കല്യാണം ഒരു കളിയല്ല

"സേഫ്റ്റി ഒന്നും വേണ്ട ചെക്കാ, നീ ചേച്ചിയുടെ അടുത്തേക്ക് ഇങ്ങുവാ"

ചേച്ചിയുടെ പ്രോത്സാഹനം രമേശനിൽ ആവേശമുണർത്തി. അവനും ചേച്ചിയും ഒരു നിയന്ത്രണവുമില്ലാതെ പരസ്പരം ലയിച്ചു ചേര്‍ന്നു. അവന്‍ കരുതിയിരുന്നതിനേക്കാൾ സംതൃപ്തി ചേച്ചി അവന് നല്‍കി. ചേച്ചിയോട് യാത്ര പറഞ്ഞ് ഇറങ്ങാന്‍ നേരം പറഞ്ഞ് ഉറപ്പിച്ചതിനേക്കാൾ അഞ്ഞൂറു രൂപ കൂടുതല്‍ കൊടുത്ത് ഇനിയും വരാം എന്ന് ഓർമ്മിപ്പിച്ച് അവന്‍ ഇറങ്ങി.

രമേശന്റെ കല്യാണമാണ് അടുത്ത ആഴ്ച. രമേശനാണെങ്കിൽ ഈ കാര്യത്തെ കുറിച്ച് ഒരു നിശ്ചയവും ഇല്ലതാനും. അങ്ങനെയാണ് അടുത്ത കൂട്ടുകാരന്‍ വഴി ശരീരം വിറ്റ് ജീവിക്കുന്ന ആ ചേച്ചിയുടെ അടുത്തേക്ക് പോകുന്നത്, കാര്യങ്ങള്‍ എല്ലാം ഒന്ന് വിശദമായി മനസ്സിലാക്കാന്‍.

ചേച്ചിയുടെ അടുത്തേക്ക് തന്നെ പറഞ്ഞയച്ച കൂട്ടുകാരനോട് അവന്‍ ആയിരം വട്ടം നന്ദി പറഞ്ഞു

" എടാ, നീയാണെടാ എന്റെ ആത്മാർത്ഥ സുഹൃത്ത്. ചേച്ചിയുടെ അടുത്ത് പോയോണ്ട് കാര്യങ്ങള്‍ എല്ലാം നല്ല വെടുപ്പായി മനസ്സിലാക്കാന്‍ പറ്റി. ഇല്ലെങ്കില്‍ ആദ്യരാത്രി ഭാര്യയുടെ മുന്നില്‍ നാണം കെട്ടേനേ"

കൂട്ടുകാര്‍ തമ്മില്‍ പരസ്പരം കെട്ടിപ്പിടിച്ച് സൗഹൃദത്തിന്റെ ബന്ധം ഒന്നുകൂടി ശക്തമാക്കി.

പക്ഷെ അതേ സമയം തന്റെ ശരീരത്തിലെ എച്ച് ഐ വി വൈറസ് മറ്റൊരാളിലേക്ക് പകര്‍ന്നു നല്‍കിയതിന്റെ സന്തോഷത്തിൽ ആ ചേച്ചി അടുത്ത ഇരയേയും കാത്തിരിക്കുകയായിരുന്നു.

ഈ കാര്യങ്ങള്‍ ഒന്നും അറിയാതെ തന്റെ തന്റെ ഭാവി ഭര്‍ത്താവിനൊപ്പമുള്ള സുന്ദരമായ ജീവിതം സ്വപ്നം കണ്ട് രമേശന്റെ പ്രതിശ്രുത വധു കിടന്നുറങ്ങി.

സ്പെഷ്യല്‍ നോട്ട്:‍ ഒരു വാഹനം വാങ്ങിക്കുമ്പോൾ അതിന്റെ പേപ്പറും കാര്യങ്ങളുമെല്ലാം ശരിയായി പരിശോധിച്ച് ഉറപ്പ് വരുത്തിയതിന് ശേഷം മാത്രമേ അത് നമ്മള്‍ മേടിക്കാറുള്ളൂ. ഒരു ബേക്കറിയിൽ കയറി പലഹാരങ്ങൾ മേടിക്കുമ്പോൾ നല്ലതാണ് എന്ന് ഉറപ്പ് വരുത്തിയതിന് ശേഷമേ നമ്മള്‍ അത് വാങ്ങിക്കാറുള്ളൂ. എന്തിനേറെ പറയുന്നു കാലിലിടുന്ന ചെരുപ്പ് വരെ നമ്മള്‍ ക്വാളിറ്റി നോക്കി മേടിക്കുമ്പോൾ എന്തുകൊണ്ട് ഒരു ആയുസ് മുഴുവന്‍ രണ്ട് ശരീരവും ഒരു മനസ്സുമായി ജീവിക്കേണ്ട വിവാഹം എന്ന മഹാ പുണ്യത്തിന് മുന്നേ ആണിന്റെയും പെണ്ണിന്റെയും എച്ച് ഐ വി ടെസ്റ്റ് റിപ്പോര്‍ട്ട് പരസ്പരം കൈമാണം എന്ന നിയമം വന്നുകൂടാ. വീട്ടിലെ കാരണവൻമാർ മേശക്ക് ചുറ്റും കൂടിയിരുന്ന് ചര്‍ച്ച ചെയ്യേണ്ടത് സ്ത്രീധനത്തെ കുറിച്ചായിരിക്കരുത്, മറിച്ച് ഒരു തലമുറയെ തന്നെ നശിപ്പിക്കാൻ ശേഷിയുള്ള എച്ച് ഐ വി പോലുള്ള മാരക രോഗങ്ങള്‍ ഒരു തെറ്റും ചെയ്യാതെ, കല്യാണം കഴിച്ചു എന്ന ഒരേയൊരു കാരണത്താൽ വന്നു ചേരുന്ന പല ജീവനുകളെയും സംരക്ഷിക്കുന്നതിനെ കുറിച്ചായിരിക്കണം.

സിനാസ് സിനു.