ഉണ്ണീടെ അച്ഛൻ

എൻ അച്ചനുറങ്ങ്ണ നേരത്തമ്മ
തേങ്ങിക്കരഞ്ഞതെന്താ.
എൻ അച്ചനുറങ്ങ്ണ നേരത്ത് ചുറ്റിലും
ആളുകൾ കൂട്ണതെന്താ.
എൻ അച്ചനുറങ്ങ്ണ നേരത്താരോ
വെള്ള പുതപ്പിച്ചതെന്താ.
കത്തും നിലവിളക്കിൻ തിരികെടാൻ നേരം
എണ്ണയൊഴിച്ചതെന്താ
ഉണ്ണീടച്ചനുറങ്ങ്ണ നേരത്ത്
താങ്ങിയെടുത്തതെന്താ
നാലാള് കൂടിയെടുത്തതെന്താ.
തെക്കേ മുറ്റത്ത് മാവിന്റെ ചോട്ടില്
മണ്ണിട്ട് മൂടിയതെന്താ..
അച്ചൻ എപ്പോൾ വരുമെന്ന് ചോദിച്ചപ്പോൾ അമ്മ
നെഞ്ചോട് ചേർത്തതെന്താ ഉണ്ണിയെ
മാറോട് ചേർത്തതെന്താ...

(സംഘം അബ്ബാസ് )