ഭക്തി

പുലർച്ചെകുളിച്ചു തൊഴുതുവരുന്നൊരു ,
തരുണീമണിക്കെന്തു ചന്തമെന്നോ,
ഉദയസുര്യൻപോൽജ്വലിച്ചുനിൽക്കും
അവൾ , ഐശ്വര്യദേവത പോൽവിളങ്ങി.

വീടിനെ ശ്രീകോവിലാക്കുന്നവൾ,
ശാന്തിചൈതന്യവും ഏകുന്നവൾ
സന്താന പുണ്യം, സമാധാന മന്ത്രം
സുമംഗലിയായി വാണിരുന്നവൾ.

വിശ്വാസം വിശ്വാസിക്കന്യമായി ,
ഭക്തിയും യുക്തിയും ഏറ്റുമുട്ടി
തെരുവിൽ കലഹങ്ങൾ ,
കോലങ്ങൾ കത്തിക്കൽ
കോലാഹലങ്ങളാണവൾക്കു ചുറ്റും.

വെല്ലുവിളിച്ചു മുന്നേറുന്നവളിന്ന്
ആരെയോ തോൽപിക്കാനാണുപോലും
മനസ്സെന്ന കോവിലോ ശൂന്യമായി
മനഃശാന്തി വീട്ടിൽ അന്യമായി.

തൊഴുതു വരുന്നയവളെ തൊഴുവാൻ -
തോന്നിയ കാലവും പോയ്മറഞ്ഞു.
ഭക്തി വിശ്വാസവും , ആചാരവും
ഇന്ന് വഴിവക്കിലൊക്കെ വലിച്ചെറിഞ്ഞു.

ഭക്തിയും , ശുദ്ധിയും തമ്മിലടിച്ചു ,
മുക്തി കിട്ടിയാലതെന്റെ ശക്തി.
സ്ത്രീശക്തി,സ്ത്രീശക്തി, സ്ത്രീശക്തിയെന്ന്
ഒളിഞ്ഞിരുന്നാരോ പറയുന്നുണ്ടേ..
ചിലരൊളികണ്ണാലെ നോക്കുന്നുണ്ടേ.. !!!

Jolly Varghese