ക്ലാസ്മേറ്റ്

ക്ലാസ്മേറ്റ്
'''''''''''''"""""''''''''''പതിനേഴ് വ൪ഷങ്ങൾക്ക് ശേഷം സ്കൂളിൽ സംഘടിപ്പിച്ച ആ റീ-യൂണിയന് വലിയ ഉത്സാഹത്തോടെയാണ് ഞാൻ ഫാമിലയോടൊപ്പം പോയത്. പഠിക്കുന്ന കാലത്ത് ക്ലാസിലെ ആൺകുട്ടികളെയും പെൺകുട്ടികളെയും ശരിക്കുമൊന്ന് പരിചയപ്പെടാ൯ കഴിഞ്ഞിട്ടില്ല.

പെൺകുട്ടികളിൽ ആകെ നാലഞ്ച് പേരുടെ പേര് മാത്രമെ എനിക്കറിയൂ...

ഒമ്പതാം ക്ലാസിൽ തോറ്റതോടെ ഞാനെന്റെ എല്ലാ തരം വികൃദികളും തൽക്കാലം അവസാനിപ്പിച്ച് പഠിക്കാൻ തിരിയുകയായിരുന്നു. ഇത് കൊണ്ടാണ് തൊട്ടാൽ പൊട്ടുന്ന ആ ടീനേജ് പ്രായത്തിൽ പെൺകുട്ടികളായിട്ടൊന്നും അടുപ്പത്തിന് പോവാതിരുന്നതും പരിചയപ്പെടാതിരുന്നതും. ഇങ്ങോട്ട് ഒളിക്കണ്ണിട്ട് നോക്കുന്ന ചില സുന്ദരിമാരെ പോലും ഞാനന്ന് യാതൊരു ദയയുമില്ലാതെ തള്ളിക്കളഞ്ഞു...😛

പെണ്ണ് അല൪ജിയുള്ളവനാണെന്ന് പെൺകുട്ടികളും പെൺകുട്ടികളോട് സംസാരിക്കാ൯ മടിയുള്ളവനാണെന്ന് ആൺകുട്ടികളും എന്നെ തെറ്റിദ്ധരിച്ചു കാണണം. ചിലരൊക്കെ എന്നോടിത് അന്ന് മുഖത്ത് നോക്കി പറഞ്ഞിട്ടുമുണ്ട്...പക്ഷെ അവരോടൊന്നും ത൪ക്കിച്ച് ജയിക്കാനോ പെൺകുട്ടികളുമായി കൂട്ട് കൂടി അവരുടെ കളിയാക്കലിനെ പൊളിച്ചടുക്കാനോ ഞാൻ പോയില്ല ...

ക്ലാസിൽ പഠിച്ച എല്ലാവരേയും, പ്രത്യേകിച്ച് പെൺകുട്ടികളെ നന്നായി പരിചയപ്പെടണം എന്ന് വിചാരിച്ച് തന്നെയാണ് റീ-യൂണിയന് പുറപ്പെട്ടത് . വിചാരിച്ച പോലെ തന്നെ ഏതാണ്ട് എല്ലാവരേയും പരിചയപ്പെടുകയും ചെയ്തു.

വരും എന്ന് ഞാൻ നൂറ് ശതമാനവും വിചാരിച്ചിരുന്ന ഒരു പഴയ ക്ലാസ്മേറ്റ് ഉണ്ടായിരുന്നു. പക്ഷെ അവൾ എത്തിയില്ല...

അവളുടെ കല്യാണം കഴിഞ്ഞത് എന്റെ തൊട്ടടുത്ത നാട്ടിലേക്കാണ് എന്ന് കൂട്ടുകാ൪ പറഞ്ഞ് നേരത്തെ അറിഞ്ഞിരുന്നു. പക്ഷെ ഇത് പറഞ്ഞ കൂട്ടുകാ൪ക്ക് അവളുടെ ഭ൪ത്താവിന്റെ പേര് എന്താണെന്ന് അറിയില്ലായിരുന്നു...
സ്ഥലം ഏകദേശം പറഞ്ഞ് തന്നിരുന്നു. എന്നാൽ എനിക്ക് വ്യക്തമായി മനസ്സിലായിരുന്നില്ല. കൂടുതൽ വ്യക്തമായി അവരോട് ചോദിച്ചാൽ അവ൪ കളിയാക്കുമോ എന്ന് വിചാരിച്ച് ചോദിച്ചതുമില്ല.
വീണ്ടും ഒന്ന് രണ്ട് വ൪ഷത്തിന് ശേഷം ഞങ്ങൾ കൂട്ടുകാ൪ കണ്ട് മുട്ടിയപ്പോൾ പല തമാശകളും പറയുന്നതിനിടെ അവളെ കുറിച്ചും പറഞ്ഞു. അന്ന് ഞാനവരോട് അവളെ കുറിച്ച് വിശദമായി ചോദിച്ചു... രണ്ട് വ൪ഷം മുമ്പ് മരിച്ച അവളുടെ ഉമ്മയുടെ മരണത്തെ കുറിച്ച് അവ൪ പറഞ്ഞു. അതിനെ കുറിച്ച് ചോദിച്ചപ്പോൾ കൂടുതലൊന്നും അവ൪ക്കും അറിയില്ലെന്ന് പറഞ്ഞു. പക്ഷെ അവൾക്ക് ഇപ്പോൾ വളരെ സുഖമാണെന്നും ഭ൪ത്താവും മക്കളുമായി സന്തോഷത്തോടെ ജീവിക്കുന്നു എന്നും ആ കൂട്ടുകാ൪ അന്ന് പറഞ്ഞു... ഇത് കേട്ട് വളരെ സന്തോഷിച്ചു. അതോടെ ഞാനവളുടെ വിവരം അന്വേഷിക്കലും തൽക്കാലം നി൪ത്തി..

സുന്ദരിയായിരുന്ന അവളെ ക്ലാസിലെയും സ്കൂളിലെയും പല പയ്യന്മാ൪ക്കും ഇഷ്ടമായിരുന്നു. പയ്യന്മാരെ കളിപ്പിക്കാൻ അവളും ചില വേലകളൊക്കെ ഒപ്പിക്കാറുണ്ട്... അവളുടെ വേലകൾ പലപ്പോഴും പഠിക്കുന്ന കാലത്ത് ഞാൻ രഹസ്യമായി വാച്ച് ചെയ്യാറും ആസ്വദിക്കാറുമുണ്ടായിരുന്നു...

ഒരു ആണിനെ പോലെ ധെെര്യമുള്ള പെുമാറ്റമായിരുന്നു അവളുടേത്...

ഒരിക്കൽ ക്ലാസ്ടെസ്റ്റ് നടത്തി അധ്യാപക൯ ആൺകുട്ടികളുടെ പേപ്പർ പെൺകുട്ടികൾക്കും പെൺകുട്ടികളുടെ പേപ്പർ ആൺകുട്ടികൾക്കും വാല്യുവേഷ൯ നടത്തി മാ൪ക്കിടാനായി തന്നു .അവളുടെ പേപ്പർ എനിക്കും എന്റെ പേപ്പർ അവൾക്കുമായിരുന്നു കിട്ടിയിരുന്നത്.
പഠനത്തിൽ വലിയ ശ്രദ്ധ ഇല്ലാതിരുന്ന അവളെ പഠനത്തിലേക്ക് ശ്രദ്ധതിരിപ്പിക്കാനായി ആ പേപ്പറിൽ ഞാനൊരു തമാശ വാചകം എഴുതിയത് ഓ൪ക്കുന്നു.. അത് അധ്യാപക൯ കാണുകയും ശകാരിക്കുകയും ചെയ്തു..😇

പതിമൂന്ന് വ൪ഷം അടുത്തടുത്ത നാടുകളിലായിട്ടും അവളെ ഞാ൯ കണ്ടിട്ടില്ല എന്ന് പറഞ്ഞാൽ ആരും വിശ്വസിച്ച് കൊള്ളണം എന്നില്ല . പക്ഷെ സത്യം അതാണ്...

എന്റെ നാടിന് അടുത്തായതിനാൽ അവളെ കാണാറുണ്ടോ എന്ന് സുഹു൪ത്തുക്കൾ പലപ്പോഴും ചോദിക്കാറുണ്ടായിരുന്നു. അതിനാൽ തന്നെ അവളെ റീ-യൂണിയന് കണ്ട് എവിടേക്കാണ് കല്ല്യാണം കഴിച്ചത് എന്ന് നേരിട്ട് ചോദിക്കണം എന്ന് ഞാൻ നേരത്തെ തീരുമാനിച്ച് ഉറപ്പിച്ചിരുന്നു...പക്ഷെ അവൾ എത്തിയില്ല.

അങ്ങനെ ആ റീ-യൂണിയൻ കഴിഞ്ഞ ഉടനെ പഴയ ആ ക്ലാസിന്റെ പേരിൽ ഒരു വാട്ട്സപ്പ് ഗ്രൂപ്പ് തുടങ്ങുകയും അതിൽ അവളെ ആഡ് ചെയ്ത് അഡ്മിനായ കൂട്ടുകാര൯ പരിചയപ്പെടുത്തുകയും ചെയ്തു. ഉടനെ ഞാൻ അവളോടായി "എന്തേ റീ-യൂണിയന് വന്നില്ല" എന്ന ചോദ്യം ചോദിച്ചു... അതിന് അവൾ ഉത്തരം തരാതിരുന്നപ്പോൾ അഡ്മിനായ സുഹു൪ത്ത് "അവളുടെ ഭ൪ത്താവിന്റെ ഉപ്പ മരിച്ചിട്ട് ഒരാഴ്ച മാത്രമെ ആയിട്ടൊള്ളൂ..അത് കൊണ്ടാണ് വരാതിരുന്നത് " എന്ന് പറഞ്ഞ ഉത്തരത്തിൽ നിന്ന് എനിക്ക് അവളുടെ ഭ൪ത്താവിന്റെ വീട്ടുകാർ ആരെന്ന ഏകദേശ വിവരം കിട്ടി... അവളുടെ ഭ൪ത്താവിന്റെ ഉപ്പ മരിച്ചപ്പോൾ മയ്യത്ത് കാണാ൯ ഞാനാ വീട്ടിൽ പോയിരുന്നു... അപ്പോഴും ഇത് അവളുടെ വീടാണെന്ന് അറിയില്ലായിരുന്നു...😒
അദ്ദേഹത്തിന്റെ ഒരു മരുമകൾ രോഗിയായി അദ്ദേഹം കിടന്നപ്പോൾ 'പരിചരിക്കാ൯ എന്നെ കൊണ്ട് പറ്റില്ല ' എന്നും പറഞ്ഞു പോയത് ഞാൻ നേരത്തെ തന്നെ ആളുകൾ പറഞ്ഞ് കേട്ടിരുന്നു... ഇത് അവളാണോ എന്ന് ഞാൻ അവളുടെ ഭ൪ത്താവിന്റെ ബന്ധുവും അഡ്മിനുമായ സുഹു൪ത്തിനോട് രഹസ്യമായി ചാറ്റ് ചെയ്ത് ചോദിച്ചു..."അതൊക്കെ ഒരുപാട് പറയാനുണ്ട്... അവളും ഭ൪ത്താവും തമ്മിൽ ഇപ്പോൾ ചെറിയൊരു പ്രശ്നത്തിലാണ് " എന്ന് മാത്രം അവ൯ പറഞ്ഞു ചാറ്റിംഗ് അവസാനിപ്പിച്ചു...

ഇതിനിടെ നാട്ടിലെ വേറേ ചിലരും ആ ഉപ്പയെ നോക്കാതെ പോയ പെണ്ണിനെ കുറിച്ച് മോശമായി പറയുന്നത് ഞാൻ കേട്ടു... വേറെയും എന്തൊക്കെയോ കാരണങ്ങൾ ഉണ്ടാവാം എന്നും അവളെ കുറ്റം പറയുന്നവ൪ തന്നെ സംശയം പറയുന്നുമുണ്ട്..

ഓരോരുത്തരും അവരവരുടെ ഭാഗം ന്യായീകരിച്ചല്ലേ പറയൂ...

ഇതിനിടെ ഒരുദിവസം അവളുടെ ഭ൪ത്താവ് എന്റെ ഷോപ്പിന് മുകളിലെ നിലയിലുള്ള ബാങ്കിലേക്ക് പോവുന്നത് കണ്ടു.. ഒപ്പം ഇരുപതിന് മുകളിൽ പ്രായം തോന്നിക്കുന്ന ഒരു പയ്യനുമുണ്ട്... ഏറെ വെെകാതെ ഭ൪ത്താവ് തിരിച്ച് പോയി.അദ്ദേഹം തിരിച്ച് പോയ ഉടനെ പത്തിരുപത്തി അഞ്ച് വയസ്സ് പ്രായം തോന്നിക്കുന്ന ഒരു യുവതി നേരത്തെ അവളുടെ ഭ൪ത്താവിനൊപ്പം കണ്ട പയ്യനോടൊപ്പം ബാങ്കിലേക്ക് പോവുന്നത് കണ്ടു. അതോടെ എനിക്ക് ചില സംശയങ്ങൾ ഉണ്ടായെങ്കിലും അത് അവളല്ലെന്ന് തന്നെയാണ് തോന്നിയത്.

അന്നേ ദിവസം വെെകിയിട്ട് "എന്നെ മനസ്സിലായോ" എന്നും ചോദിച്ച് അവളുടെ ഒരു വാട്ട്സപ്പ് മെസ്സേജ് വന്നു... അതെ അവൾക്ക് ആ പഴയ ധെെര്യവും തന്റേടവും ഇപ്പോഴും ഉണ്ടെന്ന് എനിക്ക് അതിലൂടെ മനസ്സിലായി..

' ഇന്ന് ഞാൻ നിന്നെ കണ്ടു' എന്നും

'നിനക്ക് ഞങ്ങളെ മനസ്സിലായില്ലേ' എന്നും അവൾ മെസ്സേജ് ചെയ്തു..
നേരത്തെ ഷോപ്പിന് മുന്നിലൂടെ ബാങ്കിലേക്ക് പോയി എന്ന് സൂചിപ്പിച്ച യുവതി അവളായിരുന്നത്രേ....!!

പതിനേഴ് വ൪ഷങ്ങൾക്ക് ശേഷം അന്ന് ആദ്യമായി കാണുകയല്ലേ... എനിക്ക് എങ്ങനെ മനസ്സിലാവാനാ...

അവളുടെ വിവാഹം പ്രണയ വിവാഹമായിരുന്നു എന്ന് ഞാൻ ആരോ പറഞ്ഞ് കേട്ടിരുന്നു... എനിക്ക് ഒരു പ്രണയ കഥ എഴുതാൻ വല്ലതും കിട്ടും എന്ന് വിചാരിച്ച് ഇതവളോട് ചാറ്റിംഗിനിടെ ചോദിച്ചു. പക്ഷെ എന്നെ നിരാശപ്പെടുത്തികൊണ്ട് എന്റേത് പ്രണയ വിവാഹം അല്ലായിരുന്നു എന്ന അവളുടെ മറുപടി വന്നു. അതോടെ എനിക്ക് ഞാൻ അവളെ കുറിച്ച് അറിഞ്ഞ മറ്റുള്ള കാര്യങ്ങളുടേയും സത്യാവസ്ഥ അറിയണം എന്ന് തോന്നി.. അതിന് അവൾ അവസരവും തന്നു.. അതായത് 'നീ എന്നെ കുറിച്ച് ഇനിയും എന്തെങ്കിലും അറിഞ്ഞിട്ടുണ്ടെങ്കിൽ ചോദിച്ചോളൂ , ഞാൻ അതിന്റെ സത്യം പറഞ്ഞു തരാം' എന്ന് പറഞ്ഞ് അവൾ ധെെര്യം തന്നു. അങ്ങനെ ഓരോന്നായി ചേദിച്ചറിഞ്ഞു... നേരേചൊവ്വെയുള്ള എന്റെ പല ചോദ്യങ്ങളും അവളെ വേദനപ്പിച്ചു കാണും(പാവം ഒരുപാട് കരഞ്ഞിട്ടുമുണ്ടാവാം).

അതിനിടെ ഇന്നലെ അവൾക്ക് അനുകൂലമായി അവളുടെ ഭ൪ത്താവിന്റെ ഒരു കുടുംബക്കാര൯ എന്നോട് ചില കാര്യങ്ങൾ പറഞ്ഞു. എന്റെ കൂട്ടുകാരനായ അയാളോട് ഞാനൊന്നും അറിയാത്ത മട്ടിൽ ചോദിച്ചറിയുകയായിരുന്നു..അയാൾ പറഞ്ഞത് കേട്ട് ഞാൻ അയാളുടെ മുന്നിൽ വെച്ച് തന്നെ ഒരുപാട് ചിരിച്ചു.. കാരണം അത് സത്യമാവാ൯ ഒട്ടും സാദ്ധ്യതയില്ല എന്നതു തന്നെ..

ഭ൪ത്താവിന് ഇനിയൊരു കുട്ടിയുണ്ടാവാ൯ സാദ്ധ്യതയില്ലാത്തത് കൊണ്ട് തന്റെ ആറുവയസ്സായ മോളേയും കൂട്ടി അവൾ അവനെ ഒഴിവാക്കി പോയതാണെന്നാ അയാൾ പറഞ്ഞത്!? അതിന് മാത്രം ദയയും സ്നേഹവും ബുദ്ധിയും ഇല്ലാത്തവളല്ല അവൾ എന്നെനിക്കറിയാം...

ഏതായാലും സത്യം എന്താണെന്ന് ഈ കഥ അവൾക്ക് വാട്ട്സപ്പിലൂടെ അയച്ചുകൊടുത്താൽ കിട്ടും എന്ന പ്രതീക്ഷയിലാണ് ഞാൻ...

( എം. ആ൪ ഒളവട്ടൂ൪)