ലൈക്കും കമൻ്റും

നല്ല രചനകൾ ശ്രദ്ധിക്കപെടുന്നില്ല ലൈക്ക് ഇല്ല കമൻ്റ് ഇല്ല എന്നൊക്കെ പറഞ്ഞ് പല പോസ്റ്റുകളും നമ്മൾ സ്ഥിരമായി കാണാറുണ്ടല്ലോ. ഇത്തരം പോസ്റ്റുകളിൽ പറയുന്ന മുഖ്യ ആരോപണം ഒരുപാടു ലൈക്ക് കിട്ടുന്ന എഴുത്തുകാരൊക്കെ സുഹൃത്തുക്കളുടെ ഇൻബോക്സിൽ കഥയുടെ ലിങ്ക് അയച്ചുകൊടുത്തും ആളുകളെ മെൻഷൻ ചെയ്തും മറ്റു പല വ്യാജമാർഗ്ഗത്തിൽ കൂടിയും ആണ് ലൈക്ക് കൂട്ടുന്നത് എന്നാണ്. അങ്ങനെ ചെയ്യുന്ന ആളുകൾ ഉണ്ടാകുമായിരിക്കാം പക്ഷേ ഇങ്ങനെയൊന്നും ചെയ്യാതെ ഒത്തിരി ലൈക്കും കമൻ്റും കിട്ടുന്ന കുറെ സുഹൃത്തുക്കളെ എനിക്കറിയാം.

എൻ്റെ കാര്യം പറയാം മൂന്നു വർഷം മുൻപ് ആദ്യ രചന ഒരു ഗ്രൂപ്പിൽ ഇട്ടപ്പോൾ 5 ലൈക്ക് ആണ് കിട്ടിയത്. യാതൊരു വിഷമവും ഇല്ലാതെ ഞാൻ എഴുത്തു തുടർന്നു. കിട്ടുന്ന സമയങ്ങളിൽ മറ്റുള്ള എഴുത്തുകാരുടെ രചനകൾ വായിച്ചു പ്രോത്സാഹിപ്പിച്ചു. നാലാമത്തെ രചനക്കു 2400 like കിട്ടി. അന്നൊക്കെ സാഹിത്യ ഗ്രൂപ്പുകൾ വിരളമായിരുന്നു 100 like തന്നെ വലിയ സംഭവം ആയിരുന്നു. അന്നുതൊട്ടിന്നുവരെ ലൈക്കിനോ കമൻ്റിനോ ഒരു കുറവും ഉണ്ടായിട്ടില്ല. ഗ്രൂപ്പിൽ ആയാലും ടൈംലൈനിൽ ആയാലും ഇഷ്ടംപോലെ ലൈക്ക് മനസ്സു നിറക്കുന്ന കമൻ്റുകൾ.

നല്ലെഴുത്തിൽ എത്രയോ തവണ popular postil ഇടം നേടി. പതിനായിരത്തിനു മുകളിൽ ലൈക്കുകൾ ഉള്ള രചനകൾ... 4500 Frnds ഉം 430 followers മാത്രം ഉള്ള എൻ്റെ ടൈംലൈനിൽ 2.6 k വരെ ലഭിക്കാറുണ്ട്.

ഇതുവരെ ആരുടെയും Inboxil എൻ്റെ രചനയുമായി പോയിട്ടില്ല എന്തിന് ഒരു hi പോലും പറയാറില്ല. എൻ്റെ രചനകളിൽ ആരെയും മെൻഷൻ ചെയ്യാറില്ല. ഇങ്ങോട്ടു വരുന്ന മെസ്സേജുകൾക്ക് സമയം കിട്ടുമ്പോൾ മറുപടി കൊടുക്കും അത്രമാത്രം. ആളുകളെ ആകർഷിക്കുന്ന ഒരു തലക്കെട്ട് ഇതുവരെ ഇട്ടിട്ടില്ല. അശ്ളീലമായ വാക്കുകളോ തുറന്നെഴുത്തുകളോ ഇല്ല പൈങ്കിളിയുമില്ല പെൺനാമത്തിലുള്ള id യുമല്ല. സാഹിത്യപരമായ യാതൊരു മേൻമയും ഞാൻ അവകാശപ്പെടുന്നും ഇല്ല. എന്നെപോലെ ഒത്തിരി കൂട്ടുകാരുണ്ട് വ്യാജമാർഗ്ഗത്തിലല്ലാതെ വായിക്കപ്പെടുന്നവർ...

ലൈക്കിൻ്റെയും കമൻ്റിൻ്റെയും പുറകിൽ എന്തോ വലിയ രഹസ്യങ്ങളാണെന്ന് പലരും പറയുമ്പോൾ തെറ്റിദ്ധരിക്കപ്പെടും ഞങ്ങളിൽ പലരും...

ഇതു വായിക്കുന്ന ഏതെങ്കിലും കൂട്ടുകാർ പറയട്ടെ അവരുടെ Inboxil ഞാൻ പോയിട്ടുണ്ടെന്ന്...

ഇന്ന് എഴുതിതുടങ്ങുന്ന പലർക്കും ക്ഷമയില്ല. വളരെ വേഗം ശ്രദ്ധിക്കപെടണം എന്ന ചിന്തയാണ്. അതോടൊപ്പം മറ്റുള്ളവരുടെ രചനകൾ ശ്രദ്ധിക്കപെടുമ്പോൾ അങ്കലാപ്പായി എന്തെഴുതണം എന്നു പോലും അറിയാതെയായി..

സാഹിത്യപരമായ കുറെ വാക്കുകൾ ചേർത്തതുകൊണ്ടു മാത്രം ഒരു രചന വായനക്കാർ സ്വീകരിക്കില്ല. തുടക്കവും ഒടുക്കവും വേണം ആശയം വേണം അതിലുപരി അത് വായനക്കാരുടെ ഹൃദയത്തിൽ എത്താനുള്ള രചനാശൈലി സ്വയം ഉണ്ടാക്കിയെടുക്കണം. അതിന് ക്ഷമ വേണം ഒാരോ രചനയും സൂപ്പർ ഹിറ്റാക്കാൻ ആർക്കും കഴിയില്ല.

ഉണ്ണിമാഷിനെപോലെയോ പ്രേം സാറിനെ പോലെയോ എഴുതാൻ എനിക്കു കഴിയില്ല ഒരുപക്ഷേ എന്നെപോലെ എഴുതാൻ അവർക്കും കഴിയില്ല എന്നുതന്നെ കരുതട്ടെ. ഓരോരുത്തർക്കും ഒാരോ വ്യക്തിത്വമുണ്ട് ഓരോ രചനാ ശൈലിയുണ്ട്.

മാത്രമല്ല ഒരു രചന വായിച്ചു കഴിയുമ്പോൾ എന്തെങ്കിലും ഒരു ഫീൽ അനുഭവപ്പെടണം. അത് ചിലപ്പോൾ പ്രണയം ആവാം നല്ല ചിന്തയാവാം നല്ല സന്ദേശമാവാം നല്ല നർമ്മം ആവാം പുതിയൊരു അറിവ് ആകാം. etc.. ഇതൊന്നും തോന്നാത്ത വെറും അക്ഷരങ്ങൾ വായനക്കാർ തള്ളികളഞ്ഞേക്കാം....

ഇതിനെല്ലാം പുറമെ മറ്റുള്ളവരെ വായിക്കണം. എല്ലാ കമൻ്റുകൾക്കും മറുപടി കൊടുക്കണം. അക്ഷരങ്ങളിലൂടെ വായനക്കാരുമായി ഒരു ആത്മബന്ധം ഉണ്ടാക്കണം. അല്ലാതെ താൻ പിടിച്ച മുയലിന് മൂന്നു ചെവിയെന്നു പറയുന്നവർ അങ്ങനെ എല്ലാകാലത്തും പറഞ്ഞു തീർക്കാം അത്രമാത്രം

തൻ്റെ പോസ്റ്റിൽ ആരും വരുന്നില്ലെന്നു പറയുന്നവർ മറ്റുള്ളവരെ എത്രത്തോളം വായിച്ചു എന്നൊരു ആത്മ പരിശോധന നടത്തിയാൽ തീരാവുന്ന പ്രശ്നമേ ഇവിടുള്ളൂ....

ഉണ്ണികൃഷ്ണൻ തച്ചമ്പാറ