മോഹങ്ങൾ.....

മോഹങ്ങൾ.....

കുളപ്പടവുകൾ കയറി വരുന്ന ദേവേട്ടനെ കണ്ടപ്പോൾ വളരെ സങ്കടം തോന്നി.
വല്ലാതെ വയസ്സായിരിക്കുന്നു.പക്ഷെ കുറുമ്പിണ് ഒരു കുറവുമില്ല. ഒരല്പം വാത്സല്യത്തോട് കൂടിയോർത്തു ദേവി അവിടെ നിന്നും മാറി.

"എന്നും ദേവിക്ക് ദേവേട്ടനെ മറഞ്ഞിരുന്ണ് നോക്കാനാണ് ഇഷ്ടമെന്ന് അദ്ദേഹം പറയാറുള്ളത് ഒരല്പം നാണത്തോടെ ഓർത്തു.
അദ്ദേഹം അമ്പലത്തിനടുത്തേക്കു എത്തി പൂജാരിക്ക് ദക്ഷിണ കൊടുത്തു പ്രാർത്ഥിക്കുന്നത് നോക്കി ദേവി വേഗം കാറിനടുത്തേക്ക് നടന്നു.കാരണം അറിയാതെ പിന്നാലെ വന്നതാണ്.
ഇന്നലെ ദേവിയോടൊന്നും പറയാതെ എങ്ങോട്ടോ പോകാനുള്ള ഒരുക്കങ്ങൾ ദേവേട്ടൻ നടത്തുന്നത് കണ്ടിരുന്നു.കുറെ പ്രാവശ്യം മുന്നിലൂടെ നടന്നിട്ടും അദ്ദേഹം ശ്രദ്ധിച്ചതേയില്ല.അല്ലെങ്കിലും കുറച്ചു കാലമായി ഒരു മൗനം അദ്ദേഹത്തെ ബാധിച്ചിട്ടു.തോളത്തിടുന്ന ചെറിയ തുണിസഞ്ചിയിൽ വസ്ത്രങ്ങൾ എടുത്തു വെക്കുന്നത് കണ്ടപ്പോൾ കൂടുതൽ ആകാക്ഷയായി.
ഇങ്ങോട്ടൊന്നും പറയാതെ ഒന്നും ചോദിക്കില്ലെന്നു വാശിയായി.
ദേവിയോട് പറയാതെ ഒന്നും ദേവദാസിനില്ലെന്നു പറയുന്നത് എല്ലാം വെറുതെയാണ്...തികട്ടി വരുന്ന സങ്കടം ഉള്ളിലൊതുക്കി അവൾ ഒതുങ്ങി.
രാവിലെ ദേവേട്ടൻ കുളിക്കാൻ കയറിയപ്പോൾ കാറിൽ കയറി മറഞ്ഞിരുന്നതാണ്.പണ്ട് മകൻ കുഞ്ഞായിരുന്നപ്പോൾ പാല് കൊടുക്കാൻ തുന്നിയിട്ടതാണ് കർട്ടൻ.
ഇപ്പോൾ അത് സഹായമായി.എന്തോ അദ്ദേഹം വളരെ ചിന്തയിലായിരുന്നു.
കാറിലേക്ക് വരുന്ന അദ്ദേഹത്തെ കണ്ടു ദേവി കുറച്ചു കൂടി താന്നിരുന്നു.നേരം വെളുക്കുന്നതേയുള്ളു.കുറെ കാലമായി കാർ ലോക്ക് ചെയ്യലൊന്നുമില്ല.
അച്ഛന്റെ ഈ പാട്ട കാർ ആർക്ക് വേണമന്നും ചോദിച്ചു മകൻ കളിയാക്കാറുണ്ട്.
കാർ എങ്ങോട്ടോ ഓടുന്നു...എണീറ്റിരിക്കാൻ പറ്റാത്തത് കാരണം ഒന്നും അറിയുന്നില്ല.
എവിടെയോ വണ്ടി നിർത്തിയല്ലോ....

പുറത്തു മകന്റെ ശബ്ദം ആണല്ലോ കേൾക്കുന്നത്.
എത്ര ദിവസമായി അവനെ കണ്ടിട്ട്...
അല്ലെങ്കിലും അച്ഛനും മകനും ഒറ്റ കെട്ടാണ്.
അവന്‍റെ മുന്നിലേക്ക് ഇറങ്ങനോ....
വേണ്ട...ഞാനറിയാതെ അവരുടെ പ്ലാൻ എന്താണെന്നു അറിയാം.
താമസിയാതെ രണ്ടാളും കാറിൽ കയറി...
കാർട്ടനിടയിലൂടെ ദേവി അവനെ മതിവരുവോളം കണ്ടു.
ഞാൻ ഡ്രൈവ് ചെയ്യാം അച്ഛാ എന്ന് പറയുന്നത് കേട്ടു....
ദേവി അടക്കാനാവാതെ വന്ന ചിരി സാരിത്തുമ്പു കൊണ്ട് പൊത്തി.
"നിന്‍റെ അസ്ഥാനത്തുള്ള ചിരിയെന്നും പറഞ്ഞു ദേവേട്ടന്‍റെ ശകാരം ഇപ്പോഴും കേൾക്കാറുണ്ട്.
...രണ്ടാളും കൂടി എങ്ങോട്ടാണാവോ ?
എന്‍റെ വെജിറ്റേറിയൻ ഭക്ഷണത്തിൽ നിന്നും രക്ഷപെടാൻ രണ്ടാളും കൂടി ഇടക്കിങ്ങനെ മുങ്ങാറുണ്ട്.
ദേവിയുടെ മനസ്സ് സ്നേഹം കൊണ്ട് നിറഞ്ഞു...ഈശ്വരൻ ഇവർക്ക് ആയുസ്സും ആരോഗ്യവും കൊടുക്കട്ടെയെന്നു ഉള്ളുരുകി പ്രാർത്ഥിച്ചു.

അയ്യോ..പിന്നെയും കാർ നിർത്തിയല്ലോ..
ഇതേവ്‌ടെയാണാവോ ?
രണ്ടാളും ഇറങ്ങി ആരെയോ കാത്തു നിൽക്കുന്നത് പോലെ..
ഇതെന്താ കടപ്പുറമോ ?...വട്ടുണ്ടോ ഇവർക്ക് ഈ നേരത്തു ഇവിടെ വരാൻ...
നോക്കട്ടെ ഇനി ഈ പറ്റിക്കൽ നടക്കില്ലെന്നു തോന്നുന്നു.
രണ്ടാളെയും ഞെട്ടിച്ചു കാറിന്റെ പിറകിൽ നിന്നിറങ്ങണം.
അപ്പോൾ അവരുടെ മുഖം കണ്ടു പൊട്ടിചിരിക്കണം...
ദേവേട്ടന്റെ കയ്യിൽ നിന്നും വഴക്കു ഉറപ്പാണ് സാരമില്ല...വരട്ടെ കുറച്ചു കൂടി കഴിയട്ടെ..
ദേവിക്കെന്തോ വല്ലാതെ ക്ഷീണം തോന്നി.
ദേഹം ഒരു തൂവൽ പോലെയാകുന്നു..
വേഗം പുറത്തേക്കിറങ്ങി..
ദൂരെ കടപ്പുറത്തു എന്തോ ക്രിയ ചെയ്യാനിരിക്കുന്ന മകൻ..അച്ഛൻ അടുത്ത് നിൽക്കുന്നുണ്ട്.
അയ്യോ....ഞാൻ.....മോനെ...ചെയ്യല്ലെടാ....
അമ്മക്ക് നിന്നെയും അച്ഛനെയും കണ്ടിങ്ങനെ ഇരിക്കണമെഡാ.......
ദേവിയുടെ വിലാപം പക്ഷെ.....ആരും....
ഒന്നും....കേട്ടില്ല....

Radhika