"പെൺതത്ത"

"പെൺതത്ത"
*****************

പെണ്ണ് ഒരു പെൺതത്തയല്ലേ..?
പത്ത്മാസം അമ്മയൊരുക്കിയ കൂട്ടിൽ 
പറക്കമുറ്റുംവരെ അച്ഛനൊരുക്കിയ കൂട്ടിൽ
പറക്കമുറ്റിയാൽ
പുതുമയുള്ള പുതിയൊരു കൂട്ടിൽ
അതും
വാങ്ങുന്നവന്
വിലനൽകി വിൽക്കുന്ന തത്ത
വിശപ്പടക്കാൻ
വാങ്ങിയവന്‍റെ പേര്
വായിട്ടലയ്ക്കണം
കൂട് വിട്ട് പുറത്തിറങ്ങിയാൽ
കൂടെ കൂട്ടാൻ
കാട്ടുപൂച്ചകളനവധി
വളർത്താനല്ല
പിന്നെയോ ..?
പനയോല നൽകി
നാവ് വഴക്കാൻ
വഴങ്ങിയ നാവിനാൽ
വാക്കുകൾ പറയിക്കാൻ
വഴങ്ങാത്ത നാവിന്
വീണ്ടും പനയോല
വഴങ്ങും വരെ
വഴങ്ങാത്ത വാക്കിനും
വഴങ്ങേണ്ട തത്ത
വഴങ്ങുവാൻ മാത്രം
വളർത്തുന്ന തത്ത.

കാദംബരി.
**************