#ആദ്യരാത്രിയുടെ #പിറ്റേന്ന്

#ആദ്യരാത്രിയുടെ #പിറ്റേന്ന്
*******************
ഒരു തുലാമാസം ....
തിമിർത്തു പെയ്ത മഴയോടൊപ്പം എന്റെ കൈ പിടിച്ചു കൊണ്ടവൾ എന്റെ വീട്ടിലേക്കു വലതുകാൽ വച്ചു ....

പ്രണയം നിറമേകിയ മൂന്നു വർഷങ്ങൾ ...
സ്വപ്ന സാഫല്യം പോലെയൊടുവിൽ മംഗല്യം .......

കണ്ണുകളിൽ കണ്മഷി കൊണ്ടു കവിതയെഴുതിയവൾ ........
എന്റെ #പാറു ....

#വിവാഹനിശ്ചയം ....
*********
ആദ്യമായി കാണുന്നതു പോലെ അന്നവൾ നാണത്തോടെ എന്റെ അരികിലിരുന്നു ....
വിരലുകളിൽ മോതിരമണിയുമ്പോ അവളുടെ മുഖത്ത് വിരിഞ്ഞ പുഞ്ചിരി നിലാവിനേക്കാൾ മനോഹരമായിരുന്നു ....

#വിവാഹം ...
******
തിക്കും തിരക്കുമായി തുലാമാസ പൂജകൾ ....
അമ്പലനടയിൽ അവളുടെ കഴുത്തിലേക്ക് താലി ചാർത്തുമ്പോ ഒരനുഗ്രഹം പോലെ പുറത്തൊരു മഴയുടെ സാന്നിധ്യം ഉണ്ടായിരുന്നു ...
കുങ്കുമം അവളുടെ സിന്ദൂരരേഖയിൽ നിറം ചാർത്തുമ്പോ ..
സന്തോഷം കൊണ്ടാവണം രണ്ടു തുള്ളി കണ്ണുനീർ അവളുടെ കവിളുകളെ നനയിച്ചു ......

#ആദ്യരാത്രി ....
******
പതിവു സിനിമ കഥകളിലെ പോലെ പാലു കുടിച്ചായിരുന്നില്ല തുടക്കം ..
ഒരു വെറൈറ്റിയ്ക്ക് വേണ്ടി കട്ടൻ ചായ കുടിച്ചു കൊണ്ട് ജീവിതം ആരംഭിച്ചു ....
പുറത്തു തുലാവർഷം തകർക്കുമ്പോ ..എന്റെ നെഞ്ചോടു ചേർന്നവൾ ......
സ്‌നേഹം ...

ഇനിയാണ് കഥ ആരംഭിക്കുന്നത് ....

പിറ്റേന്നു രാവിലെ എട്ടു മണി ...
**********************
രാവിലെ എഴുന്നേറ്റു പതിവു കാര്യങ്ങളൊക്കെ കഴിഞ്ഞു ഞാൻ മുറ്റത്തേക്ക് ഇറങ്ങി ...
അതാ വരുന്നു അളിയൻ ...അല്ല ..
#അളിയൻ തെണ്ടി ....

"എങ്ങനെയുണ്ടായിരുന്നു "?

അവന്റെ ചോദ്യം കേട്ടാൽ ഞാനാണ് ലോകത്തിൽ ആദ്യം കല്യാണം കഴിച്ചതെന്ന് തോന്നും ...

"പൊന്നളിയാ ഞാനിന്നലെ ലാലേട്ടന്റെ പുതിയ സിനിമയ്ക്കല്ലലോ കയറിയത് എങ്ങനെ ഉണ്ടെന്നു ചോദിക്കാൻ ...."

ഒരു വിധം അവിടെ നിന്നു തടിയൂരി ഉമ്മറത്ത് വന്നിരുന്നു പേപ്പർ നോക്കി ...

പന്തലുകാരും രാമേട്ടനും ഉമ്മറിക്കയും ജാഫ്‌റും ...അവിടെ നിന്നു എന്നെ നോക്കി എന്തൊക്കെയൊ പറഞ്ഞു ചിരിക്കുന്നുണ്ട് ......

ദൈവമേ ....

അതാ വരുന്നു എന്റെ നായിക ...കയ്യിലൊരു ഗ്ലാസ്സുമുണ്ട് ...
പൊതുവെ രാവിലെ ചായ പതിവാണ് ....
അമ്മ ഇന്നു മുതൽ അതവളെ ഏല്പിച്ചു കാണും ....

സന്തോഷത്തോടെ വാങ്ങി ...

"ഇതെന്താ #പാറു ...ഹോർലിക്‌സോ ...ഞാൻ ഇതൊന്നും കുടിക്കാറില്ലലോ ...
ചായയാണ് പതിവ് ......"

"അത് ആദിയേട്ടാ ....ഏടത്തി പറഞ്ഞു ഇന്നു ഇതു കൊണ്ടു കൊടുക്കാൻ ....."

"ദൈവമേ ഞാനെന്താ ഇന്നലെ പറമ്പു കിളയ്ക്കാനോ മറ്റൊ പോയിരുന്നോ ....
ഇവരെല്ലാവരും കൂടി ..എന്നേ നാണം കെടുത്തിയേ അടങ്ങൂ ...."

രാമേട്ടന്റെ കമന്റും ഉടനെ വന്നു ...

"എടാ വിരുന്നിനു വരുമ്പോ ചായയ്ക്ക് പകരം ഹോർലിക്‌സ്‌ മതിയോ ...."

അല്ല ...ഞാനറിയാൻ വയ്യാത്തോണ്ട് ചോദിക്കുവാ .....
എന്തൊരു പരീക്ഷണമാണ് ....

തലേന്ന് മഴ തകർത്തപ്പോ കറന്റും പോയി
ദേ ഇപ്പോ എന്റെ കാര്യവും അതേപോലെയായി .....

പ്രേമിച്ച പെണ്ണിനെത്തന്നെ കെട്ടുന്നതും
ആറെണ്ണം അടിച്ചു ലവലായി നടക്കുന്നതും
അഞ്ചെട്ടു പേരെ ഒറ്റയ്ക്ക് ഇടിച്ചു നിലംപരിശാക്കുന്നതും ഒന്നുമല്ല
ഹീറോയിസം ...

കല്യാണം കഴിഞ്ഞു ..പിറ്റേദിവസം .ബന്ധുക്കളുടെയും വീട്ടുകാരുടെയും നാട്ടുകാരുടെയും കൂട്ടുകാരുടെയും മുമ്പിലൂടെ കൂസലില്ലാതെ നടക്കുന്നതാണ് ..ഹീറോയിസം ...
നല്ല കട്ട ഹീറോയിസം ......
#സ്‌നേഹത്തോടെ #ആദി