സുകു വലിച്ച ബീഡി

സുകു 'കഞ്ചാവ് 'വലിക്കാറില്ല
പക്ഷെ ദിനേശ് ബീഡി വലിക്കും.

ദിനേശിന് പുക കുറവായതിനാൽ ആഞ്ഞാഞ്ഞു വലിച്ചാണ് സുകുവിന്റെ കവിൾ ഒട്ടിപ്പോയത്.

കാജാ ബീഡി വലിക്കാൻ പലരും ഉപദേശിച്ചെങ്കിലും സുകുവിന് അതു ഇഷ്ട്ടവുമല്ല.
യോനാ ചേട്ടന്റെ റോഡ് സൈഡിലുളള മൂന്നേക്കർ പുരയിടത്തിലെ റബ്ബർ ടാപ്പിംഗ് ആയിരുന്നു സുകുവിന്റെ പണി

വെളുപ്പിനെ ഹെഡ് ലൈറ്റും വെച്ചു ബീഡിയും വലിച്ചു ഓരോ മരത്തിന്റെയും ചുവട്ടിലൂടെ സുകു ഓടുന്നത് ഞങ്ങൾക്ക് കാണാമായിരുന്നു
' വെട്ടും പാലെടെയും 'കഴിയുമ്പോൾ ഉച്ചയാകും പശുന്റെ കാര്യം കൂടി കഴിഞ്ഞാൽ സുകു സിറ്റിയിൽ വരും കൂട്ടുകാരും കൂടി സൊറ പറഞ്ഞിരിക്കും

വല്ലപ്പോഴും ഷാപ്പിൽ ക്കയറി രണ്ടുകോപ്പ കള്ളുകുടിക്കും.
കല്യാണാലോചനകൾ നടക്കുന്നതുകൊണ്ടു ഷാപ്പിന്റെ പുറകിൽക്കൂടി മാത്രെ കേറാറുള്ളു

കൂട്ടുകാരു തമ്മിൽ അങ്ങോട്ടും ഇങ്ങോട്ടും 'പണികൊടുക്കുന്ന' ആചാരങ്ങൽ ഒക്കെ ഇപ്പോഴും നിലനിൽക്കുന്ന നാട്ടിൻ പുറ മാണ് ഞങ്ങളുടേത്

അങ്ങനെ രസകരമായ പല പണികൾക്കും സുകുവും പങ്കാളിയായിട്ടുണ്ട്.ചുമ്മാ രസമല്ലേ.

ഒരിക്കൽ റോയിയും, ഉണ്ണിയും ,ഗണേശനും സുകുനിട്ടു പണിയാൻ തീരുമാനിച്ചു അതു ഉണ്ണിയുടെ കല്യാണത്തിന് വധുവരന്മാർക്കുള്ള കരിക്കിൽ കള്ളോഴിച്ചു വെച്ചതിന്റെ പകര മായിട്ടാണ്..

ഗണേശൻ സ്ഥിരം കഞ്ചാവു വലിക്കുന്ന കുട്ടപ്പന്റെ കയ്യിൽനിന്നു ഒരു ബീഡി സംഘടിപ്പിച്ചു വൈകുന്നേരം സുകുവിന്റെ ദിനേശ് പാക്കറ്റിനുള്ളിൽ റോയി ന്യൂട്രലിൽ അതു തിരുകി വെച്ചു.

പിറ്റേദിവസം റബ്ബറു വെട്ടാൻ പോയ സുകു ആദ്യം എടുത്തു വലിച്ചത് 'ലെവനെ'ആയിരുന്നു പതിവിലും കൂടുതൽ പുക വന്നപ്പോൾ മാനുഫാച്ചറിങ് ഡിഫക്ടാണെന്ന് സുകു കരുതി

റോഡ് സൈഡിൽ ഉള്ള ഉള്ള ആദ്യ റബ്ബറിൻ ചുവട്ടിൽ എത്തിയപ്പോളെ ആശാൻ നല്ല ലഹരിയിലായി

കഞ്ചാവിന് അഞ്ചു നിറമെന്നാണെല്ലോ പഴമക്കാർ പറയാറ് ചിലർ കരയും ചിലർ ചിരിക്കും ,മറ്റുചിലർ ചിന്തിക്കും ഞങളുടെ നാട്ടിലെ കുട്ടപ്പനാണേൽ ഒരു 'ഷിമ്മിക്കൂട് 'കമ്പിൽ കൊടിപോലെ ആറ്റുതീരത്തു നാട്ടിവെച്ചു അതിൽനോക്കി മണിക്കുറുകൾ നിൽക്കും..

മ്മടെ സുകു ആദ്യ മരം ടാപ്പ് ചെയ്തു. ടാപ്പ് ചെയ്യുമ്പോൾ ആദ്യം ചിരട്ടയിൽനിന്നു ചണ്ടി മാറ്റി വൃത്തിയാക്കി വെട്ടുപാടിൽ നിന്നു ഓട്ടുപാൽ വലിച്ചെടുത്താണ് വെട്ടുന്നത്.അതുകഴിഞ്ഞു ചില്ലും ചിരട്ടയും ശരിയാക്കി വെച്ചു അടുത്ത മരത്തിലേയ്ക്ക് പോവുകയാണ് പതിവ്.

സുകുവിന് അന്നു പതിവ് തെറ്റി ഒന്നു കഴിഞ്ഞു അടുത്ത മരം സുകുവിന്റെ അടുത്തേയ്ക്കു നടന്നുവന്നു അതിനോട് പൊയിക്കോളാൻ പറഞ്ഞ് അടുത്തതിനെ വിളിച്ചു അങ്ങനെ ഓരോ മരവും സുകുവിന്റെ അടുത്തേയ്ക്കു വന്നു ഒരോന്നും ടാപ്പുചെയ്തു
നിന്നനിൽപ്പിൽ നിന്നു 400 മരവും സുകു വെട്ടി മടങ്ങിപ്പോയി

പിന്നീട് പാലെടുക്കാൻ രണ്ടു മൂന്നു മണിക്കൂറു കഴിഞ്ഞു വന്നപ്പോൾ 'മറ്റവന്റെ' ലഹരി ഇറങ്ങിയിരുന്നു

പാലെടുക്കാൻ സുകു വന്നപ്പോൾ ശെരിക്കും ഞെട്ടിപ്പോയി ഒരു മരവും വെട്ടിയിട്ടില്ല ഒരു മരത്തിനു തൊലി ഇല്ലതാനും....

യോനാ ചേട്ടൻ തോട്ടത്തിൽ വന്നു കണ്ടപ്പോൾ ആകെ ദേഷ്യമായി അന്നോടെ സുകുവിന്റെ പണിയും പോയി "കഞ്ചാവടിച്ചു നടക്കുന്നൊനൊ ന്നും ഇവിടെ പണിയില്ല" അയാൾ അലറി പറഞ്ഞു...

അന്നുമുതൽ സുകു വെറും സുകുവല്ല 'കഞ്ചൻസുകു'വായി

വല്ലാത്ത വിഷമഘട്ട ത്തിലൂടെ യാണ് 'കഞ്ചൻസുകു' കടന്നുപോയത് വീട്ടുകാരുടെ തെറി ഒരുവശത്ത്‌ നാട്ടുകാരുടെ പരിഹാസം മറ്റൊരു വശത്ത്‌ വീട്ടിൽ നിന്നു വെളിയിൽ പ്പോലുമിറങാതായി കല്ല്യാണ ത്തെക്കുറിച്ച് ചിന്തിക്കാൻപോലും കഴിയാതായി ആത്മഹത്യ യെക്കുറിച്ചു പോലും കാഞ്ചൻസുകു ആലോചിച്ചു തുടങ്ങി....

തൊലി ഇല്ലാത്ത റബ്ബറുമരം ഒരു സ്മാരകം പോലെ യോനാ ചേട്ടൻ വഴി അരുകിൽ നിർത്തിയിരിക്കുകയാണ് ആരെങ്കിലും ചോദിച്ചാൽ പരിഹാസത്തോടെ അയാള് ആ സംഭവം വിവരിച്ചു കൊടുത്തുകൊണ്ടിരുന്നു

'ഇരട്ട' പേര് പതിഞ്ഞാൽ ആയുഷ് കാലം അതിൽനിന്നു മോചനമില്ല എന്റെ ഓർമ്മ വെയ്ക്കും മുൻപു തന്നെ എന്നെ നാട്ടുകാർ' കുഞ്ഞാണ്ടി' എന്നാണു വിളിക്കുന്നത് അപ്പന്റെ പേര് 'ചാണ്ടി' എന്നായതുകൊണ്ടു ആദ്യം 'കുഞ്ഞു 'ചാണ്ടി ആയി പിന്നീട് അതു കുഞ്ഞാണ്ടി ആയി പരിണമിച്ചു

എനിക്കും ഒരുപാട്‌ വിഷമം ഒക്കെ ഉണ്ടായിട്ടുണ്ട് ഞാൻ അതു വായനശാലയിലെ ഗോപി സാറിനോട് പങ്കുവെച്ചിട്ടുമുണ്ട്.അദ്ദേഹം പറഞ്ഞു നിന്‍റെ അപ്പന്റെ പേരല്ലേ അതിൽ നീ അഭിമാനിക്കണന്ന്
ആണ്ടവൻ എന്നാൽ ദൈവം എന്നാണ് അര്ഥമെന്നും കുഞ്ഞാണ്ടി ദൈവത്തിന്റെ കുഞ്ഞാണ്ന്നു തത്വകമായ ഒരു നിർവ്വജനവും പുള്ളിക്കാരൻ തന്നു.

പിന്നീട് ആപേര് എനിക്കിഷ്ടമായിത്തുടങ്ങി.'ബിജു'എന്ന്‌ വീട്ടുകാർ മാത്രം വിളിച്ചിരുന്ന പേരാണ് ഫേസ് ബുക്കിൽ 'ബിജു വി ചാണ്ടി ' എന്ന്‌ ഒരു കലിപ്പിന് കൊടുത്തപ്പോളാണ് അങ്ങനെ ഒരു പേരു എനിക്കുണ്ടെന്ന്‌ നാട്ടുകാർ അറിഞ്ഞത് തന്നെ.

'ചാൾസൻ ജോസഫ് അവിരാ കഞ്ഞിക്കുഴി 'എന്നൊരാൾ നാട്ടിൽ ഉണ്ട് .'ചാൾസൻ' വീട്ടിലെ പേര് ,സ്കൂളിൽ ജോസഫ് പള്ളിയിൽ അവിരാ നാട്ടുകാര് കഞ്ഞിക്കുഴി എന്നാണ് വിളിക്കുന്നത് .
ഒരു ഇരട്ടപ്പേരിൽ ആകെ തകർന്ന കഞ്ചൻ സുകുവിനെ ഞാൻ കണ്ടപ്പോൾ വല്ലാത്തൊരു ദശാ സന്ധിയിലാണ്‌ അയാൾ എന്ന്‌ മനസ്സിലായി

പേരു മാറ്റാൻ ഞങ്ങൾ പല തന്ത്രങ്ങളും ആലോചിച്ചു. ആദ്യം തന്നെ സ്‌മാരകമായി വഴിയരികിൽ യോനച്ചേട്ടൻ നിറുത്തിയിരിക്കുന്ന തൊലി യില്ലാറബ്ബർ മരക്കച്ചവടക്കാരൻ റസാഖിനെ കൊണ്ടു ഇല്ലാത്ത വിലക്ക് വാങ്ങിപ്പിച്ചു നഷ്ടം കഞ്ചൻ റസാക്കിനു കൊടുത്തു

പിന്നീട് ഗോൾഡ് കളറിൽ 'പി.കെ സുകുമാരൻ'എന്ന്‌ പേര് കട്ട അക്ഷരത്തിൽ എഴുതി വാങ്ങി വീടിന്റെ എറയത്തു ഒട്ടിച്ചു 'എവിടെ ...ആളുകൾ അതുവല്ലോം കാര്യാമാക്കുന്നുണ്ടോ'

കഞ്ചൻ കുറേ പേരെ തെറിപറഞ്ഞു നോക്കി പിണങ്ങിനോക്കി കാലുപിടിച്ചു നോക്കി നാൾക്കുനാൾ 'ഇരട്ടപ്പേരു' കീർത്തിപെട്ടു വന്നതേയുള്ളു...

കല്യാണം കഴിക്കാൻ ഈ പേര് വലിയ തടസ്സവുമാണെല്ലോ ആരെങ്കിലും പെൺ വീട്ടുകാർ തിരക്കിവന്നാൽ
"ആര് മ്മടെ കഞ്ചൻ സുകുവല്ലേ....നല്ല പയ്യനാ..."
അവിടെ തീരും ആലോചന..

കഞ്ചനും ഞാനും ഗോപിസാറിനെ കണ്ടു കാര്യങ്ങൾ ധരിപ്പിച്ചു അങ്ങേര് പറഞ്ഞു മറ്റൊരു പേര് 'പതിപ്പിച്ചാൽ 'ഇത് താനെ മാഞ്ഞു പൊയ്ക്കോളും ന്ന്‌....

അവസാനം ഞാൻ പറഞ്ഞു '"എടാ കഞ്ച നിനക്കിപ്പം പണിയൊന്നും ഇല്ലല്ലോ നീ ഒരു ചായക്കട തുടങ്ങു അതിനു 'കാഞ്ജന റെസ്റ്റോറന്റ് 'എന്ന്‌ പേരുകൊട് കുറച്ചുകാലം കാഴിയുമ്പോൾ നീ കാഞ്ജനസുകു ആയിക്കൊള്ളും.."

സുകു ചായക്കടതുടങ്ങി ആദ്യമൊക്കെ 'കഞ്ചന്‍റെ കാഞ്ജനചായ 'എന്നൊക്കെ ആളുകൾ കളി പറയുമായിരുന്നു പിന്നീട് 'ക' യിക്ക് ദീർഘം വന്നു തുടങ്ങി.കഞ്ചൻ പിന്നീട് രണ്ട് ഓട്ടോ റിക്ഷവാങ്ങി 'കാഞ്ജനം ട്രാവൽസ് ' എന്നും പേരിട്ടു

ഇപ്പൊ 'കഞ്ചൻ' പൊടി മുതലാളി ആയി നല്ലൊരു ഹോട്ടൽ ,രണ്ട് ഓട്ടോ ,പിക്കപ്പ് വാൻ ... പുതിയ വീട് വെച്ചു അതിനു 'കാഞ്ജനക്കൂട് എന്നുപേരിട്ടു....

ഞാൻ അവധി ക്കുചെന്നപ്പോൾ കഞ്ചൻ സുകുവിന്റെ 'കാഞ്ജന ക്കൂട്ടിൽ 'പ്പോയിരുന്നു രണ്ടു കുട്ടികളായി..സുകുവിന് പ്രവീൺ s കാഞ്ജനവും ,പ്രവീണാ s കാഞ്ജനവും.
******************
ബിജു വി ചാണ്ടി