ചുടലക്കാട്

എന്നാത്മാവുറങ്ങിക്കിടക്കുന്ന മണ്ണിത് 
എന്നാത്മാവു ചാമ്പലായ് ചേർന്നൊരീ മണ്ണിത്
എരിയുന്ന തീക്കനൽ കൂനയിൽ 

എന്നാത്മാവു വെന്തുരുകിക്കരിഞ്ഞീലയോ

വിട ചൊല്ലിയില്ല ഞാനാരോടും
വിട പറഞ്ഞതില്ലാരുമെന്നോടും
കണ്ണകന്നില്ലേ മനസും അകന്നു............
ഞാനകന്നില്ലേ എൻ ജീവാത്മാവിനോടും
ഈ മണ്ണിനാരും വിലപേശുകില്ല
ഈ മണ്ണിനാരും ആഗ്രഹിക്കീല :,,
ചുടലയെല്ലാർക്കും
ഭയവും അറപ്പും;
എന്നാ കിലുമിവിടെയെത്തും ഒരിക്കൽ
എന്നാത്മാവുറങ്ങിക്കിടക്കുന്ന മണ്ണിത്
നിന്നാത്മാവും അന്തിയുറങ്ങേണ്ട മണ്ണിത്

By: 

Jisha Ratheesh