അനന്താനന്ദാന്വേഷണം . 7

Read all parts in Nallezhuth Android App---

രാവിലെ ഗേറ്റ് തുറക്കുന്ന ശബ്ദം ചെവിയോർത്ത് നിൽക്കുകയായിരുന്നു
ജിൻസി,
അടുക്കളയിലെ ജനാലയിലൂടെ
കണ്ണിമ വെട്ടാതെ അവൾ നോക്കി നിന്നു.
ഏറ്റുമാനൂരപ്പനെ തൊഴുത് മടങ്ങിയെത്തിയ ജനിജൻ ഗേറ്റ് തുറന്നു.

കസവില്ലാത്ത കോടിമുണ്ടും വേഷ്ടിയും
മേൽമുണ്ട് കോണാകൃതിയിൽ
മടക്കി പുതച്ചിരിക്കുന്നു ,
നെഞ്ചിലെയും കൈകളിലേയും ചന്ദന.വരകൾ വ്യക്തമായി കാണാം
നെറ്റിയിൽ ചന്ദനക്കുറി, തീർത്ഥ പുഷ്പങ്ങൾ ഒന്നുരണ്ടെണ്ണം മുടിയിൽ
ശാന്തമായ നടപ്പും മുഖഭാവവും.

ഒരിക്കലും സ്വന്തമാക്കാനാവില്ല എന്നറിഞ്ഞിട്ടും മോഹിക്കുന്ന മനസ്സിനെ
അവൾ വെറുക്കാൻ തുടങ്ങി,
പപ്പയുടെയും ജനിയുടെയും മുന്നിൽ ചെല്ലാൻ അവൾക്ക് വിഷമം തോന്നി,
തന്റെ മുഖം വായിച്ചെടുത്താലോ…

ഒരു വിധം ചായ വരാന്തയിലെത്തിച്ച്
വേഗം തിരിച്ചു പോന്നു,
പത്രം എടുക്കുന്ന ജോലി
ജനി ഏറ്റെടുത്തിരിക്കുന്നു
അതിനാൽ മുൻവശത്ത് എത്തേണ്ട
ആവശ്യങ്ങൾ ഒഴിവായിക്കിട്ടി.

ഉണ്ണീ
ക്ഷേത്രദർശനവും ധ്യാനവുമൊക്കെ
നന്നായിരിക്കുന്നോ
ഉവ്വ്
ജനി മറുപടി പറഞ്ഞു ,
ഉണ്ണിക്ക് പരമാവധി ഊർജ്ജം സംഭരിക്കേണ്ട കാലയളവാണിത്
ഭഗവാന്റെ അനുഗ്രഹ തരംഗങ്ങൾ
നൂറിൽ നൂറ്റൊന്ന് ശതമാനവും സ്വീകരിച്ചു വേണം മടങ്ങാൻ .
ഉവ്വ്..
മന്ത്രാക്ഷരങ്ങളാൽ പ്രകമ്പനം കൊള്ളുന്ന
ഭഗവത് വിഗ്രഹത്തിൽ നിന്നും
ഉതിരുന്ന അനുഗ്രഹ തരംഗങ്ങൾ
ഒന്നൊഴിയാതെ നെഞ്ചിൽ പതിയണം
നിശ്ചിത അകലം സ്വീകരിച്ചു വലത്ത് ഒഴിഞ്ഞ് നിന്ന് വേണം ദർശന പുണ്യം നേടാൻ.
ഉവ്വ്…
നവപാഷാണങ്ങൾ ഔഷധമാകുന്ന
അത്ഭുതം ലോകത്തിന് നൽകിയവരാണ്
കേരളത്തിലെ ക്ഷേത്ര പ്രതിഷ്ഠാ ആചാര്യന്മാർ
നവപാഷാണ പ്രതിഷ്ഠയിലൂടെ
ഒഴുകിയെത്തുന്ന പുണ്യതീർത്ഥം
രോഗനാശിനിയുമാണ്,
ഉവ്വ് …
കാണപ്പെടുന്ന രതിശില്പങ്ങൾ
മനുഷ്യൻ
സൃഷ്ടിയുടെ രചനാ സങ്കേതങ്ങളിലൂടെ
നിർവ്വാണമടയേണ്ടതിന്റെ സൂത്രവാക്യങ്ങളാണ്
സന്യാസിയുടെ കഠിനതപസ്സിന്നവസാനം
നേടിയെടുക്കുന്ന നിർവ്വാണ മഹത്വത്തിന്റെ അംശം
സാധാരണക്കാരായ മനുഷ്യർക്ക്
പങ്കിട്ടു നൽകിയ അത്ഭുത ക്രിയയാണത്.
ഉവ്വ്…

ഉണ്ണിയോട് ഇതെല്ലാം പറയുന്നത്
തപസ്സിന്റെ ചൈതന്യം വിടാതെ തന്നെ,
ഒരു ദാമ്പത്യം ഉടനെ ആരംഭിക്കണം
എന്നതിനാലാണ് .
പറയൂ
ഉണ്ണിയുടെ മനസ്സിലുള്ളത്
അറിയാവുന്ന കുട്ടിയാകുമ്പോൾ
വേഗം നമുക്ക് കാര്യങ്ങൾ നടത്താം.
ഉണ്ണി പറയൂ ?
പത്ത് പന്ത്രണ്ടു വയസ്സിൽ തന്നെ
വേദങ്ങളും പൂജാവിധികളുമായി
അച്ഛൻ
നേരിട്ടും അല്ലാതെയും
സന്യാസം എന്നൊരു ചിന്ത എന്നോടടുപ്പിച്ചു നിർത്താൻ ശ്രമിച്ചിരുന്നു.

അതുകൊണ്ട്
പെൺകുട്ടികളുമായി സൗഹൃദവും
പരിചയവുമൊക്കെ ഉണ്ടെങ്കിലും
അങ്ങനെയൊരിഷ്ടം ആരുമായും
ഉണ്ടായിട്ടില്ല.
സുമുഖനായ ജനിയിൽ നിന്നും
ഇങ്ങനെയൊരു മറുപടി
തോമസ് ജോൺ പ്രതീക്ഷിച്ചിരുന്നില്ല .
സംഭാഷണം അവസാനിപ്പിച്ച്
അദ്ദേഹം തൊടിയിലേക്കിറങ്ങി.

ഉച്ചഭക്ഷണത്തിന് ഇരുന്നപ്പോൾ
സംസാരത്തിനിടെ
തോമസ് ജോൺ പറഞ്ഞു
മനസ്സിനൊരസ്വസ്ഥത ഉണ്ട്‌
നമുക്ക് വൈകിട്ട്
അതിരമ്പുഴ പള്ളി വരെ ഒന്നുപോകാം
എനിക്കൊന്നു പ്രാർത്ഥിക്കാനുണ്ട് ,

ഇന്നവിടെ പിണ്ടികുത്തി പെരുന്നാളാണ്
മനോഹരമായ ഒരു കാഴ്ചയും
അനുഭവവുമാണത്
ഉണ്ണി കേട്ടിട്ടുണ്ടോ

ഇല്ല..

ജിൻസിയും അങ്ങനെയൊരു പെരുന്നാളിനെക്കുറിച്ച് കേട്ടിട്ടില്ലായിരുന്നു,

രാത്രി
പെരുന്നാൾ സ്ഥലത്ത് ഏത്തിയ
ജനിജൻ
അത്ഭുതം വിടർന്ന കണ്ണുകളാൽ
ആ ദൃശ്യം നോക്കി നിന്നു ,
പപ്പയും മോളും നേരേ
പള്ളിയകത്തേക്ക് പോയതിനാൽ
ജനി അവിടമാകെ ചുറ്റിനടന്നു.

നൂറോളം വരുന്ന വാഴപ്പിണ്ടികൾ നിറയെ
പ്രത്യേക ആകൃതികളിൽ ചുറ്റിനിൽക്കുന്ന
മൺചിരാത് ദീപങ്ങൾ
നാലു വശങ്ങളിൽ നിന്ന് കാണുമ്പോഴും
നാലുതരം ദൃശ്യ ഭംഗി നൽകും വിധം
ഒതുങ്ങിയും വിടർന്നുമായി
നിരയൊപ്പിച്ച് ആണിനിരത്തിയ ദീപക്കാഴ്ച
നാലു ചുറ്റും നടന്നു കണ്ടു
കോണൊപ്പിച്ചുള്ള
ആ ദീപ സാഗരത്തിന്റ മനോഹാരിതയിൽ
വലിയ പള്ളി ചെഞ്ചായം പൂശി നിൽക്കുന്ന കാഴ്ചയിൽ നിന്ന്
ജനി കണ്ണെടുത്തില്ല.

ഉണ്ണീ ഇഷ്ടപ്പെട്ടോ ഇതൊക്കെ
മനോഹരം ഇങ്ങനെ ഒന്ന്
ഞാൻ പ്രതീക്ഷിച്ചിരുന്നില്ല

ആഹാ,
പുരാതനമായ ഒരു തിരുനാളാണിത് .
വരൂ പോകാം
ജിൻസി മൗനിയായി കൂടെ നടന്നു,
ആദ്യമായി കാണുകയായിരുന്നെങ്കിലും
അതാസ്വദിക്കാൻ പറ്റാത്ത വിധം
അവളുടെ മനസ്സ് കലങ്ങി മറിഞ്ഞുകൊണ്ടിരുന്നു.

വീട്ടിലെത്തിയപാടെ മുറിയിലേക്ക്
ഓടീയൊളിക്കാനാഞ്ഞ ജിൻസിയെ
പപ്പായുടെ വിളി തടഞ്ഞു നിർത്തി,

മോളേ
നമ്മൾ നടത്തിക്കൊണ്ടിരിക്കുന്ന
ഈ കാര്യങ്ങൾക്ക വലിയ പ്രാധാന്യമാണുള്ളത് ,

വർക്കി പാപ്പൻ അതായത് എന്റെ
അപ്പൂപ്പൻ
ഞാൻ അദ്ദേഹത്തിന്റെ തനിപ്പകർപ്പാണെന്നാ പ്രായമുള്ളവരെല്ലാം പറഞ്ഞു കേട്ടിട്ടുള്ളത്
ആ വലിയ മനുഷ്യന്റെ പഠനവും ജീവിതവും
ഉണ്ണിയുടെ വല്യച്ഛന്റെ വല്യച്ഛൻ
ആഗ്രഹിച്ച കാര്യത്തിനായി
ഉഴിഞ്ഞു വച്ചു ,
വർക്കി പാപ്പൻ മരണക്കിടക്കയിൽ വച്ച ,
നമ്മുടെ വീട്ടിലുള്ളത് മുഴുവൻ
നീ പഠിച്ചോണം എന്ന് അനുഗ്രഹിച്ചപ്പോൾ
എനിക്ക് ഏഴു വയസ്സാണ്
അപ്പൻ വേണ്ട മാർഗ്ഗങ്ങളും ഗുരുക്കന്മാരേയും കാണിച്ചു തന്നു

ഉണ്ണിയുടെ വല്യച്ഛൻ
തന്റെ ഏക മകളെ ബന്ധു ജനങ്ങളുടെ
മുഴുവൻ എതിർപ്പ് നേരിട്ട്
തന്റെ പ്രിയ ശിഷ്യന് ഭാര്യയായി നൽകി
കൂടെ താമസിപ്പിച്ചു

ആ ശിഷ്യൻ തന്റെ മകനെ
ഏറ്റവും മിടുക്കനാവും വിധം പഠിപ്പിക്കയും ചെയ്തു .

പപ്പാ
എന്തപറ്റി പപ്പാ
ഇവിടുത്തെ കാര്യമെല്ലാം
എനിക്കറിയാവുന്നതല്ലേ
ഞാൻ ഒരു കാര്യത്തിലും വീഴ്ച വരുത്തില്ല
എനിക്ക് സാധിക്കുന്ന പ്രാർത്ഥനയോ നോയമ്പോ
ഇവിടുത്തെ ജോലികളോ
ഒരു വീഴ്ചയും വരുത്താതെ ഞാൻ ചെയ്തോളാം
പപ്പാ വിഷമിക്കല്ലേ

അതല്ല മോളൂ
വലിയ പ്രയാസങ്ങളാണ്
നേരിടേണ്ടത് എന്നറിയാം
നിന്റെ സൗഭാഗ്യങ്ങൾ പലതും നഷ്ടപ്പെട്ടു പോകുമെന്നും അറിയാം
പക്ഷെ
പപ്പാ പറയുന്നത്.മനസ്സിലാക്കണം,

ഒരു നിമിഷം മൗനമായിരുന്നിട്ട്
തോമസ് ജോൺ പതിയെ പറഞ്ഞു,

നിങ്ങൾ ഭാര്യാ ഭർത്താക്കന്മാരാകണം
നിങ്ങൾ വിവാഹം കഴിക്കണം
അപരിചിതയായ ഒരു പെൺകുട്ടി
ഉണ്ണിയുടെ ഭാര്യയാകാൻ പാടില്ല.

ആവസാനം പറഞ്ഞതൊന്നും ജിൻസി കേട്ടില്ല
ആ വാചകം
അവളുടെ കാതിൽ
അലയടിച്ചുകൊണ്ടിരുന്നു.

ജനിജൻ കേട്ടത് വിശ്വസിക്കാനാകാതെ
നന്നായി ശ്വാസം കിട്ടാത്തത് പോലെ
വിങ്ങി വിയർത്തു.

തന്റെ ജീവിതത്തിൽ
എന്തോ ശാപം പിന്തുടരും പോലെ
അവനു തോന്നി .
വർഷങ്ങൾ ഒരു പെൺകുട്ടി
വിദ്വേഷത്തോടെ പെരുമാറുക
പിന്നീട് അവളുടെ വീട്ടീൽ
താമസിക്കേണ്ടി വരിക
ഇപ്പോൾ അവളെ വിവാഹം കഴിക്കാൻ
നിർബന്ധിക്കപ്പെടുക .
ജനിക്കിതെല്ലാം ഉൾക്കൊള്ളാനാവാത്ത വിധം അവീശ്വസനീയമായി തോന്നി.

ജിൻസി മനസ്സാന്നിദ്ധ്യം വീണ്ടെടുത്തു
പപ്പാ
എനിക്ക് തനിയെ ഒന്ന് സംസാരിക്കണം
ഉണ്ണി ചെല്ലൂ
നല്ല തീരുമാനം എടുക്കുന്നതിന്
ഞാൻ പ്രാർത്ഥിക്കാം
അദ്ദേഹം പ്രാർത്ഥനാ മുറിയിലേക്ക് കയറിപ്പോയി .

ജനിജൻ അവളുടെ പിന്നാലെ
നിർവ്വാഹമില്ലാതെ
അകത്തെ ഇടനാഴിയിലേക്ക് കയറി

ജനീ
പപ്പാ ചോദിച്ചത് കേട്ടോ

ആദ്യം കണ്ട നാൾ മുതൽ
മനസ്സിൽ കൊണ്ടു നടക്കുന്ന പുരുഷനെ
വിവാഹം ചെയ്യാമോ
എന്നാണ് പപ്പ ചോദിച്ചത്

കേട്ട വാക്കുകളുടെ ശക്തിയിൽ
ലോകം കീഴ്മേൽ മറിയുന്നപോലെ
ജനിക്കു തോന്നി

കോളേജ് മുതൽ
ഇന്ന് രാത്രി വരെ കണ്ടുകൊണ്ടിരുന്ന
ജിൻസിയുടെ രൂപഭാവങ്ങളെല്ലാം
നിമിഷാർധം കൊണ്ട് കണ്ണുകളിൽ
നൃത്തമാടി
പ്രജ്ഞയടെ കണികകൾക്കിടയിലൂടെ
നോക്കുമ്പോൾ
സൂര്യനുദിക്കുന്ന ചിരിയോടെ
തിരിഞ്ഞു നോക്കിക്കൊണ്ട്
അവൾ പുറത്തേയ്ക്ക്
ഓടുന്നതാണ് കണ്ടത്
ആകാശത്തുയർന്ന് പറക്കും പോലെ
ലക്ഷ്യമറീയാതെ അവൾക്ക് പിന്നാലെ
ജനി ഓടി
ചന്ദ്രനുദിച്ച ആരാത്രിയിൽ
വിശാലമായ ആ പുൽ മൈതനത്തേക്ക്
അവർ പറന്നിറങ്ങി
അവരെ കാത്ത് എന്ന വണ്ണം
ആ ദീപാലങ്കാര കാഴ്ച ഒന്നാകെ
അപ്പോൾ
തെളിഞ്ഞു നാളങ്ങളിളക്കി നൃത്തമാടി.

VG.വാസ്സൻ. തുടരും