മാപ്പ് (കവിത)

മാപ്പ് (കവിത)
---------------------
മാപ്പ് ..പ്രിയ സോദരിമാരേ, ..മാപ്പ്..
നിങ്ങൾതൻ കൺകളിൽ കാണുന്നു ഞാൻ;
ഒരു ഇരുണ്ടകാലത്തിൻ്റെ കടൽ..
തേങ്ങുന്ന കടലിനെ ശാന്തമാക്കാൻ നമുക്കാവില്ല..
സാന്ത്വനത്തിൻ്റെ വാക്കുകൾ,
ഉപചാരത്തിൻ്റെ പുറം മോടിയിൽ,
ഇല്ലാതാവുന്നതാണ് സത്യം..
ഒന്നും കാണാൻ ഇവിടെയാർക്കും കണ്ണുകളില്ല..
വിലാപങ്ങൾ പതിക്കുന്നത് ബധിരകർണ്ണങ്ങളിൽ..
പെറ്റമ്മയുടെ കണ്ണീരൊപ്പാൻ ആർക്കു കഴിയും?
പിച്ചിച്ചീന്തിയ ജീവനു പകരം നൽകാൻ എന്തുണ്ട്?
എത്ര തിരഞ്ഞാലും ഒന്നും കാണില്ല നിങ്ങൾ..
കണ്ണുകെട്ടിയ ദേവതയ്ക്ക് ഈ കണ്ണുനീർ കാണാനാവില്ല..
നമുക്ക് ശിരസ്സു കുനിക്കാം..
മാപ്പിനായ് യാചിക്കാം..
മാപ്പ്... പ്രിയ സോദരിമാരേ... മാപ്പ് ..

അജിന സന്തോഷ്