ആലുവാക്കാരുടെ ആവലാതികൾ

^^^^^^^^^^^^^^^^^^^^^^^^^^^^^^^^^^^^

സെക്രട്ടറിയേറ്റ് പടിക്കൽ ഉയർന്ന
ഒരുകൂട്ടം ചെറുപ്പക്കാരുടെ മുദ്രാവാക്യം വിളി കേരളത്തിന്റെ ശ്രദ്ധ അങ്ങോട്ടുതിരിച്ചു,

കൊക്കകോളയും
ബിയറും ഉണ്ടാക്കാൻ
മുല്ലപ്പെരിയാറിൽ കമ്പനികളെ അനുവദിക്കൂ
മലയാളികളുടെ ജീവൻ രക്ഷിക്കൂ…

കേട്ടവരിലെല്ലാം ചിരിപടർത്തി
ആ മുദ്രാവാക്യം വായുവിലലിഞ്ഞു

അന്പ്സുകി പക്ഷേ അസ്വസ്ഥയായി .
ആ മുദ്രാവാക്യം ജലവിഭവ വകുപ്പിന്റെ
യുവ എഞ്ചിനീയറായ ആ യുവതിയെ
വല്ലാതെ അലോസരപ്പെടുത്തിക്കൊണ്ടിരുന്നു
സ്റ്റേറ്റ് അതിന്റെ ജനങ്ങളെ രക്ഷിക്കാൻ
പ്രാപ്തരല്ല എന്ന തിരിച്ചറിവാണ്

ആ യുവജനങ്ങൾ ഇത്തരംഒരു പ്രതിഷേധം പ്രകടിപ്പിക്കാൻ
പ്രേരിപ്പിച്ചത്.

° ° °
ദീർഘനാളത്തെ പഠനങ്ങൾക്കും അന്വേഷണങ്ങൾക്കും ശേഷമാണ്
അന്പ്സുകി
മന്ത്രിയുമായി ഒരു കൂടിക്കാഴ്ച തരപ്പെടുത്തിയത്

ദീർഘസമയത്തെ കൂടിക്കാഴ്ച
അവസാനിപ്പിച്ച്
അവർ പുറത്തിറങ്ങിയപ്പോൾ
മന്ത്രിയുടെ മുഖത്ത്
ഗൂഡമായ ഒരു പുഞ്ചിരി തെളിഞ്ഞുവന്നു,

° ° °
ആറുദിവസമായി വലിയ പേമാരിയിൽ
നദികളെല്ലാം നിറഞ്ഞൊഴുകുകയാണ്
സംസ്ഥാന ഗവൺമെന്റ് വേണ്ട മുൻകരുതലെല്ലാം എടുത്തുകഴിഞ്ഞു,

ഡാമുകളെല്ലാം ഏതാനും മണിക്കൂറുകൾക്കകം തുറന്നുവിടും
ഇരുപത് വർഷം മുമ്പ് 2018 ലെ
പ്രളയത്തിന്റെ ഓർമ്മകൾ
പ്രായമായവരെ ഭയപ്പെടുത്തുന്നുണ്ട്

പക്ഷേ സർക്കാർ നടപ്പാക്കിയ
ആയിരം കനാൽ പദ്ധതിയിൽ
വിശ്വാസമർപ്പിച്ച് തികഞ്ഞ
ആത്മവിശ്വാസത്തിലാണ്
യുവജനങ്ങൾ

പ്രധാന ഡാമുകളുടെയെല്ലാം
താഴ് വരയിൽ നിന്നും ആരംഭിക്കുന്ന
നൂറുകണക്കിന് ഭൂഗർഭ കനാലുകളാണ്
സംസ്ഥാനത്തെ മൂന്നായി തിരിച്ച് പൂർത്തിയാക്കിയത്
ഭൂമിയുടെ ഉപരിതലത്തിൽനിന്ന് വെറും
ഒരുമീറ്റർ അടിയിലൂടെ കടന്നുപോകുന്ന
ഒന്നരമീറ്റർ പൈപ്പുകളാണ്
ഡിസ്ചാർജർ കനാലായി സജ്ജീകരിച്ചത്

പൈപ്പ് കുംഭകോണത്തിൽ പെട്ട്
മന്ത്രിസഭ താഴെവീണെങ്കിലും
തുടർന്ന് വന്ന സർക്കാരുകൾ
പദ്ധതി പൂർത്തിയാക്കുകയായിരുന്നു

പൈലറ്റ് പദ്ധതി വൻവിജയമായത്
ലോകശ്രദ്ധ ആകർഷിക്കുകയായിരുന്നു

പമ്പയിൽ നിന്നാരംഭിച്ച
കനാലുകളിലെ
ആദ്യ ജലമൊഴുക്കൽ ചരിത്രമായിത്തീർന്നു

വറ്റിവരണ്ടുകൊണ്ടിരുന്ന
ശാസ്താംകോട്ട തടാകത്തിലായിരുന്നു
കനാലുകൾ എത്തിച്ചു നിർത്തിയത്

ഒരു മഴസീസൻ അവസാനിച്ചപ്പോൾ
ശാസ്താംകോട്ട തടാകം
അതിന്റെ പുരാതന പ്രൗഡി
വീണ്ടെടുത്തു

പിന്നീടിങ്ങോട്ട്
കാർഷിക വളർച്ചകൂടി കണക്കിലെടുത്ത്
മനുഷ്യ ശരീരത്തിലെ ഞരമ്പുകൾ പോലെ
സംസ്ഥാനമൊട്ടാകെ വലുതും ചെറുതുമായ നൂറുകണക്കിന് പൈപ്പ് കനാലുകൾ കടലിലെത്തും വിധം
ക്രമീകരിക്കുകയായിരുന്നു.

° ° °
ഈ രാത്രി ജനം ശാന്തമായുറങ്ങുകയാണ്
ഡാമുകളെല്ലാം തുറന്നുവിട്ടിരിക്കുന്നു
പക്ഷേ നദികളെല്ലാം ശാന്തമായ
ഒഴുക്കു തുടരുകയാണ്
ഡിസ്ചാർജർ കനാലുകളെല്ലാം
സമയക്രമത്തിൽ തുറന്നിരിക്കുന്നു

കടലിൽനിന്ന് വെള്ളം ശേഖരിച്ച് രാജ്യം മുഴുവൻ കൃഷി നനയ്ക്കുകയും
കുടിവെള്ളമെത്തിക്കുകയും ചെയ്യുന്ന
ഇസ്രയേൽ സാങ്കേതികവിദ്യ
നമ്മുടെ ആവശ്യത്തിനുവേണ്ട പരിഷ്കാരങ്ങളോടെ ഉൾച്ചേർത്ത്
കുറ്റമറ്റ ഒരു ജലസേചനസംവിധാനവും
നടപ്പിൽ വരുത്തിയിരിക്കുന്നു

° ° ° °
ആലുവാ മണപ്പുറത്ത്
വലിയ ഒരു സമ്മേളനം നടക്കൂകയാണ്
വലിയ ജനക്കൂട്ടമാണ് അവിടെ കൂടിയിരിക്കുന്നത്

വിശിഷ്ടാതിഥികളുടെ വാഹനങ്ങൾ
നിരനിരയായി വന്നുനിന്നു

ഒരു വാഹനത്തിൽ നിന്നും ഇറങ്ങിയ
പ്രായമായ സ്ത്രീയെ കണ്ടതും
ജനങ്ങളിൽനിന്നും
ആരവമുയർന്നു

അന്പ്സുകി
അന്പ്സുകി
അന്പ്സുകി ജയ്

VG.VAASSAN.