മെെനസ് ഗദ്യത്തിൽ ഒരു കവിത

മെെനസ്
ഗദ്യത്തിൽ ഒരു കവിത

ഓര്‍മ്മകള്‍ വായിക്കുന്നത് ഇടത്തോട്ടാണ്.
മെെനസ് ഒന്ന് ,മെെനസ് രണ്ട് ....അങ്ങനെ
ഇന്നില്‍നിന്ന് ഓരോന്നോരോന്നായി കിഴിച്ച്
അങ്ങനെ പോണം ഇടത്തോട്ടിടത്തോട്ട്.

ഒടുക്കം ഉടയാടകളും ആഭരണങ്ങളും അഴിച്ചു മാറ്റിയ
എന്നെ നോക്കി 'ആരാ ?'എന്ന് അത്ഭുതപ്പെടുന്നതുവരെ.

കണക്കു പഠിപ്പിച്ച വാരരുമാഷ് പറയുന്നൂ -
'അത്ര എളുപ്പമല്ല മോനേ, കണക്ക്.
മെെനസ് ആയിരം വേഗത്തില്‍ ഇടത്തോട്ടു വായിച്ചാലും
നിനക്കാവില്ല അവിടെയെത്താന്‍.
മെെനസുകള്‍ പല കെെവഴികളിലൂടെ ,
ആയിരങ്ങളുടേയും ലക്ഷോപലക്ഷങ്ങളുടേയും ഏകകങ്ങളായി
അനന്തതയിലേക്ക് നീണ്ടുകൊണ്ടേയിരിക്കുന്നു.
മറവിമൂടിയ ഭൂതകാലത്തിൽ
നീ സ്വയം നഷ്ടമാവുന്നതിനും അപ്പുറത്തേക്ക്.'

By

Rajan Paduthol