നന്നായി

ഞാനും കൊടുത്തു ഒരു നാല് എണ്ണം...

നന്നായി ... നിന്റെ അച്ഛനോ അനിയനോ ആയിരുന്നെങ്കിൽ നന്നായേനേ അല്ലെ

നാണം ഉണ്ടോടാ #$%#രേ.... 
തലയ്ക്കു സുഖമില്ലാത്തവനെ കൂട്ടം ചേർന്നു ഇടിക്കാൻ ...
എന്നിട്ടു വലിയ ആണത്തം വിളമ്പുന്നോ ....

ഷൂട്ടിങ്ങിന്റെ ആവശ്യത്തിന് വാക്കിടോക്കി കൊണ്ടുവന്നതാ ആന്ധ്രാകാരൻ ഒരു പയ്യൻ ...
രണ്ടുദിവസം ആയി അവന്റെ മാനസിക നില വളരെ മോശം ആണ് ....
ആരെയും ഉപദ്രവിക്കില്ല .പക്ഷേ അവന്റെ ജോലി ഒന്നും ചെയ്യില്ല ,കുറേ വെളളം കുടിക്കും എന്നിട്ടു അങ്ങോട്ടും ഇങ്ങോട്ടും നടക്കും ...എന്തൊക്കയോ പിറുപിറുക്കും ...... പാവം ആദ്യ ദിവസം എന്റെ കാറിൽ ആണ് ലോക്കേക്ഷന്നിൽ വന്നത്. അന്ന് അവൻ പറഞ്ഞു ...അണ്ണാ എനിക്ക് ഭാഷ ഒന്നും അറിയില്ല തെലുങ്ക്‌ , കുറച്ചു തമിഴ് ... അതുകൊണ്ടു പേടിയാകുന്നു ജോലിചെയ്യാൻ ...

ഞാൻ പറഞ്ഞു ,അതിന് എന്താ നീ നിനക്ക് അറിയാവുന്ന തമിഴ് പറഞ്ഞാൽ മതി എന്ന് ....

കഴിഞ്ഞാ ദിവസങ്ങളിൽ അവൻ എന്നോട് പറഞ്ഞു എന്നെ എല്ലാവരും കളിയാക്കുന്നു ചീത്ത പറയുന്നു എന്നൊക്കെ...
സാരം ഇല്ലാ കുറച്ചു ദിവസം കൂടിയേ ഉള്ളു. നീ നിൽക്കൂ ...

ഇന്നലെ ഷൂട്ടിംഗ് റോഡിൽ ആയിരുന്നു വൈകിട്ടു വരെ അതുകൊണ്ടു ഉച്ചക്ക് ഊണ് കിട്ടിയില്ല ആർക്കും ... അത് കഴിഞ്ഞു ഫോർട്ട്കൊച്ചിയിലേക്കു ഷിഫ്റ്റ് ആയി വന്നു. അവിടെ വച്ചു ഒന്ന് രണ്ടു പ്രാവശ്യം അവന്റെ നില മോശം ആയി ...
ഒന്ന് രണ്ടു പ്രശനങ്ങൾ പറഞ്ഞു തീർത്തു .... അതിനിടയിൽ ഹീറോയിസം കാണിക്കാൻ കുറച്ചുപേർ ചേർന്ന് അവന്നെ ശരിക്കും പെരുമാറി .... പാവം എന്തു ചെയ്യാനാ അറിഞ്ഞൂടല്ലോ..

എല്ലാവരും കൂടി അവനെ എന്റെ കാറിൽ കയറ്റി. സെറ്റിലെ മൂന്നുപേരും കൂടെ കയറി.....

ഞാൻ അവനെയും കൊണ്ട് ഹോട്ടലിലേക്ക് പോന്നു .. യാത്രക്കിടയിൽ അവൻ ഏറ്റവും കൂടുതൽ പേര് എടുത്തു പറഞ്ഞു കരഞ്ഞു ചീത്താ വിളിച്ചത് സിനിമയിലെ ഒരുത്തനെയാണ് .... അവനെ കളിയാക്കിയെന്നും , വഴക്കു പറഞ്ഞു എന്നും പറയുന്നുണ്ടായിരുന്നു...

റൂമിൽ എത്തിയപ്പോൾ അവൻ എന്നോട് പറഞ്ഞു എനിക്ക് വെള്ളം വേണം എന്ന് ഞാൻ രണ്ടു ബോട്ടിൽ വെള്ളം കൊടുത്തു അത് മുഴുവനും കുടിച്ചു .കൂടെ വന്ന ചേട്ടൻ പറഞ്ഞു ഇവൻ ഒന്നും കഴിച്ചിട്ടില്ല രാവിലെ തൊട്ട്‌ ... ഞാൻ ഭക്ഷണം വേണോ എന്ന് ചോദിച്ചപ്പോൾ അവന്റെ കണ്ണ് നിറഞ്ഞു ...എന്റെ കൈ പിടിച്ചു അണ്ണാ പശിക്കിത് എന്നു പറഞ്ഞു ....
ഞാൻ വേഗം കുഞ്ഞിമോൻ ചേട്ടന്റെ കൈയിൽ പൈസ എടുത്തു കൊടുത്തു ...

ഭക്ഷണം അവൻ ആർത്തിയോടെ തിന്നു തീർത്തു.... മനസ്സും വയറും നിറഞ്ഞവന്റെ മുഖം ആണ് ഏറ്റവും സുന്ദരം എന്ന് അപ്പോ എനിക്ക് തോന്നിപ്പോയി....
പിന്നെ അവൻ സാധാരണ ഗതിയിൽ എത്തി ...
വീട്ടിൽ ആരൊക്കെ ഉണ്ട് എന്ന ചോദ്യത്തിന് ....
എന്റെ അമ്മ , ചേട്ടൻ എന്നും അവൻ മറുപടി പറഞ്ഞു ...
അവന്റെ ചേട്ടനെ വിളിച്ചപ്പോൾ അമ്മയോട് സംസാരിക്കാൻ ഇടവന്നു

ഭ്രാന്തു ആണെങ്കിലും , എന്ത് തോന്നിവാസം കാണിച്ചാലും ആ അമ്മ പറഞ്ഞാ വാക്കുകൾ മനസ്സിനെ വേദനിപ്പിച്ചു ...

മോനെ അവന്റെ അച്ഛൻ മരിച്ചു .അവനു അസുഖം ഉള്ള കുട്ടിയാണ് ഒന്നും ചെയ്യല്ലെ .കുറച്ചുകഴിയുമ്പോൾ അവൻ ശരിയാകും ... ഒരു ഭ്രാന്തൻ ആയി വളർത്താൻ എനിക്കു കഴിയില്ല മോനെ. എന്റെ കാലം കഴിഞ്ഞാലും അവനു ജീവിക്കേണ്ടെ . അതുകൊണ്ടാ അവനെ ജോലിക്കു പറഞ്ഞു അയച്ചത് ....

ഒരു അമ്മയുടെ വേദന .... അതു താങ്ങാൻ ഈ ഭൂമിക്കു ശക്തി നൽകണേ......

ഈ രോഗം ഇന്നാ ആൾക്ക് എന്നൊന്നും ഇല്ലാ .... ആർക്കും ഇപ്പോ വേണമെങ്കിലും വരാം

ഇങ്ങനെ അസുഖം ഉള്ള ഒരുത്തന്നെ ആണ് ഞാൻ നാലു കൊടുത്തു എന്നും വീരവാദം പറഞ്ഞു എന്റെ അടുത്ത് വന്നത്......

ഹരി...