"ഹലോ സർ...."
മെസഞ്ചറിലൂടെ ഒഴുകിയ വരികളിൽ ഞാൻ താഴേക്കു കണ്ണോടിച്ചു....
"സാറിന്റെ രചനകളുടെ സ്ഥിരം വായനക്കാരിയാണു ഞാൻ. കഥകൾ പലതും യാഥാർത്ഥ്യങ്ങളോടു കിടപിടിക്കുന്നുണ്ട്.പലതും നമ്മുടെ ജീവിതത്തിൽ സംഭവിച്ചതു പോലെയൊരു തോന്നൽ...."
മറുപടിയായി ഞാനൊരു സ്മൈലി അയച്ചു കൊടുത്തു...
അവൾ തുടർന്നു കൊണ്ടിരുന്നു.....
"സർ ഇതൊരു ഫെയ്ക്ക് ഐഡിയാണ്.എങ്കിലും ഞാൻ പെണ്ണുതന്നെയാണ്...."
ഞാൻ ,,,അമ്പരക്കുന്നൊരു സ്മൈലി ഇട്ടു...
"സാറെന്താ സ്മൈലിയിട്ടു കളിക്കുന്നത്..കഥകളെഴുതുവാനെ ടൈപ്പു ചെയ്യാറുള്ളോ..."
മറുപടിക്കൊപ്പം ദേഷ്യപ്പെട്ടു ചുവന്നൊരു സൈമൈലി എനിക്കു തിരിച്ചയച്ചിരിക്കുന്നു...
ഇനിയെങ്കിലും മറുപയെഴുതിയില്ലെങ്കിൽ ഞാൻ ജാഡക്കാരനായാലോ...
"അതെന്തുപറ്റി മേഡം..ഫെയ്ക്ക് ഐഡിയിൽ കൂടി..."
"അപ്പോൾ സാറിനു മിണ്ടാനും അറിയാം അല്ലേ...."
പുഞ്ചിരിക്കുന്നൊരു സ്മൈലി ഞാൻ അയച്ചില്ല.പകരം "ഹ ഹാ ഹാ" എന്നു എഴുതി വിട്ടു....
"അതേ എന്നെ മേഡമെന്നൊന്നും വിളിക്കരുത്.ഞാൻ വലിയ ആളൊന്നുമല്ല.പാവം ഒരു വീട്ടമ്മ.ഹസിനു ജോലിയുണ്ട്.മകൻ ഒന്നാം ക്ലാസിൽ പഠിക്കുന്നു...."
അവളെ കുറിച്ച് സ്വയം പരിചയപ്പെടുത്തിയപ്പോൾ ഇനി ഞാനായിട്ട് ഒന്നും പറ യാ തിരിക്കുന്നത് മോശമല്ലേയെന്നു കരുതി എന്നെക്കുറിച്ചുളള വിവരങ്ങളും പറഞ്ഞു...
"പിന്നേ എന്നെയിനി സാറേന്നു വിളിക്കരുത്..."
"അയ്യോ സാറേ...ഒരു പോലീസുകാരനെ സാറേന്നല്ലാതെ എന്താ വിളിക്കുക.ഞാൻ മാഷെന്നു വിളിക്കട്ടേ..."
"എന്റെ പൊന്നുപെങ്ങളേ ..മാഷേന്നു വിളികേട്ടു മടുത്തു.ഒന്നുകിൽ നെയിം വിളിക്കാം. പ്രായത്തിൽ ഇളയതാണെങ്കിൽ ഏട്ടാന്നു വിളിക്കൂ...താങ്കൾക്ക് എത്ര വയസ്സുണ്ട്..."
"സ്ത്രീകളോടു പ്രായം ചോദിക്കരുത്.എന്നാണ് ചൊല്ല്..."
"ശരി എങ്കിൽ Date of birth പറയൂ..."
ഞാൻ ജനനത്തീയതി പറഞ്ഞു കൊടുത്തു...
തുടർന്നു അവളുടെ പറഞ്ഞിട്ട് എന്റെ മോന്റെയും ഭാര്യയുടെയും ജനനത്തീയതി ചോദിച്ചു....
അവളുടെ മറുപടിയായി മെസേജ് വന്നു...
"എന്റെയും ഹസിന്റെയും മകന്റെയും സാറിന്റെ ഫാമിലിയുടെയും സെയിം ആണല്ലോ.ഇതെന്തൊരു അത്ഭുതം...."
"ഒരുപക്ഷേ കഴിഞ്ഞ ജന്മത്തിൽ നീയെന്റെ സഹോദരി ആയിരുന്നിരിക്കും...."
"ശരിയാണു ഏട്ടാ..എന്തോ വല്ലാത്തൊരു മാനസിക അടുപ്പം എനിക്കു തോന്നുന്നു..ഞാനിനി ഏട്ടാന്നു വിളിക്കൂ.എനിക്ക് ഒരുചേച്ചിയും അനിയനും ഉളളൂ..എനിക്കൊരു ഏട്ടനില്ലാത്ത കുറവ് ഇപ്പോൾ മാറിക്കിട്ടി...."
"ഒരുപാട് സന്തോഷം.കണ്ണില്ലെങ്കിലെ പലരും അതിന്റെ വില അറിയൂ...."
"ശരിയാണേട്ടാ.ഞാനിപ്പോൾ തന്നെ ഫെയ്ക്ക് ഐഡിയിൽ വന്നതു തന്നെ ഹസ് ഒരു പ്രത്യേക ടൈപ്പാണു.മൂപ്പർക്ക് എത്രനേരം വേണമെങ്കിലും മൊബൈലും കുത്തിപ്പിടിച്ചിരിക്കാം.ഞാനൊന്ന് എടുത്താൽ കുറ്റമാ..."
"നല്ല ഭർത്താവ് ആണല്ലോ അനിയത്തി..."
"ആൾ കുഴപ്പമൊന്നും ഇല്ല .പക്ഷേ മുൻ കോപം കൂടുതലാണ്. പെട്ടെന്ന് ദേഷ്യപ്പെട്ട് പെട്ടന്ന് തണുക്കും..."
"അതെന്തായാലും നന്നന്നായി...
" ഏട്ടനെ പേടിച്ചാ ഫെയ്ക്ക് ഐഡി ഉണ്ടാക്കിയത്.കഥകൾ സമാധാനമായി വായിച്ചു അഭിപ്രായം പറയാം. പരിചയമുളളവർ നമ്മളെ തിരിച്ചറിയുകയുമില്ല.ആരെയും ഭയക്കണ്ട..."
"അത് നല്ല ഐഡിയ ആണ്. എന്നാലും ഒരു സംശയം അനിയത്തി ഫോൺ എടുക്കുന്നുന്നത് ഹസ് കണ്ടാൽ പ്രശ്നമല്ലേ..."
"മൂപ്പരിന്നു ജോലിക്കു പോയിട്ടില്ല.ഫോണുമായി മുറിയിൽ കയറി എന്തക്കയൊ പൊട്ടത്തരങ്ങൾ എഴുതി വിടുന്നുണ്ട്..ആരെങ്കിലും ഇൻബോക്സിൽ ഒന്നു പുകഴ്ത്തിയാൽ എന്നെ കൊണ്ട് വന്നു കാണിക്കും.ഇത് നേരെ തിരിച്ചാണെങ്കിൽ അടിയുടെ പൊടി പൂരമായിരിക്കും...."
"അത് ശരിയാണ്.ചില ആണുങ്ങൾ ഇങ്ങനെ കോംപ്ലക്സ് ഉളളവരാണു..."
"ഞാനിപ്പം തലവേദന എന്നു പറഞ്ഞിട്ട് മറ്റൊരു മുറിയിലാണു.ഒർജിനൽ ഐഡിയിൽ അല്ലാത്തതിനാൽ പച്ചവെളിച്ചം അദ്ദേഹം കാണില്ല.ഓഫീസിൽ പോയാൽ കുഴപ്പമില്ല...
" മം..."
"ഏട്ടാ ഞാനിത്രയും പറഞ്ഞതു വെച്ചൊരു കഥയെഴുതണേ.പിന്നെ ഫെയ്ക്ക് ഐഡിയിൽ എഫ്ബിയിലേക്ക് കടന്നുവരുന്ന പെൺകുട്ടികളുടെ സാഹചര്യങ്ങളും കൂടി ചേർക്കണം...."
നല്ലൊരു തീം കിട്ടിയതിൽ ഞാൻ വളരെയധികം സന്തോഷിച്ചു.ഇതു പൊളിക്കും .ലൈക്കുകൾ വാരിക്കൂട്ടും ഞാൻ മനക്കോട്ടകെട്ടി...
"പിന്നെ ഏട്ടാ ഈ ഐഡി ഞാൻ ഡീ ആക്റ്റിവേഷൻ ചെയ്യുവാ..ഒർജിനൽ ഐഡിയിൽ നിന്ന് ഞാനൊരു മെസേജ് ഇടാം. ഏട്ടൻ കഥയെഴുതി അയച്ചു തരണേ..."
"യെസ് ഷുവർ.ആശയം കിട്ടിയാൽ ഒരു മുപ്പതു മിനിറ്റ് മതി കഥയായി മൊബൈലിൽ പകർത്താൻ.എന്തു ചെയ്യാനാ ഇവിടത്തെ ഭദ്രകാളി ഇവിടെയുണ്ട്.ഇന്നിനി ഇതു കണ്ടാൽ മൊബൈൽ തല്ലിപ്പൊട്ടിക്കും..."
അവളൊരു ചിരിക്കുന്നൊരു സ്മൈലി അയച്ചു...അവളു റ്റാറ്റയും പറഞ്ഞു പോയി...
പെട്ടനാണു അടിവയറ്റിലൊരു കത്തൽ അനുഭവപ്പെട്ടത്.വയറു വിശക്കുന്നു.ഉച്ചഭക്ഷണം കഴിച്ചില്ല....
മൊബലിലിൽ ടൈം നോക്കിയതും അറിയാതെയൊന്നു ഞെട്ടി...
"സമയം മൂന്നര....കഴിഞ്ഞു...."
മൊബൈൽ ചാർജിലിട്ട് ഞാൻ അടുക്കളയിൽ ചെന്നപ്പോൾ ഭാര്യ ചായ ശരിയാക്കുന്ന തിരക്കിൽ...
"ടീ ചാറു താ...."
അവളെന്നെ രൂക്ഷമായിട്ടൊന്ന് നോക്കി...
"ചോറു പൂച്ച തിന്നു...വേണമെങ്കിൽ ചായ തരാം...."
ഇവിടെ കുറെ കളളപ്പൂച്ചകൾ ഉണ്ട്. തരം കിട്ടിയാൽ അടുക്കളയയിൽ കയറി സാധനങ്ങൾ തട്ടി മറിക്കും..
"നിങ്ങൾക്കു സമയത്ത് കഴിക്കണമെന്നില്ലല്ലോ..ഏതുനരവും മൊബൈലിൽ പെറ്റു കിടക്കുവല്ലേ.എനിക്കറിയാം ഞാൻ മാറിയൊന്നു കിടന്നപ്പോൾ മൊബൈൽ എടുത്ത് കാണുമെന്ന്..."
"സത്യമായിട്ടും ഇല്ലെടീ.ഞാൻ സത്യം ചെയ്യാം.."
"നിങ്ങളുടെ കള്ളസത്യം എനിക്കു കേൾക്കണ്ട.ഒരുദിവസം ഞാനതു വെട്ടിക്കീറി അടുപ്പിൽ വെക്കും..."
"ദൈവമേ എന്റെ Oppo f 5 youth Icon .കൊതിച്ചു വാങ്ങീതാണു.അതിന്റെ കലിപ്പ് അവൾക്കുണ്ട്..."
അവളു നൽകിയ ചായ കുടിച്ചു വിശപ്പിനെ അടിച്ചമർത്തി...
രാത്രിയിൽ ചോറു കറിയും കൂട്ടി കുശാലായി കഴിക്കാമെന്നു വെച്ചപ്പോൾ മൂന്നു ചപ്പാത്തി... കറിയില്ല...
"വണ്ണം കൂടുതലാ...അതുകൊണ്ട് ഇന്നുമുതൽ മൂന്നു ചപ്പാത്തി മാത്രം.. കറിയില്ല...."
ഒന്നും മിണ്ടാതെ കിട്ടിയതു കഴിച്ചു മാറിക്കിടന്നു...
കട്ടിലിൽ അടുത്ത് വന്നു കിടന്ന ഭാര്യയെ ഒന്നു ആശ്ലേഷിച്ചു...
"തൊട്ടു പോകരുതെന്നെ..."
അവളുടെ അലർച്ചയിൽ ഞാൻ അമ്പരന്നു പോയി....
"അനിയത്തിയെ ആരെങ്കിലും കെട്ടിപ്പിടിക്കുമോ മനുഷ്യാ..."
കാര്യമറിയാതെ ഞാൻ കണ്ണുമിഴിച്ചു....
"ഫെയ്സ്ബുക്കിൽ ഇന്ന് നിങ്ങളോട് ചാറ്റിയ നിങ്ങളുടെ അനിയത്തിയാ ഞാൻ. നിങ്ങളെന്താ പറഞ്ഞതെന്ന് ഞാൻ മറന്നില്ല..നിങ്ങളുടെ ഭദ്രകാളിയായ അനിയത്തിയാ ഞാൻ...."
ഞാനൊന്നും മിണ്ടാതെ പുതപ്പു തലവഴി മൂടിപ്പുതച്ചു.ഉറക്കം വന്നില്ലെങ്കിലും അങ്ങനെ കിടന്നു....
കുറച്ചു ദിവസമെടുത്തു അവളുടെ പിണക്കം തീർക്കാൻ...
അയ്യായിരം രൂപയുടെ ഒരു സാരി വാങ്ങി കൊടുക്കേണ്ടി വന്നു അതിനു...
അതോടെ മെസഞ്ചറും അൺ ഇൻസ്റ്റാൾ ചെയ്തു...
അടുത്ത പണി കിട്ടാതിരിക്കാൻ.....
A story by സുധീ മുട്ടം
No comments:
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക