ന്യൂജൻ രതിനിർവ്വേദം

ന്യൂജൻ രതിനിർവ്വേദം
+++++++++++++++++

ഫോൺസന്ദേശത്തിനായ് കാത്തിരിക്കുന്നു..
"രാത്രി പതിനൊന്നു മണിയായി ശ്ശോ... ഈ പണ്ടാരക്കാലനെവിടെപ്പോയി".

'ശരതേട്ടൻ കോൺഫറൻസിനു പോയപ്പോൾ ഒത്തു കിട്ടിയ ചാൻസാ...'

മനു ഓൺലൈനിൽവരുന്നുണ്ടോയെന്ന് കണ്ണിലെണ്ണയൊഴിച്ച് കാത്തിരിക്കുകയാണ്.

"ഹാവൂ ആശ്വാസം.. മനു ഓൺലൈനിൽ എത്തി... ,എന്താടാ ഇത്ര വൈകിയത്?

" ഞാനെത്ര സമയമായി കാത്തിരിക്കുന്നു.."

"ഒന്നൂല്ല.. അല്പം തിരക്കായിപ്പോയി..."

മണിയറയിലെ പുതുമണവാട്ടിയെപ്പോലെ നാണിച്ചു കിടന്നു..

'മൊബൈലിലെ ചാർജ് തീരാറായല്ലോ..
കഷ്ടകാലം!

'ഹോ ഭാഗ്യം ശരതേട്ടൻ പവ്വർ ബാൻഡ് ചാർജർ കൊണ്ടുപോയിട്ടില്ല'.

'ഹായ് ഡിയർ...' മനുവിന്റെ മെസഞ്ചർ മെസേജ് കണ്ട് അനാമിക ആനന്ദ പുളകിതയായി..

"ശരതേട്ടന് കോൺഫറൻസായതു ഭാഗ്യം..".

"ഉം....
അപ്പോൾ ഇന്ന് മധുവിധു..."മനു പൊട്ടിച്ചിരിച്ചു.

മനസ്സും മനസ്സും തമ്മിൽ സംഗമിച്ചു... അനുരാഗകരിക്കിൻവെള്ളം അനാമികയിൽ മനു നിറച്ചു... ഫോൺ മെസഞ്ചറിലൂടെ ആവോളം ഇരുവരും മോന്തിക്കുടിച്ചു.

'മധുരസ്വപ്നങ്ങൾക്കായ് ഞാനിയും വരാം... നിന്റെ ശരതേട്ടന് കോൺഫറൻസുകൾ ഇനിയുമുണ്ടാകട്ടെ പ്രിയേ... 'എന്ന മെസേജിൽ ശുഭരാത്രി അവസാനിച്ചു.

"അനാമികാ... നീ ഇന്നലെ രാത്രി മുഴുവൻ ഓൺലൈനിലാണല്ലോ...".

"ഓ..... അത്.. ശരതേട്ടാ ഞാൻ ഡാറ്റ ഓഫാക്കാൻ മറന്നതാ".

"അല്ല. .. ശരതേട്ടനെന്തിനാ രാത്രി ഓൺലൈനിൽ വന്നത്.." അനാമിക മുഖം കറുപ്പിച്ചു.

പതിവ്രതമായ ഭാര്യയുടെ പിണക്കം മാറ്റാൻ ശരത് പരമാവധി ശ്രമിച്ചു.

"അത് ഞാൻ ന്യൂസ് നോക്കിയതല്ലേ മോളേ.. നീയില്ലാതെ എനിക്ക് ഉറക്കം വരില്ലായെന്ന് അറിയില്ലേ.... ",അനാമികയ ശരത് തന്റെ കരവലയത്തിലാക്കികൊണ്ട് പറഞ്ഞു. പിണക്കങ്ങൾ മഞ്ഞു പോലെ ഉരുകിയൊലിച്ചുപോയി.

"മനൂ ശരതേട്ടൻ ഇപ്പം ഇറങ്ങിയതേയുള്ളൂ...
രാത്രി പതിനൊന്ന് മണിക്ക്‌ ചാറ്റാം.... ".

ശുഭരാത്രി സ്വപ്നം കണ്ടു കൊണ്ട് മനു കട്ടിലിൽകിടന്നു..

'ഇതാരാ ഈ സമയത്ത് കോളിംഗ്‌ ബെല്ലടിക്കുന്നത്...'.

"ങ് ഹേ.... ശരതേട്ടനോ... ഡൽഹിയിൽ പോകാന്ന് പറഞ്ഞിട്ട്".

"മീറ്റിങ് ഇല്ല മോളേ.... നമ്മുടെ കമ്പനി കൊറിയൻ കമ്പനിയുമായുള്ള കരാർ പുതുക്കണ്ടായെന്ന് തീരുമാനിച്ചു",

"അല്ലെങ്കിലും കുളിച്ച് പുറത്തേക്കിറങ്ങിയ നിന്നെക്കണ്ടപ്പോൾ എല്ലാം റദ്ദ് ചെയ്താലോയെന്നാലോചിച്ചതാ...".

ശരത് അനാമികയെ ചേർത്തു പിടിച്ചു..

അതാ ഒരു കുയിൽനാദം.. അനാമികയുടെ ഫോണിൽ നിന്നും.....

അനാമിക അടുക്കളയിലേക്ക് പോയ സമയമായിരുന്നു.. ശരത് മെല്ലെ മെസേജ് നോക്കി..

'കാത്തിരുന്നു മടുത്തു കെട്ടോ.... നിന്റെ കെട്ടിയോൻ പണ്ടാരക്കാലന്റെ ഫോൺവിളി കഴിഞ്ഞില്ലേ...'.

'ഇല്ല മോനേ.. നീ പെണ്ണ് കെട്ടുമ്പം ഞാൻ കാണിച്ചു തരാടാ.. ദുഷ്ടാ...... വേദനിക്കുന്നൊരു ഭർത്താവ് എന്നൊരടിക്കുറിപ്പും നൽകി, തിരിച്ചൊരു സന്ദേശമങ്ങയച്ചു.

സന്ദേശം ശരത് ഡിലീറ്റ് ചെയ്തു.

അനാമിക ഫോണിലേക്ക് നോക്കുമ്പോൾ ശരത് നോക്കി പുഞ്ചിരിച്ചു.

മനു പ്ളിങ്....ശുഭരാത്രി അവസാനിച്ചു..

അനാമിക ശരതിന്റെ കരവലയത്തിലുമായി...

വല്ലപ്പോഴും ഭാര്യമാരെ സന്തോഷിപ്പിക്കുക.. കുറുക്കന്മാരുടെ കണ്ണ് കോഴിക്കൂട്ടിലായിരിക്കും.....
ശുഭരാത്രി... സുഖനിദ്ര....
Written by Saji Varghese