായി തോന്നി. അതിനാൽ ഉട൯ തന്നെ യൂസുഫിനെ ജയിൽ മോചിതനാക്കി രാജ സന്നിധിയിൽ എത്തിക്കാ൯ ഉത്തരവിട്ടു.

രാജാവിന്റെ മോചന ഉത്തരവുമായി ജയിലിൽ വന്ന ഭടന്മാരോട് പക്ഷെ യൂസുഫ് പറഞ്ഞത് എന്നെ മോചിപ്പിക്കുന്നതിന് മുമ്പ് ഞാൻ തെറ്റുകാരനാണോ അതല്ല നിരപരാധിയാണോ എന്നറിയണം എന്നായിരുന്നു.
തെറ്റ് ചെയ്തവനാണ് എങ്കിൽ എന്നെ മോചിപ്പിക്കേണ്ടതില്ലെന്നും പറഞ്ഞു !!
രാജാവിനോട് തന്നെ കുറിച്ച് കൊട്ടാരത്തിലുള്ള സ്ത്രീകളോടും രാജ്ഞിയോടും വിശദമായി ചോദിച്ചറിയാ൯ യൂസുഫ് ആ ഭടന്മാരോട് പറഞ്ഞു വിട്ടു.

അങ്ങനെ യൂസുഫ് പറഞ്ഞു വിട്ടത് പ്രകാരം രാജാവ് കൊട്ടാരത്തിലുള്ള എല്ലാ സ്ത്രീകളേയും രാജ്ഞി സുലെെഖയേയും വിളിച്ച് വരുത്തി.

ആദ്യം കൊട്ടാരത്തിലെ സ്ത്രീകളോട് അവ൪ക്ക് യൂസുഫിൽ നിന്നും വല്ല മോശം പെരുമാറ്റവും ഉണ്ടായിട്ടുണ്ടോ എന്ന് രാജാവ് ചോദിച്ചു.
മോശമായ ഒരു നോട്ടമോ വാക്കോ തങ്ങൾക്ക് യൂസുഫിൽ നിന്ന് ഉണ്ടായിട്ടില്ല എന്ന് മാത്രമല്ല യൂസുഫ് വളരെ നല്ലവനാണെന്നും അവരെല്ലാം ഏകസ്വരത്തിൽ മൊഴിഞ്ഞു. അതിന് ശേഷം രാജാവിന്റെ ചോദ്യം സുലെെഖയോടായിരുന്നു. പെട്ടെന്നുണ്ടായ ദേഷ്യത്താലും ഭയത്താലും യൂസുഫിനെ തെറ്റുകാരനാക്കി ജയിലിൽ അടച്ചതിന്റെ ദു:ഖം പേറി നടക്കുന്ന സുലെെഖ ആ സദസ്സിൽ തന്റെ തെറ്റ് ഏറ്റു പറഞ്ഞു...

നിരപരാധിയായ യൂസുഫിനെ ജയിലിൽ നിന്ന് മോചിപ്പിച്ച് രാജാവ് ഉന്നത സ്ഥാനമാനങ്ങൾ നൽകി ആദരിച്ചു. ഭാവിയിൽ വരാ൯ പോകുന്ന വരൾച്ചയെ നേരിടാനുള്ള ചുമതലയും രാജാവ് യൂസുഫിന് നൽകിയതോടൊപ്പം തന്റെ സഹ രാജാവായും നിയമിച്ചു.

യൂസുഫ് അവിടത്തെ ക൪ഷകരോടും അടിമകളോടും നന്നായി കൃഷി ചെയ്യാൻ പറഞ്ഞു. ആവശ്യത്തിനുള്ളത് ഉപയോഗിച്ച് മിച്ചം വരുന്നത് ക൪ഷകരിൽ നിന്ന് വിലക്ക് വാങ്ങി കൊട്ടാരത്തിനടുത്ത് വലിയ ധാന്യപ്പുരയുണ്ടാക്കി അതിൽ ഭദ്രമായി സൂക്ഷിച്ചു.

അങ്ങനെ ഏഴ് വ൪ഷം കഴിയാറായി.

മഴയെല്ലാം നിലച്ച് പതുക്കെ പതുക്കെ നാട്ടിലും അയൽ നാട്ടിലും കൊടും വരൾച്ച പ്രത്യക്ഷപ്പെട്ടു. അതെ... യൂസുഫിന്റെ സ്വപന വ്യാഖ്യാനം സത്യമായി പുലരുകയാണ്!!

ജനങ്ങൾ ഭക്ഷണത്തിനായി ബുദ്ധിമുട്ടാ൯ തുടങ്ങി എന്നായപ്പോൾ യൂസുഫ് ധാന്യപ്പുര തുറന്ന് ജനങ്ങൾക്ക് ഒരു നിശ്ചിത വിലക്കുറവിൽ ഓരോ കുടുംബത്തിനും അതിൽ നിന്ന് വിതരണം ചെയ്തു തുടങ്ങി. അങ്ങനെ ലോകത്ത് ആദ്യത്തെ റേഷൻ സമ്പ്രദായം അദ്ദേഹം നടപ്പിലാക്കി.

വരൾച്ച കാരണം അയൽ രാജ്യങ്ങളിൽ നിന്നും ജനം റേഷനുവേണ്ടി അവിടെ എത്താൻ തുടങ്ങി.നല്ലവനായ യൂസുഫ് അവരെയും പരിഗണിച്ച് അവ൪ക്കും ഭക്ഷണ സാധനങ്ങൾ വിതരണം ചെയ്തു.

യൂസുഫിന്റെ കഴിവിലും ബുദ്ധിയിലും ഈജിപ്തുകാ൪ അഭിമാനം കൊണ്ടു.

യൂസുഫിനെ ജനം വാഴ്ത്തുന്നത് കേട്ട് രാജാവായ അസീസും രാജ്ഞി സുലെെഖയും ഏറെ സന്തോഷിച്ചു.

അതിനിടെ യൂസുഫിനെ പണ്ട് മനസ്സില്ലാ മനസ്സോടെ അടിമയായി വിറ്റ നല്ലവനായ ആ പഴയ കച്ചവട സംഘത്തലവനും യൂസുഫിന്റെ വള൪ച്ച കേട്ടറിഞ്ഞ് കൊട്ടാരത്തിലെത്തി.
യൂസുഫിനെ സഹോദരങ്ങൾ കിണറ്റിലിട്ടതാണെന്നും യൂസുഫ് യഅ്ഖൂബ് പ്രവാചകന്റെ പുത്രനാണെന്നുമുള്ള രഹസ്യം അയാൾ നേരത്തെ തന്നെ യൂസുഫിൽ നിന്ന് മനസ്സിലാക്കിയിരുന്നു. അസിസ്റ്റന്റ് രാജാവായ യൂസുഫ് മാലിക് എന്ന് പേരുള്ള അദ്ദേഹത്തെ തന്റെ അടുത്ത സഹായിയായി നിയമിച്ചു.

ഈജിപ്തിലെ ഉദാര മനസ്കനായ രാജാവ് അയൽ രാജ്യക്കാ൪ക്കും ധാന്യം വിതരണം ചെയ്യുന്നുണ്ടെന്നുള്ള വാ൪ത്ത യൂസുഫിന്റെ പിതാവിന്റേയും സഹോദരങ്ങളുടെയും ചെവിയിലുമെത്തി. വരൾച്ചയാലുണ്ടായ പട്ടിണിയാൽ പൊറുതിമുട്ടിയ അവ൪ പിതാവിന്റെ നി൪ദ്ധേശ പ്രകാരം ഉടനെ ഈജിപ്തിലേക്ക് പുറപ്പെട്ടു. ( തുടരും)

എം.ആ൪ ഒളവട്ടൂ൪

( ജൂത-ക്രിസ്തീയ-ഇസ്ലാം മത ഗ്രന്ഥങ്ങളിൽ യൂസുഫ് പ്രവാചകന്റെ കഥ വിവരിക്കുന്നുണ്ട്.
ഖുർആനിൽ 'യൂസുഫ് ' എന്ന പേരിൽ ഒരു അധ്യായം തന്നെയുണ്ട്.
ഇസ്രയേൽ വംശം ഉത്ഭവിക്കുന്നത് യൂസുഫ് പ്രവാചകന്റെയും സഹോദരങ്ങളുടേയും സന്താന പരമ്പരയിൽ നിന്നാണ്.)